ကျောက်တံတားမြို့နယ်၊ (၃၄)လမ်း အလယ်ဘလောက်မှာရှုပ်ထွေးနေတဲ့ လျှပ်စစ်ကြိုးတွေကို ဇွန်လ(၁၀)ရက်မနက်ပိုင်းမှာ စတင်ရှင်းလင်းနေတာဖြစ်ပါတယ်။ ကျောက်တံတားမြို့နယ် (၃၄)လမ်းမှာရှိတဲ့   ရှုပ်ထွေး service ကြိုး (67) ကြိုးကို ပထမအကြိမ်ရှင်းလင်းမှုစတင် ဆောင်ရွက်နေတာဖြစ်ပြီး (2018) ခုနှစ်ကုန် အထိဆောင်ရွက်သွားမှာဖြစ်ပါတယ်။ ဒီလို ရှင်းလင်းတာက မိုးတွင်းကာလ လျှပ်စစ်အန္တရာယ်မဖြစ်ပွား စေရန် ၊မြို့နယ်အတွင်းမှာ  မီးအား အပြည့်ရရှိနိုင်စေရန်၊ ဗို့အားမကျဆင်းစေရန်စတဲ့ ရည်ရွယ်ချက်တွေနဲ့ အခုလို ရှုပ်ထွေးလျှပ်စစ်ကြိုးတွေ ကိုရှင်းလင်းတာဖြစ်ပါတယ်။

လျှပ်စစ်နှင့်စွမ်းအင်ဝန်ကြီးဌာန၊ ရန်ကုန်လျှပ်စစ်ဓာတ်အားပေးရေးကော်ပိုရေးရှင်းက  မိုးတွင်းကာလမှာ ပြည်သူတွေလျှပ်စစ်အန္တရာယ်ကင်းရှင်းအောင် ဆောင်ရွက်နေပြီး လျှပ်စစ်ဓာတ်ကြိုးအသစ်လဲလှယ်ပေးခြင်းနဲ့ လျှပ်စစ်ဓာတ်အားကြိုးနဲ့ မလွတ်ကင်းတဲ့ သစ်ပင်တွေကို လိုက်လံ ခုတ်လှဲမှုတွေလည်း ဆောင်ရွက်နေတာဖြစ်ပါတယ်။ဒီလို ကျောက်တံတားမြို့နယ်အတွင်းက ရှုပ်ထွေးနေတဲ့ လျှပ်စစ်ဓါတ်အားကြိုးတွေရှင်းလင်းနေမှု အပေါ်ပြည်သူတွေက အခုလို ပြောပါတယ်။ 

အခုလို ကျောက်တံတားမြို့နယ်အတွင်းက ရှုပ်ထွေးလျှပ်စစ်ကြိုးရှင်းလင်းတာတွေကို ရန်ကုန်လျှပ်စစ်ဓာတ်အားပေးရေးကော်ပိုရေးရှင်းက ဆောင်ရွက်ပေးနေတာဖြစ်ပြီး  မိုးရာသီကာလမှာ လျှပ်စစ်အန္တရာယ်မဖြစ်အောင် လုပ်ဆောင်ပေးနေတာဖြစ်တယ်လို့ သိရပါတယ်။ ဒီလိုဆောင်ရွက်မှုတွေကို ရန်ကုန်တိုင်းဒေသကြီးက လျှပ်စစ်ရုံးမှလျှပ်စစ်ဥက္ကဋ္ဌ၊ ကျောက်တံတားမြို့နယ်က ပြည်သူ့လွှတ်တော် ကိုယ်စားလှယ်အပါအ၀င် ကျောက်တံတားမြို့နယ်လျှပ်စစ်ရုံးကတာဝန်ရှိသူတွေက ဆောင်ရွက်ခဲ့တာဖြစ်ပါတယ်။

 

 

Related News