ကျွဲ၊ နွားအရှင်တွေကို ပြည်ပတင်ပို့ဖို့လုပ်ငန်း စတင်အကောင်အထည်ဖော်ခဲ့ချိန်ကနေ (၆)လတာကာလအတွင်း ကျွဲနွားအကောင်ရေ(၅၆၇၉၃)ကောင်ကို တင်ပို့ခဲ့တယ်လို့ စိုက်ပျိုးရေး၊ မွေးမြူရေးနှင့်ဆည်မြောင်းဝန်ကြီးဌာနက သိရပါတယ်။ ကျွဲ၊ နွားအရှင်တွေကို ပြည်ပတင်ပို့နိုင်ဖို့ရာအတွက် လုပ်ငန်းစဉ်တွေကို လွန်ခဲ့တဲ့ ၂၀၁၇ခုနှစ် ဒီဇင်ဘာလမှာ စတင်ခဲ့တာဖြစ်ပြီး ပြီးခဲ့တဲ့ (၂၀၁၈)မေလအထိ(၆)လတာကာလအတွင်း ပြည်ပတင်ပို့ခဲ့တဲ့ ကျွဲအရေအတွက် (၆၇၇၁)ကောင်နဲ့ နွားအရေအတွက်(၅၀၀၂၂)ကောင်ရှိခဲ့တယ်လို့ စိုက်ပျိုးရေး၊မွေးမြူရေးနှင့် ဆည်မြောင်းဝန်ကြီးဌာနက ဒုတိယ၀န်ကြီးဦးလှကျော်က ပြောပါတယ်။

ကျွဲနွားတွေကိုပြည်ပသို့ တရားဝင်တင်ပို့ခွင့်ပြုခဲ့ပြီး ပြည်တွင်းတွင် ခိုင်းကျွဲ၊ နွားပြတ်လပ်မှုမရှိစေရေးနှင့် ပြည်တွင်းနွားမွေးမြူရေးစဉ်ဆက်မပြတ်စေရန်အတွက် မည်ကဲ့သို့ စီစဉ်ထားကြောင်းသိရှိလိုတာနဲ့ ပတ်သက်ပြီး ဇွန်လ(၁၁)ရက်နေ့ကပြုလုပ်ခဲ့တဲ့ ဒုတိယအကြိမ် ပြည်သူ့လွှတ်တော် အဋ္ဌမပုံမှန် အစည်းအဝေးမှာ မင်းလှမဲဆန္ဒနယ်က ဒေါက်တာဦးသန်းအောင်စိုးက မေးမြန်းခဲ့တာပါ။ မေးခွန်းမေးမြန်းခဲ့တဲ့ ဒေါက်တာဦးသန်းအောင်စိုးက မြန်မာနိုင်ငံအနေနဲ့ စက်မှုလယ်ယာကို အပြည့်အ၀ မကူးပြောင်းနိုင်သေးတဲ့အချိန်မှာ ခိုင်းကျွဲနွားတွေ ပြတ်လပ်သွားမှာစိုးတဲ့အတွက် ယခုမေးခွန်းကိုမေးမြန်းခဲ့တာလို့ ဆိုပါတယ်။

ကျွဲနွားတွေကိုပြည်ပတင်ပို့ရာမှာ ခွင့်ပြုအကောင်ရေကိုသာတစ်ကြိမ်ထဲသယ်ဆောင်ခွင့်ပြုပြီး အသက်(၅)နှစ်နှင့်အထက် ကျွဲနွားများကိုသာပြည်ပတင်ပို့ခွင့်ပြုကာ နွားထီးဖြစ်ပါက သင်းကွပ်ပြီးနွားထီးများသာခွင့်ပြုတယ်လို့ သိရပါတယ်။

 

 

Related News