ဒစ်ဂျယ်တယ် နည်းပညာအသုံးပြုပြီး သတင်းအချက်အလက်နဲ့ စာအုပ်တွေ ရှာဖွေဖတ်ရှုနိုင်မယ့် ဝန်ဆောင်မှုတွေကို မြန်မာနိုင်ငံတစ်ဝှမ်းက စာကြည့်တိုက် ၁၅၀မှာ ရယူသုံးစွဲနိုင်ပြီဖြစ်ကြောင်း မြန်မာ့စာအုပ်၊ စာပေပံ့ပိုးကူညီမှုနှင့် ထိန်းသိမ်းစောင့်ရှောက်မှုအသင်းရဲ့ အမှုဆောင်ဒါရိုက်တာဒေါက်တာသန့်သော်ကောင်းက ပြောပါတယ်။ 

တိုင်းဒေသကြီးနဲ့ ပြည်နယ်အသီးသီးက စာကြည့်တိုက်တစ်ချို့မှာ ဒစ်ဂျယ်တယ်ဝန်ဆောင်မှုတွေ ထပ်တိုးဖြည့်ပေးထား တာဖြစ်ပြီး ဒီစာကြည့်တိုက်တွေမှာ အင်တာနက်တပ်ဆင်ထားကာ ကွန်ပျူတာ၊ တက်ဘလက်စတဲ့ ပစ္စည်းတွေ အသုးံပြုပြီး သတင်းအချက်အလက်ရှာတာတွေ ပြုလုပ်နိုင်မှာ ဖြစ်ပါတယ်။

စာကြည့်တိုက်တွေကို  လူငယ်အများစုလာရောက်နေကြပြီး ဒီအထဲက ငါးဆယ်ရာခိုင်နှုန်းခန့်က နောက်ဆုးံထွက်ရှိတဲ့ သတင်းအချက်အလက်တွေကို သိချင်တာကြတာကြောင့် ဖြစ်တယ်လို့ ပြောပါတယ်။ နယ်စွန်နယ်ဖျားက စာကြည့်တိုက်တွေမှာပါ အင်တာနက်ဝန်ဆောင်မှုနဲ့ သတင်းအချက်အလက်တွေ ရရှိအောင် လုပ်ပေးထားပြီး စာကြည့်တိုက်မှူးတွေကိုလည်း ဝက်ဘ်ဆိုက်နဲ့ အက်ပလီကေးရှင်း အသုံးပြုနည်းတွေ လေ့ကျင့်သင်ကြားပေးထားတယ်လို့ သိရပါတယ်။ ပြီးခဲ့တဲ့ ခြောက်နှစ်ကထက်စာရင် မြန်မာနိုင်ငံမှာ လက်ရှိ မိုဘိုင်းသုံးစွဲသူ ရှစ်ဆယ်ရာခိုင်နှုန်းအထိ မြင့်တက်လာကြောင့် အင်တာနက်ကနေ သတင်းအချက်အလက် ရှာဖွေမှု မြင့်တက်လာပါတယ်။ မိုဘိုင်းဖုန်းနဲ့ တက်ဘလက်တွေ အသုံးပြုပြီး စာအုပ်တွေ ဖတ်ရှုနိုင်တဲ့ ဝန်ဇင်းအက်ပလီကေးရှင်း ကလည်း တစ်ရက်ကို ဝင်ရောက်ကြည့်ရှုသူ တစ်သောင်းခန့်ရှိနေတယ်လို့ သိရပါတယ်။

ဒစ်ဂျစ်တယ် ဝန်ဆောင်မှုကိုပြန်ကြားရေး ဝန်ကြီးဌာန၊ မြန်မာ့စာအုပ်၊စာပေပံ့ပိုးကူညီမှုနှင့် ထိန်းသိမ်းစောင့်ရှောက်မှုအသင်း၊ အော်ရီဒူးမြန်မာနဲ့ IREX အဖွဲ့အစည်းတို့က ၂၀၁၃ တည်းက စာကြည့်တိုက် ၅၅ လုံးမှာ စတင်ခဲ့တာ ဖြစ်ပါတယ်။ 

 

Related News