လက်ရှိ ဘဏ္ဍာရေးနှစ်အပြောင်းအလဲ ကြားကာလ (၆)လတာအတွက် ပြီးခဲ့တဲ့ ဧပြီလကနေမေလ ကုန်အထိ ရင်းနှီးမြှုပ်နှံမှုဝင်ရောက်ထားတဲ့စာရင်းတွေအရ နိုင်ငံခြားရင်းနှီးမြှုပ်နှံမှုထက် ပြည်တွင်းမြန်မာနိုင်ငံသားရင်းနှီးမြှုပ်နှံမှုတွေက ပိုမိုဝင်ရောက်နေတာဖြစ်ပါတယ်။ ဒီနှစ်လတာကာလ အတွင်းမှာတော့ နိုင်ငံခြားရင်းနှီးမြှုပ်နှံမှုလုပ်ငန်းအသစ်(၇)ခုကနေ ရင်းနှီးမြုပ်နှံမှုပမာဏ အမေရိကန်ဒေါ်လာ (၆၃)သန်းကျော်ဝင်ရောက်ခဲ့ပြီး ရှိပြီးသားလုပ်ငန်းတွေက ရင်းနှီးမြှုပ်နှံမှု ထပ်တိုးတာနဲ့ဆိုရင် ဒီနှစ်လအတွင်း နိုင်ငံခြားရင်းနှီးမြုပ်နှံမှု အမေရိကန်ဒေါ်လာ (၁၀၈)သန်း ကျော်ဝင်ရောက်ခဲ့ပါတယ်။
 
ဒါ့အပြင်သီလ၀ါ အထူးစီးပွားရေးဇုန်ကိုလည်း ဒီနှစ်လအတွင်း နိုင်ငံခြားရင်းနှီးမြှုပ်နှံမှု အမေရိကန်ဒေါ်လာသန်း (၂၁)သန်းကျော်ဝင်ရောက်ခဲ့တယ်လို့ မေလ(၁၅) ရက်က ရင်းနှီးမြှုပ်နှံမှုနှင့်ကုမ္ပဏီများညွှန်ကြားမှုဦးစီးဌာနမှ ပြုလုပ်တဲ့ သတင်းစာ ရှင်းလင်းပွဲမှ သိရပါတယ်။
 
မြန်မာနိုင်ငံသား ရင်းနှီးမြှုပ်နှံမှုတွေကတော့ ဒီနှစ်လအတွင်း လုပ်ငန်း (၂၄) ခုကနေ အမေရိကန်ဒေါ်လာ (၁၁၃)သန်းအပါအ၀င် စုစုပေါင်း ကျပ်(၆၃၅) ဘီလီယံကျော် ၀င်ရောက် ထားပြီးရှိပြီးသားလုပ်ငန်းတွေက အရင်းအနှီးတိုးချဲ့တာနဲ့ဆို ပြီးခဲ့တဲ့ ဧပြီ(၁)ရက်ကနေ မေလကုန်အထိ ရင်းနှီးမြုပ်နှံမှုပမာဏ စုစုပေါင်း အမေရိကန်ဒေါ်လာ (၁၁၄)သန်းအပါအ၀င် ကျပ် (၆၄၄) ဘီလီယံရှိတယ်လို့သိရပါတယ်။ 
 
ရင်းနှီးမြှုပ်နှံမှုနှင့်ကုမ္ပဏီများညွှန်ကြားမှုဦးစီးဌာန (DICA) အနေနဲ့လာမယ့်ဘဏ္ဍာရေးနှစ် မစတင်မီ ကြားကာလ (၆)လတာ ၂၀၁၈ ဧပြီလကနေ စက်တင်ဘာလအထိ ပြည်ပရင်းနှီးမြှုပ်နှံမှု အမေရိကန်ဒေါ်လာ (၃)ဘီလီယံ ၀င်ရောက်နိုင်ဖို့မျှော်မှန်းထားတယ်လို့သိရပါတယ်။ 
 
 

Related News