ရန်ကုန်တိုင်းဒေသကြီးရဲတပ်ဖွဲ့ဝင်တွေကို ခေတ်မီလက်နက်တွေကျွမ်းကျင်စွာကိုင်တွယ်အသုံးပြု၊ ပစ်ခတ်ရေး သင်တန်းကို ဒီနှစ်မှာ ဒုတိယအကြိမ်မြောက်အဖြစ်ဖွင့်လှစ်ပေးခဲ့တာဖြစ်ပြီး သင်တန်း ဆင်းပွဲကို တိုင်းဒေသကြီးရဲတပ်ဖွဲ့မှူးရုံးမှာ မတ်လ(၁၆)ရက်က ပြုလုပ်ခဲ့ပါတယ်။ဒီသင်တန်းကို အမှတ်(၁)စစ်အခြေခံ လေ့ကျင့်ရေးတပ်(မင်းကုန်း)မှာ ပထမအကြိမ်အဖြစ် ဖွင့်လှစ်တဲ့သင်တန်းမှာ တက်ရောက်ခဲ့တဲ့ ရန်ကုန်တိုင်းဒေသကြီးရဲတပ်ဖွဲ့ဝင်တွေက နည်းပြတွေ အဖြစ်ဆောင်ရွက်ခဲ့ပြီး ဒီသင်တန်းမှာတဆင့် ပြန်လည်သင်ကြားပေးတာဖြစ်ပါတယ်။

ဒီသင်တန်းကို ဖေဖော်ဝါရီ(၁၃)ရက်က ဖွင့်ပွဲပြုလုပ်ကာ တိုင်းတပ်ဖွဲ့ဝင်(၁၅၀)ကို တတ်ရောက် သင်ကြားစေခဲ့ တာဖြစ်ပြီး ခေတ်မီလက်နက်တွေကိုကျွမ်းကျင်အောင် ကိုင်တွယ်အသုံးပြုနိုင်အောင် သင်းကြား ပေးခဲ့တာဖြစ်ပါတယ်။ လက်တွေ့လေ့ကျင့်ပစ်ခတ်တာတွေကိုလည်း အမှတ်(၁)စစ်အခြေခံ လေ့ကျင့်ရေးတပ်(မင်းကုန်း)မှာ သွားရောက်လေ့ကျင့်ခဲ့တယ်လို့လည်းသိရပါတယ်။ ဒီလိုဆင့်ပွားသင်တန်းတွေကို စဉ်ဆက်မပြတ် ဖွင့်လှစ်သင်ကြားပေးသွားမယ်လို့လည်း သိရပါတယ်။

ဒီသင်တန်းမှာ ခေတ်မီလက်နက်တွေဖြစ်တဲ့ BA63/BA64/BA72/BA94/MA13 ကျွမ်းကျင်စွာ အသုံးပြုနိုင်ဖို့ဖြုတ်ခြင်း၊ တပ်ခြင်း၊ တိုက်ချွတ်ခြင်းနဲ့ စနစ်တကျထားသို ထိန်းသိမ်းနိုင်ဖို့ လေ့ကျင့်သင်ကြားပေးခဲ့တာ ဖြစ်ပါတယ်။ 

 

 

Related News