အလုပ်အကိုင်(၁၆)မျိုးနဲ့ပက်သက်တဲ့ ကျွမ်းကျင်မှု စံ သတ်မှတ်ဖြေဆိုရန်အတွက် စစ်ဆေးအကဲဖြတ်လက်စွဲနဲ့ ဖြေဆိုသူလက်စွဲစာအုပ် လွှဲပြောင်းခြင်းအခမ်းအနားကို ဇွန်လ(၁၁)ရက်က ရန်ကင်းမြို့နယ်ရှိ ကျွမ်းကျင်မှုလေ့ကျင့်ရေးသင်တန်း ကျောင်း(ရန်ကုန်)မှာကျင်းပပြုလုပ်ခဲ့တာဖြစ်ပါတယ်။ အလုပ်အကိုင်(၁၆)မျိုးနဲ့ပတ်သက်တဲ့ ကျွမ်းကျင်မှု စံ(Competency Standard)တွေကို စစ်ဆေးအကဲဖြတ်သူ လက်စွဲစာအုပ်(Assessor Manual) နဲ့ ဖြေဆိုသူလက်စွဲစာအုပ်(Candidate Manual) ဆိုပြီး စာအုပ်( အုပ်ရေ ၂သောင်း)ကို ဂျာမနီနိုင်ငံရဲ့ နည်းပညာပံ့ပိုးမှုများနဲ့ ထုတ်ဝေဖြန့်ချီခဲ့တာဖြစ်ပါတယ်။ ဒီစာအုပ်တွေကို မြန်မာနိုင်ငံလုပ်သားကျွမ်းကျင်မှု စံ သတ်မှတ်ပြဋ္ဌာန်းရေးအဖွဲ့(NSSA)ရဲ့ အလုပ်အကိုင်ကျွမ်းကျင်မှု 'စံ' သတ်မှတ်ရေးကော်မတီနှင့် မြန်မာနိုင်ငံမှာရှိတဲ့ ကျွမ်းကျင်ပညာရှင်တွေကရေးဆွဲ ထားတာဖြစ်ပြီး၊ သတ္တုနှင့်အင်ဂျင်နီယာလုပ်ငန်းဆိုင် အလုပ်အကိုင်၊ ဆောက်လုပ်ရေးလုပ်ငန်းဆိုင်ရာ အလုပ်အကိုင်၊ လျှပ်စစ်လုပ်ငန်းဆိုင်ရာ အလုပ်အကိုင်၊ အထည်ချုပ်လုပ်ငန်းဆိုင်ရာအလုပ်အကိုင်၊ စက်မှုလယ်ယာ အလုပ်အကိုင်၊ဟိုတယ်နဲ့ခရီးသွားလုပ်ငန်းဆိုင်ရာအလုပ်အကိုင်အစရှိတဲ့သက်ဆိုင်ရာ အလုပ်အကိုင်(၁၆)မျိုးနဲ့ ပတ်သက်ပြီး ကျွမ်းကျင်မှု စံ(Competency Standard) တွေကို ရေးဆွဲထားတာဖြစ်ပါတယ်။

ဖြေဆိုသူလက်စွဲစာအုပ်မှာ အလုပ်သမားတစ်ဦးက သူတို့ရဲ့လုပ်ငန်းခွင်မှာ တတ်မြောက်ကျွမ်းကျင်မှု စံ ရှိ၊ မရှိနဲ့ လုပ်ငန်းခွင်ဘေးအန္တရာယ်ကင်းရှင်းအောင် ဘယ်လိုဆောင်ရွက် ရမလဲဆိုတဲ့ အချက်အလက်တွေကို ရေးသားဖော်ပြထားတာဖြစ်ပါတယ်။ စစ်ဆေးအကဲဖြတ်သူလက်စွဲစာအုပ်မှာ့ အလုပ်သမားများတစ်ဦးမှာ အရည်အသွေးရှိ၊ မရှိ အကဲဖြတ် စစ်ဆေးနိုင်ဖို့အတွက် အမှတ်ပေးနည်း၊ စစ်ဆေးနည်းများနဲ့ စစ်ဆေးသူတစ်ဦးရဲ့ လုပ်ငန်းတာဝန်များကို ရေးသားထားတာဖြစ်ပါတယ်။

မြန်မာနိုင်ငံလုပ်သားကျွမ်းကျင်မှု စံ သတ်မှတ်ပြဋ္ဌာန်းရေးအဖွဲ့(NSSA) မှ ၂၀၁၇-၂၀၁၈ ဘဏ္ဍာရေးနှစ်အတွင်း နိုင်ငံတော်အစိုးရရဲ့ခွင့်ပြုရန်ပုံငွေ(ဘက်ဂျက်)နဲ့ လေအေးပေးစက်တပ်ဆင်သူ၊ အဆောက်အဦးလက်သမား၊ အုပ်စီလုပ်သား၊ လျှပ်စစ်တပ်ဆင်မှုကျွမ်းကျင်၊ ဟိုတယ်စားပွဲထိုးဝန်ထမ်း၊ ဂဟေဆက်လုပ်သား၊ အထည်ချုပ်ကျွမ်းကျင်သူ၊ မော်တော်ယာဉ်စက်ပြင်၊ ကြွေပြားကပ်လုပ်သား၊ အသေးစားစက်ပြင်၊ ၀န်ချီစက်မောင်း အစရှိတဲ့ အလုပ်အကိုင်(၂၀)မျိုးကို စစ်ဆေးအကဲဖြတ်ရေးဌာန(၃၆)ခုမှာ လုပ်သားစုစုပေါင်း (၅၈၅၅)ဦးကို စစ်ဆေးအကဲဖြတ်ခဲ့ပြီး၊ (၅၁၆၄)ဦး ကို စံ ကျွမ်းကျင်လုပ်သားလက်မှတ်ပေးနိုင်ခဲ့ တယ်လို့ သိရပါတယ်။

 

 

Related News