ဆွီဒင်နိုင်ငံက ဇီဝဆေးဝါးကုမ္ပဏီတစ်ခုဖြစ်တဲ့ AstraZeneca  က ပြည်တွင်းမှာဆန်းသစ်တဲ့ ဆေးဝါးတွေနဲ့ကုသမှုနည်းပညာတွေ ကိုပံ့ပိုးကူညီသွားဖို့ Hemas Mandalar 
Phamaceuticals Limited နဲ့ စတင်ပူးပေါင်းတဲ့ အခမ်းအနားကို မေလ(၁၃)ရက်က ရန်ကုန်မြို့ LOTTE Hotel မှာ ပြုလုပ်ခဲ့ပါတယ်။ 
 
မြန်မာနိုင်ငံရဲ့ ခေတ်မီလာတဲ့ကျန်းမာရေးကဏ္ဍကို ထောက်ပံ့ပေးနိုင်ပြီး ပိုမိုဆန်းသစ်တဲ့ ဆေးဝါးတွေနဲ့ ရောဂါကာကွယ်မှုတွေကို ပြုလုပ်ပေးနိုင်ဖို့ AstraZenecaနဲ့ပူးပေါင်းပြီး ဆေးဝါးတွေကိုတင်သွင်းတာဖြစ်ပါတယ်။ AstraZeneca က ဇီဝဆေးဝါးကုမ္ပဏီတစ်ခုဖြစ်ပြီး ဆရာဝန်ညွှန်ကြားမှုဖြင့်ဆေးဝါးတွေ၊ အသက်ရှုလမ်းကြာင်းဆိုင်ရာရောဂါ၊ အကြိတ်ရောဂါ၊ နှလုံးသွေးကြောဆိုင်ရာရောဂါတွေနှင့် ကင်ဆာရောဂါတွေ စတဲ့ရောဂါအမျိုးအစားအလိုက် လိုအပ်တဲ့ ဆေးဝါးတွေကို Hemas Mandalar Phamaceuticals Limited မှ တစ်ဆင့် ပြည်တွင်းဈေးကွက် မှာ ဖြန့်ချီသွားမယ်လို့ သိရပါတယ်။
 
ကုသမှုနည်းပညာတွေအတွက် သိပ်္ပံနည်းပညာများ အသုံးချခြင်းနှင့် မြန်မာနိုင်ငံမှာ ဖြစ်ပွားလေ့ရှိတဲ့ အသက်ရှုလမ်းကြောင်းဆိုင်ရာရောဂါတွေနဲ့ ကင်ဆာရောဂါကုသမှုတွေအတွက် အထောက်အကူပြုမှာဖြစ်တယ်လို့ သိရပါတယ်။ ဒီရောဂါတွေကြောင့်နှစ်စဉ် လူပေါင်း သုံးသောင်းကျော်အသက်ဆုံးရှုံးလျက်ရှိနေပြီး နှစ်စဉ်ကင်ဆာ ရောဂါဖြစ်ပွားမှုနှုန်းလည်း ပိုမိုမြှင့် တက်နေတယ်လို့ ကျန်းမာရေးနှင့် အားကစားဝန်ကြီးဌာနက တာဝန်ရှိသူတစ်ဦးက ပြောပါတယ်။
 
ဆွီဒင်နိုင်ငံ ကုန်သွယ်မှုနှင့် ရင်းနှီးမြှုပ်နှံမှုကောင်စီမှဆေးပညာကျွမ်းကျင်သူတွေနှင့် ပြည်တွင်း ဆေးပညာအသိုက်အ၀န်းမှ ကျွမ်းကျင်ပညာရှင်တို့က ရောဂါကာကွယ်ကုသမှုအတွေ့အကြုံများ၊ ဖြေရှင်းချက်တွေကို မျှဝေခဲ့ကြပြီး အပြန်အလှန်ဆွေးနွေးခဲ့ပါတယ်။ အခုလိုဆေးဝါးတွေ တင်သွင်းတာကတစ်ဆင့် ပိုမိုဆန်းသစ်တဲ့ဆေးဝါးတွေကို လေ့လာပြီးရောဂါဝေဒနာခံစားနေရ သူတွေကို ထောက်ပံ့နိုင်ပြီး ကာကွယ်ထိန်းချုပ်မှုတွေကို ကျယ်ကျယ်ပြန့်ပြန့် လုပ်ဆောင်သွားမယ်လို့ သိရပါတယ်။
 
 
 
 

Related News