ပြစ်မှုကျူးလွန်သူတရားခံတွေရဲ့ လက်ပုံစံနှိပ်ယူနည်းမွမ်းမံသင်တန်းကို ရန်ကုန်ဒေသကြီး ရဲတပ်ဖွဲ့က ဒီနှစ်မှာ ဒုတိယအကြိမ် မြောက်အဖြစ် အမှတ်စဉ်(၂/၂၀၁၈)ကို မတ်လ(၁၉)ရက်က စတင်ပြီး တိုင်းဒေသကြီးရဲတပ်ဖွဲ့မှူးရုံးမှာ ဖွင့်လှစ်သင်ကြားပေးနေပါတယ်။တရားခံတွေကို စနစ်တကျမှတ်တမ်းတင်ထားတာမရှိတာတွေ၊ မှတ်တမ်းတင်ထားပေမယ့် နည်းလမ်းမှန်ကန် အောင်မှတ်တမ်းရယူထားမှု မရှိတာတွေကြောင့်အမှန်တကယ် ပြစ်ချက်ဟောင်းရှိတဲ့ သူတွေကို ထိရောက်တဲ့ပြစ်ဒဏ်ပေးနိုင်ရေးဆောင်ရွက်ရာမှာ  အခက်အခဲတွေ ဖြစ်ပေါ်နေတာတွေ တွေ့ရတယ်လို့ သင်တန်းဖွင့်ပွဲမှာ ရန်ကုန်တိုင်းဒေသကြီးရဲတပ်ဖွဲ့မှူး ရဲမှူးချုပ်ဝင်းနိုင်က ပြောကြားပါတယ်။

ဒါ့ကြောင့် လက်ပုံစံတွေကို စခန်းအသီးသီးက  စနစ်တကျမှတ်တမ်းတင် ထားရှိပြီး မှတ်တမ်းတင်ထားတဲ့ လက်ပုံစံစာချပ်တွေကို မှုခင်းရဲတပ်ဖွဲ့ကို အချိန်နဲ့တပြေးညီ မပျက်မကွက်ပေးပို့ကြဖို့လည်းပြောပါတယ်။ ဒါ့အပြင်ပြစ်မှုကျူးလွန်သူတွေ အပေါ်ကို တရားရုံမှာ ထိရောက်တဲ့ပြစ်ဒဏ်တွေရရှိဖို့ အမှုတွဲတွေနဲ့ပူးတွဲတင်ပြရပြီး  ဒီမှတ်တမ်းတွေဟာ အရေးကြီးကြောင်းကိုလည်း ပြောကြားခဲ့ပါတယ်။ လက်ပုံစံနှိပ်ယူနည်းကတော့ ပြစ်မှုကျူးလွန်သူ တွေရဲ့ လက်ပုံစံတွေကို ရဲစခန်းအသီးသီးက ရိုက်နှိပ်ပြီး လက်ပုံစံစာချပ်များရယူကာ မှုခင်းတပ်ဖွဲ့ကို ပေးပို့ပေးရတာဖြစ်ပါတယ်။

ဒီသင်တန်းမှာ သင်တန်းသားအရာရှိ(၄၄)ဦးကို (၁)ပတ်တာ သင်ကြားပေးသွားမှာ ဖြစ်ပါတယ်။ စီရင်ချက်ချမှတ်ပြီးတဲ့တရားခံတွေရဲ့ လက်ပုံစံတွေကို စနစ်တကျ မှတ်တမ်းတင်ထား နိုင်ဖို့ လိုအပ်လို့ ဒီသင်တန်းကို ဖွင့်လှစ်ခဲ့တာဖြစ်ပြီး မှုခင်းရဲတပ်ဖွဲ့မှ ကျွမ်းကျင်ပညာရှင်တွေ ကိုယ်တိုင် လာရောက် လေ့ကျင့်သင်ကြားပေးတာလည်း ဖြစ်ပါတယ်။ လက်ပုံစံစာချပ်တွေရိုက်ယူရတဲ့  မှုခင်းမှတ်တမ်းတာဝန်ခံအားလုံးအပါအ၀င် တပ်ဖွဲ့ဝင် (၁၂၀)ကို သင်ကြားပေးပြီးလည်းဖြစ်ပါတယ်။ သင်ကြားတတ်မြောက်ပြီးစီးတဲ့ မှုခင်းမှတ်တမ်းတာဝန်ခံ သင်တန်းသားတွေကတဆင့် စခန်းကတပ်ဖွဲ့ဝင်တွေကိုလည်း ဆင့်ပွားသင်ကြားပေးသွားမှာ ဖြစ်တယ်ယ်လို့ သိရပါတယ်။ 

 

 

Related News