ဂျပန်နိုင်ငံက ခေတ်မှီရေသန့်စင်နည်းစနစ် ဆိုက်ပွန် နည်းစနစ်နဲ့(၂၀၄၀)ခုနှစ်နောက်ပိုင်းမှာ  မြန်မာနိုင်ငံကို ရေပေးဝေဖို့ စီစဉ်နေတယ်လို့ ဇွန်လ(၁၀)ရက်က ပြုလုပ်ခဲ့တဲ့ အမျိုးသားအဆင့်ရေအရင်းအမြစ် ကော်မတီအကြံပေးအဖွဲ့မှ ကြီးမှူးကျင်းပတဲ့ ပြည်သူ့အတွက်ဟောပြောပွဲအစီအစဉ်မှသိရပါတယ်။လက်ရှိ ရန်ကုန်မြို့ကို တစ်နေ့ရေ ဂါလံ သန်း (၂၀၀)ရေပေးဝေနေပြီး ဒါဟာ လက်ရှိလူဦးရေ (၆)သန်းအတွက်သာဖြစ်ပြီး (၂၀၄၀)ခုနှစ်မှာ မြန်မာနိုင်ငံရဲ့ လူဦးရေဟာ (၁၀)သန်းကျော်နီးပါးဖြစ်လာတဲ့အခါ တစ်နေ့ကို ရေဂါလံ သန်း(၆၀၀)ကျော် ဖြန့်ဖြူးပေးရမှာဖြစ်တယ်လို့ အမျိုးသား အဆင့် ရေအရင်းအမြစ် ကော်မတီအကြံပေးအဖွဲ့မှတာဝန်ရှိသူထံမှ သိရပါတယ်။ ဒီလို ဖြန့်ဖြူးတဲ့ အခါမှာ လက်ရှိ အသုံးပြုနေတဲ့ သမရိုးကျနည်းလမ်းတွေနဲ့ဆက်လက်အသုံးပြုမယ်ဆို ရင်လုံလောက်အောင်ဖြန့်ဖြူးပေးနိုင်မှာ မဟုတ်ဖူးလို့သိရပါတယ်။

ဒါကြောင့် ယခုသူတို့လေ့လာထားတဲ့ ဂျပန်နိုင်ငံက ရေသန့်စင်နည်းစနစ်ကို အသုံးပြုမှသာအချိန်တိုအတွင်းထိရောက်မှုမြန်ဆန်ပြီး ကျန်းမာရေးနဲ့ညီညွတ်တဲ့ရေရရှိနိုင်မှာ ဖြစ်တယ်လို့သိရပါတယ်။လက်ရှိမှာသဲကို ဖြတ်သန်းပြီးမှရေစစ်တဲ့စနစ်ကို အသုံးပြုနေတာဖြစ်ပါတယ်။ယခုလေ့လာထားတဲ့ စနစ်က ဆိုက်ပွန်နည်းစနစ်နဲ့ သဲအတွင်းကို ဖြတ်တဲ့ နည်းစနစ်ဖြစ်တာကြောင့် လက်ရှိသုံးနေတဲ့ နည်းစနစ်ထက် စွမ်းအင်သုံးစွဲမှုနည်းတယ်လို့သိရပါတယ်။ ဂျပန်နိုင်ငံ Jica(ဂျိုက်ကာ) ရဲ့ အကူအညီနဲ့လက်ရှိ ရန်ကုန်မြို့ ရေပေးဝေရေးကို ဖူးကြီးရေလှောင်တမံ၊ ဂျိုးဖြူရေလှောင်တမံ၊လှော်ကားရေလောင်တမံတို့မှ ရေပေးဝေနေပြီး မြေအောက်ရေကို လည်းထုတ်ယူသုံးစွဲနေတယ်လို့သိရပါတယ်။

အမျိုးသား အဆင့်ရေအရင်းအမြစ် ကော်မတီအကြံပေးအဖွဲ့အနေနဲ့ပြီးခဲ့တဲ့ (၂၀၁၅)ခုနှစ်မှာ  မြန်မာနိုင်ငံရေမူဝါဒ ကို ပြဋ္ဌာန်းပေးခဲ့ပြီး ဖြစ်တယ်လို့သိရပါတယ်။ နောက်ထပ်လည်း မြန်မာနိုင်ငံ ရေဥပဒေ ပေါ်ထွန်းလာရေးအတွက်လည်း ဆက်လက်ဆောင်ရွက်နေပြီး ဒါကို အမျိုးသား အဆင့် ရေအရင်းအမြစ် ကော်မတီအကြံပေးအဖွဲ့မှ ပြုစုရေးဆွဲနေကာ မူကြမ်းအဆင့် ရေးဆွဲပြီးဖြစ်တယ်လို့သိရပါတယ်။

 

 

 

 

Related News