ကမ္ဘာ့ကလေးအလုပ်သမားဆန့်ကျင်တိုက်ဖျက်ရေးနေ့အခမ်းအနားကို ဇွန်လ(၁၂)ရက်က ရန်ကုန်မြို့ Chatrium Hotel မှာ ပြုလုပ်ခဲ့ပါတယ်။ ကမ္ဘာ့ကလေးအလုပ်သမားဆန့်ကျင်တိုက်ဖျက်ရေးနေ့အခမ်းအနားမှာ လူငယ်အလုပ်သမားများရဲ့ ဘေးအန္တရာယ်ကင်းရှင်းရေးနဲ့ ကျန်းမာရေးတိုးတက်ကောင်းမွန်စေရေး၊ ကလေးအလုပ်သမားပပျောက်ရေး ဆောင်ရွက်ရမယ့် နည်းလမ်းတွေကို ဆွေးနွေးတင်ပြသွားခဲ့ပါတယ်။

အလုပ်ရုံနှင့် အလုပ်သမားဥပဒေ စစ်ဆေးရေးဦးစီးဌာနအနေနဲ့ လူရွယ်အလုပ်သမားများ၊ ဘေးအန္တရာယ်ကင်းရှင်းရေးနှင့် ကျန်းမာရေးမထိခိုက်စေဘဲ ပိုမိုတိုးတက်ကောင်းမွန်တဲ့ လုပ်ငန်းခွင်ဖြစ်စေရေး ကလေးအလုပ်သမား ပပျောက်ရေးတို့နဲ့ ပတ်သက်ပြီး ကလေးအလုပ်သမားဆိုင်ရာ အန္တရာယ်ရှိသော အလုပ်စာရင်းကို  သက်ဆိုင်ရာဥပဒေများနဲ့ စည်းကြပ် ဆောင်ရွက်နိုင်ဖို့လည်းဆောင်ရွက်နေတယ်လို့ သိရပါတယ်။

အခုဆိုရင် ILO နဲ့ ပူးပေါင်းပြီး မြန်မာနိုင်ငံကလေးအလုပ်သမားပပျောက်ရေးအစီအစဉ်ကို အကောင်အထည်ဖော်ဆောင်ရွက်ခဲ့တာဟာ (၄)နှစ်ကျော်ကာလကို ရောက်ရှိလာပြီ ဖြစ်ပါတယ်။ လုပ်ငန်းခွင်များမှာ ရက်သတ္တတစ်ပတ်မှာ (၄၄)နာရီ ထက်ကျော်ပြီး အလုပ်လုပ်နေရတဲ့ အသက် (၁၄)နှစ်မှ (၁၆)နှစ်အတွင်းရှိတဲ့ ကလေးအလုပ်သမားများနဲ့ လူရွယ်များဟာအပူအအေးလွန်ကဲခြင်း၊ ဆူညံသံများခြင်း၊ အခိုးအငွေ့၊ ဖုန်မှုန့်များနဲ့ ထိတွေ့လုပ်ကိုင်ရခြင်း၊ လေးလံတဲ့ ကုန်ပစ္စည်းများ သယ်ပိုးရခြင်းတွေ ၊ ကလေးသူငယ်ရဲ့ ပညာသင်ယူခွင့်ကို ပိတ်ပင်တဲ့ မည်သည့်လုပ်ငန်းမျိုးမဆို လုပ်ကိုင်နေကြတဲ့ ကလေးအလုပ်သမားတွေကို အလေးထားစောင့်ရှောက်ဖို့လိုအပ်တယ်လို့သိရပါတယ်။

ကမ္ဘာတစ်ဝှမ်းမှာရုပ်ပိုင်းဆိုင်ရာ ဖွံ့ဖြိုးတိုးတက်မှုကို ထိခိုက်စေတဲ့ အလုပ်များမှ ရုန်းမထွက်နိုင်ဘဲစေခိုင်းတဲ့ ကလေးသူငယ် (၁၆၈)သန်းခန့်ရှိနေပြီး ဘေးအန္တရာယ်ရှိတဲ့အလုပ်ပတ်ဝန်းကျင်မှာ လုပ်ကိုင်နေသူကလေးသူငယ် (၈၅)သန်းခန့် လုပ်ကိုင်နေရတယ်လို့ ILO စစ်တမ်းများအရ လေ့လာသိရှိရတယ်လို့ သိရပါတယ်။

 

 

Related News