မန္တလေးတိုင်းဒေသကြီး အမရပူရမြို့နယ်၊ ခြောက်သွေးသောက်ကျေးရွာမှာ ပေ ၄၀၀၀ ကျော် အရှည်ရှိတဲ့ ကွန်ကရစ်လမ်း သစ်ဖွင့်ပွဲကို ဇွန်လ ၈ ရက်နေ့က ပြုလုပ်ခဲ့တာဖြစ်ပါတယ်။  အခုဖွင့်လှစ်တဲ့ ကျေးရွာ ကွန်ကရစ်လမ်းကို စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာန၊ ကျေးလက် ဒေသဖွံ့ဖြိုးတိုးတက်ရေးဦးစီးဌာနက ကျေးရွာဖွံ့ဖြိုးရေးစီမံကိန်း (VDP) အတွက် ကျပ် သိန်း ၁၀၀ ထောက်ပံ့ပေးပြီး ကျေးရွာလူထုထည့်ဝင်ငွေ ကျပ်သိန်း ၅၀ ဖြင့် ဖောက်လုပ်တာဖြစ်ပါတယ်။ အခုလို  ကွန်ကရစ်လမ်းသစ် ဖောက်လုပ်ပေးခြင်းဖြင့်  ကျေးရွာတွေမှာ ကုန်ထုတ်လမ်း တွေဖြစ်လာပြီး လမ်းပန်းဆက်သွယ်ရေးပါ အဆင်ပြေလွယ်ကူလာစေဖို့ ဖြစ်တယ်လို့ သိရပါတယ်။

ကျေးရွာဖွံ့ဖြိုးရေးစီမံကိန်း (VDP) ကို မန္တလေးတိုင်းဒေသကြီးက ကျေးရွာပေါင်း ၁၇၂ ရွာမှာ ရေပေးရေးလုပ်ငန်း၊ မီးလင်းရေးလုပ်ငန်း နဲ့ လမ်းတံတားလုပ်ငန်းတွေကို ယခုနှစ်အတွင်း ဆောင်ရွက်ပေးသွားမယ်လို့ ပြောပါတယ်။ မန္တလေးတိုင်းဒေသကြီးအတွင်းမှာ ကျေးရွာပေါင်း ၄၈၀၀ ရှိပြီး ကျေးလက် နေပြည်သူတွေရဲ့ ၇၀ ရာခိုင်နှုန်း ဖွံ့ဖြိုးတိုးတက်ဖို့ ကျေးလက်ဒေသဖွံဖြိုးတိုးတက်ရေးဦးစီးဌာနက လူထုဗဟိုပြုစီမံကိန်း၊ မြစိမ်းရောင်စီမံကိန်း၊ ကျေးရွာဖွံ့ဖြိုးရေးစီမံကိန်း တွေကို ဆောင်ရွက်နေတယ်လို့ပြောပါတယ်။ အခု ဖွင့်လှစ်တဲ့ အမရပူရမြို့နယ်၊ ခြောက်သွေးသောက် ကျေးရွာကွန်ကရစ်လမ်းသစ် ၇ လမ်းမှာ လမ်းအကျယ် ၁၄ ပေ၊ ထုထည် ၆ လက်မ နှင့် ပေပေါင်း ၄၂၀၀ ရှိတယ်လို့ သိရပါတယ်။

မန္တလေးတိုင်းဒေသကြီး အမရပူရ မြို့နယ်၊ ခြောက်သွေးသောက်ကျေးရွာမှာ အိမ်ထောင်စု နှစ်ရာကျော်၊ လူဦးရေ ရှစ်ရာကျော် ရှိတယ်လို့သိရပြီး  အရင်က မိုးရာသီမှာတော့ သွားလာမှုခက်ခဲ ခဲ့တယ်လို့ သိရပါတယ်။မန္တလေးတိုင်းဒေသကြီး ကျေးလက်ဒေသဖွံဖြိုးတိုးတက်ရေးဦးစီးဌာနက တိုင်းဒေသကြီးအတွင်း ကျေးရွာဖွံ့ဖြိုးတိုးတက်ရေးအတွက် ကျေးရွာအုပ်စုပေါင်း ၃၂၀ က ကျေးရွာပေါင်း တစ်ထောင်ကျော်မှာ  စီမံကိန်းလုပ်ငန်းခွဲပေါင်း ၂၀၀၀ နီးပါး ဆောင်ရွက်နေတယ်လို့သိရပါတယ်။ မန္တလေးသတင်းအဖွဲ့က ပေးပို့ထားတာဖြစ်ပါတယ်။

 

 

 

Related News