မြန်မာနိုင်ငံမိုးလေ၀သဆိုင်ရာဘေးအန္တရာယ်များ ကြိုတင်ပြင်ဆင်နိုင်ဖို့ နဲ့ သတိပေးချက် တွေထုတ်ပြန်ပေး နိုင်ဖို့အတွက် မန္တလေး မိုးလေ၀သရေဒါစခန်းကို မန္တလေးတိုင်းဒေသကြီး၊ စဥ့်ကိုင်မြို့နယ် ကြေးနီကန်ရွာမှာ တည်ဆောက်ဖွင့်လှစ်ခဲ့ပါတယ်။ မန္တလေး မိုးလေ၀သ ရေဒါစခန်း မှာ (၅၅)မီတာအမြင့်ရှိပြီး မိုင် (၂၅၀) ၊ကီလိုမီတာ ၉၄၅၀) အထိ တိုင်းတာနိုင်တယ်လို့ သိရပါတယ်။ဒီ ရေဒါ စခန်းမှာ မန္တလေးတိုင်းဒေသကြီး၊ မကွေးတိုင်းဒေသကြီး၊ စစ်ကိုင်းတိုင်းဒေသကြီး၊ ကချင်ပြည်နယ် တောင်ပိုင်း၊ ရှမ်းပြည်နယ်၊ ချင်းပြည်နယ် စတဲ့ ပြည်နယ် နဲ့ တိုင်းဒေသကြီးများကို လွှမ်းခြုံထားတဲ့ အနေအထားရှိတယ်လို့ဆိုပါတယ်။

မန္တလေးမိုးလေ၀သ ရေဒါစခန်းမှာ ၀န်ထမ်း အင်အား(၁၃)ဦးနဲ့လုပ်ငန်းဆောင်ရွက်နေပြီး ရေဒါတိုင်းထွာချက်များကို ဂြိုဟ်တုဆက်သွယ်ရေး စနစ် အသုံးပြုပြီး အချိန်နဲ့ တပြေးညီ မိုးလေ၀သခန့်မှန်းရေးဌာနကို ပို့ဆောင်ပေးနေတယ်လို့ ဆိုပါတယ်။ ဒီခန့်မှန်းချက်များကို သုံးသပ်ပြီး ရေဒါ ခန့်မှန်းချက်များ၊တိမ်ပုံဖမ်းစက် ခန့်မှန်းချက်များကို ပေါင်းစပ်ပြီးမှ မိုးလေ၀သသတင်းကို ထုတ်ပြန်တာဖြစ်တယ်လို့ ပြောပါတယ်။မြန်မာနိုင်ငံမှာ ဆိုးရွားတဲ့ မိုးလေ၀သအခြေအနေများ စောင့်ကြည့်စနစ်ထူတောင်မှုစီမံကိန်းကို ဂျပန်အပြည်ပြည်ဆိုင်ရာ ပူးပေါင်းဆောင်ရွက်ရေး အေဂျင်စီ(JICAဂျိုက်ကာ)နဲ့ ၂၀၁၃ခုနှစ် မတ်လမှာ MOU လက်မှတ်ရေးထိုးခဲ့တယ်လို့သိရပါတယ်။

ဒီသဘောတူညီချက်အရ Doppler(ဒေါ့ပလာ) အမျိုးအစားရေဒါ (၃)လုံးကို ကျောက်ဖြူရေဒါစခန်း၊ ရန်ကုန်ရေဒါစခန်းနဲ့ မန္တလေး ရေဒါစခန်း တို့မှာ တပ်ဆင်ပေးခဲ့ပြီး အလိုအလျောက် မိုးလေ၀သတိုင်းတာရေးကိရိယာ အလုံး(၃၀) ကို မြန်မာနိုင်ငံအတွင်း ဖြန့်ကျက် တပ်ဆင်ပေးခဲ့တယ်လို့သိရပါတယ်။၂၀၀၈ ခုနှစ်မတိုင်ခင်က မိုးလေ၀သ အခြေအနေကို ခန့်မှန်းရာမှာ အိန္ဒိယ မှ ပေးပို့တဲ့ ဓာတ်ပုံများကို ကြည့်ပြီးခန့်မှန်းခဲ့ရတာဖြစ်ပါတယ်။ အခုလို မိုးလေ၀သရေဒါစခန်းတွေ ရှိလာတာကြောင့် ယခင် မိုးလေ၀သ ခန့်မှန်းချက်များထက် ယခု မိုးလေ၀သ ခန့်မှန်းချက်များက ပိုမိုမှန်ကန်လာပြီး တိုးတက်လာတယ်လို့ မိုးလေ၀သနှင့်ဇလဗေဒညွှန်ကြားမှုဦးစီးဌာန၊ညွှန်ကြားရေးမှူးချုပ် ဒေါက်တာ ကျော်မိုးဦးက ပြောပါတယ်။မိုးလေ၀သ ရေဒါစခန်းများ တည်ဆောက်ရာမှာ ရေဒါ (၃)လုံး နဲ့ အလိုအလျောက် မိုးလေ၀သ တိုင်းတာရေးကိရိယာ အလုံး(၃၀) ကို ဂျပန်နိုင်ငံက လှူဒါန်းခဲ့တာဖြစ်ပြီး ကုန်ကျစရိတ်မှာ အမေရိကန်ဒေါ်လာ (၄၀.၇၂) သန်း ၀န်းကျင် ရှိတယ်လို့ သိရပါတယ်။

 

 

Related News