အင်ဂျင်နီယာပညာရပ်ဆိုင်ရာ ဖွံ့ဖြိုးတိုးတက်ရေးအတွက် အလှူငွေပေးအပ်လှူဒါန်းခြင်းနှင့် အင်ဂျင်နီယာပညာရှင်အဖြစ် အသိအမှတ်ပြု လက်မှတ်များချီးမြှင့်ပွဲကို မတ်လ(၁၈)ရက်က လမ်းမတော် မြို့နယ်မှာရှိတဲ့ မြန်မာနိုင်ငံအင်ဂျင်နီယာကောင်စီရုံးချုပ်မှာ ကျင်းပခဲ့တာဖြစ်ပါတယ်။ မြန်မာနိုင်ငံအင်ဂျင်နီယာ ကောင်စီအနေနဲ့ မြန်မာနိုင်ငံသားအင်ဂျင်နီယာများရဲ့ ဂုဏ်သိက္ခာ ကျင့်ဝတ်များနဲ့ အရည်အသွေးများကို ပိုမိုမြင့်မားလာစေဖို့ ရည်ရွယ်အကောင်ထည်ဖော် ဆောင်ရွက် နေတာ ဖြစ်ပါတယ်။

အင်ဂျင်နီယာပညာရပ်ဆိုင်ရာ ကုမ္ပဏီများနဲ့ လုပ်ငန်းအဖွဲ့စည်းများမှ  ကြိုးပမ်းဆောင်ရွက်မှုတွေအပေါ် အထောက်အကူပြုစေနိုင်ဖို့အတွက် အလှူငွေများကိုပေးအပ် လှူဒါန်းခဲ့တာ ဖြစ်တယ်လို့ သိရပါတယ်။အခုလို အင်ဂျင်နီယာပညာရှင် အသိအမှတ်ပြုပေးအပ်ချီးမြှင့်ပွဲနဲ့အတူ အာဆီယံအပြန်အလှန် အသိမှတ်ပြုရေး အစီအစဉ်အရ မြန်မာနိုင်ငံအင်ဂျင်နီယာကောင်စီရုံးမှ  မှတ်ပုံတင် အင်ဂျင်နီယာ ပညာရှင်လက်မှတ်များရရှိထားတဲ့ အင်ဂျင်နီယာအယောက်(၈၀)ကို Asean Chartered Professional Engineer များအဖြစ် ပေးအပ်ချီးမြှင့်ခဲ့တာဖြစ်ပါတယ်။ ဒါ့အပြင် မှတ်ပုံတင်ကန့်သတ် အင်ဂျင်နီယာပညာရှင်လက်မှတ်ရရှိသူ(၄)ဦးတို့ကို အသိမှတ်ပြုလက်မှတ်များနဲ့ ကုမ္ပဏီအဆင့် သတ်မှတ်ချက်A/B နှင့် E ရရှိတဲ့ ကုမ္ပဏီများကိုလည်း အသိမှတ်ပြုလက်မှတ်များ ပေးအပ်ချီးမြှင့်ခဲ့တာ ဖြစ်ပါတယ်။

မြန်မာနိုင်ငံအင်ဂျင်နီယာကောင်စီကို ၂၀၁၃ခုနှစ် ဒီဇင်ဘာလ(၁၆)ရက်က စတင်ဖွဲ့စည်းခဲ့တာ ဖြစ်ပြီး၊ အာဆီယံဒေသအတွင်း၊ အာရှပစိဖိတ်ဒေသတွင်းနဲ့ နိုင်ငံတကာအဆင့်အတန်း အသိအမှတ်ပြုလက်မှတ်များကိုလည်း ပေးအပ်ချီးမြှင့်နိုင်ခဲ့တယ်လို့ သိရပါတယ်။ ၂၀၁၈ခုနှစ် အတွက် သတ္တမအကြိမ် အာဆီယံပဋိညာဉ်ခံ အင်ဂျင်နီယာပညာရှင်လက်မှတ်၊ တတိယအကြိမ်မှတ်ပုံတင်ကန့်သတ် အင်ဂျင်နီယာပညာရှင်လက်မှတ်နဲ့ စတုတ္ထအကြိမ်ကုမ္ပဏီအဆင့် သတ်မှတ်ချက် အသိမှတ်ပြုလက်မှတ်များကို ထပ်မံပေးအပ်ချီးမြှင့်ခဲ့တာပဲ ဖြစ်ပါတယ်။ 

 

 

Related News