အမြင်အာရုံချို့တဲ့သူတွေဟာ စာအုပ်တွေကို ဖတ်ရှုဖို့မတတ်နိုင်ပေမယ့် အကြားအာရုံကို အဓိကထားပြီးတော့ နားထောင်ဖို့ရာတော့ စွမ်းဆောင်နိုင်ကြပါတယ်။ ဒီလိုစာအုပ်တွေကို ဖတ်ပြပြီး အမြင်အာရုံချို့တဲ့သူတွေအတွက် အသံလှူဒါန်းမှုတွေပြုလုပ်နိုင်တယ်လို့ သိရပါတယ်။ 

ရန်ကုန်မျက်မမြင်ကျောင်းမှာတော့ အမြင်အာရုံချို့တဲ့သူတွေအတွက် အသံလှူဒါန်းနိုင်ပါတယ်။ အသံလှူဒါန်းတယ်ဆိုတာကတော့ မိမိတို့အသံနဲ့  ဗဟုသုတဖြစ်စေမယ့်စာအုပ်တွေနဲ့ စိတ်ခွန်းအားဖြစ်စေမယ့်စာအုပ်တွေ စတဲ့စာအုပ်အမျိူးမျိုးကို ဖတ်ပြရတာဖြစ်ပါတယ်။ ဂစ်တာတီင်္းတဲ့ ကိုနိုင်ဇော်ကတော့ သူကိုယ်တိုင်ရေးထားတဲ့ စာအုပ်တစ်အုပ်ကို ကိုယ်တိုင်ဖတ်ပြပြီး အမြင်အာရုံချှိုတဲ့သူတွေအတွက် အသံလှူဒါန်းခဲ့ပါတယ်။

ရန်ကုန်မျက်မမြင်ကျောင်းက  ၀န်ထမ်းတွေကတော့ ကျောင်းသားကျောင်းသူတွေအတွက် ကျောင်းနဲ့သက်ဆိုင်တဲ့ စာအုပ်တွေကိုတော့ ၀န်ထမ်းတွေကိုယ်တိုင်ဖတ်ပြကြတယ်လို့သိရပါတယ်။ ဒီလိုအသံလှူဒါန်းရာမှာတော့  အသံတွေကိုတာဝန်ခံ အော်ဒီယိုအင်ဂျင်နီယာက ဖမ်းယူပေးပြီး Audio Book ပြုလုပ်ပေးရတယ်လို့သိရပါတယ်။

နောက်ဆုံး ရရှိလာတဲ့ Audio Book တွေဟာအမြင်အာရုံချို့တဲ့သူတွေအတွက် နားထောင်တဲ့အဆင့်ဖြစ်တယ်လို့သိရပါတယ်။ ရန်ကုန်မျက်မမြင်ကျောင်းမှာရှိတဲ့ Audio Book တွေကို အခြားကျောင်းတွေက လာရောက်ငှားရမ်းအသုံးပြုနိုင်တယ်လို့ သိရပါတယ်။ လှူဒါန်းသူတွေအနေနဲ့ အသံသွင်းတဲ့အခါမှာ စကားလုံးပီသဖို့လိုအပ်တယ်လို့သိရပါတယ်။ အသံလှူဒါန်းချင်သူတွေအနေနဲ့ တော့ ခ၀ဲခြံမှာရှိတဲ့ ရန်ကုန်မျက်မမြင်ကျောင်းနဲ့ဆက်သွယ်ပြီး သွားရောက်လှူဒါန်းနိုင်တယ်လို့သိရပါတယ်။

 

 

Related News