လမ်းအသုံးပြုသူ အမျိုးသမီးများလုံခြုံရေး၊ ယာဉ်မောင်းအချင်းချင်း၊ ကူညီရေး ညှိနှိုင်းဖော် ဆောင်ပေးဆိုတဲ့ ခေါင်းစဉ်နဲ့ ပြုလုပ်တဲ့ ဆွေးနွေးပွဲကို မတ်လ(၁၇)ရက်က တော်ဝင်နှင်းဆီစားသောက်ဆိုင်မှာ ပြုလုပ်ခဲ့ပါတယ်အခုဆွေးနွေးပွဲကို Hot Gear မှ ဦးစီးကျင်းပတာ ဖြစ်ပြီး လမ်းအသုံးပြုသူအမျိုးသမီးတွေရဲ့ ကြုံတွေ့နေရတဲ့ အခက်အခဲတွေကို သက်ဆိုင်ရာနယ်ပယ်အသီးသီးမှ တာဝန်ရှိသူတွေက ဆွေးနွေးခဲ့ကြတာ ဖြစ်ပါတယ်။

ဒီဆွေးနွေးပွဲမှာ အမျိုးသမီးကိုယ်ပိုင်ယာဉ်မောင်းသူ၊ အငှားယာဉ်မောင်းသူ၊ ဘတ်စကားစီနင်းသူအမျိုးသမီးတွေရဲ့ နေ့စဉ်နဲ့အမျှကြုံတွေ့နေရတဲ့ အခက်အခဲတွေ၊ ဖြေရှင်းနိုင်မယ့်နည်းလမ်းအကြောင်းအရာတွေကို ထည့်သွင်းဆွေးနွေးခဲ့ကြတာ ဖြစ်ပါတယ်။ဒါ့အပြင် တက္ကစီ စီးနင်းသူ အမျိုးသမီးတွေ အဓမ္မပြုကျင့်ခံရမှု၊ ဘတ်စ်ကားစီးနင်းသူ အမျိုးသမီးတွေရဲ့ လုယက်ခံရမှုတွေ၊  အမျိုးသမီးတွေရဲ့ လုံခြုံရေးတွေကို သက်ဆိုင်ရာဌာနတွေက ညှိနှိုင်းဆောင်ရွက်ရမယ့်အချက်တွေကို အဆိုပါဆွေးနွေးပွဲမှာ ထည့်သွင်းဆွေးနွေးခဲ့ကြတာ ဖြစ်ပါတယ်။

အခုဒီဆွေးနွေးပွဲကနေရရှိတဲ့ အချက်အလက်တွေကို သက်ဆိုင်ရာတာဝန်ရှိသူတွေနဲ့ ဌာနဆိုင်ရာတွေကို ပေးပို့ပြီး ဆက်လက်ဆောင်ရွက်သွားမယ်လို့ သိရပါတယ်။ ဒါ့အပြင် လမ်းအသုံးပြုသူအမျိုးသမီးတွေ လုံခြုံရေးအတွက် အခုလိုဆွေးနွေးပွဲတွေကို နယ်ပယ်အသီးသီးက  ပညာရှင်တွေနဲ့ ထပ်မံပြုလုပ်သွားဖို့ရှိတယ်လို့ သိရပါတယ်။

 

 

Related News