မြန်မာအမျိုးသမီးစီးပွားရေးစွမ်းဆောင်ရှင်များအသင်း(မန္တလေး)မှ ပညာ့မိခင်အစီအစဉ်ဖြင့် ပညာသင်ထောက်ပံ့ပစ္စည်းများ ပေးအပ်လှူဒါန်းခြင်း အခမ်းအနားကို ဇွန်လ ၁၅ ရက်နေ့က မန္တလေးမြို့၊ ချမ်းအေးသာစံမြို့နယ်၊ အမှတ်(၅)အခြေခံပညာ အထက်တန်းကျောင်းမှာ ပြုလုပ်ခဲ့ပါတယ်။ မြန်မာအမျိုးသမီး စီးပွားရေးစွမ်းဆောင်ရှင်များအသင်း(မန္တလေး)က ပညာ့မိခင်အစီအစဉ်ဖြင့် အမျိုးသမီးငယ်တွေအတွက် အခြေခံပညာကိုတတ်မြောက်စေဖို့ နဲ့ စာမတတ်သူလျော့နည်းပပျောက်စေဖို့ အတွက်ရည်ရွယ်ပြီး  ပညာသင်ထောက်ပံ့ပစ္စည်းများပေးအပ်လှူဒါန်းတာ ဖြစ်တယ်လို့ မြန်မာအမျိုးသမီးစီးပွားရေးစွမ်းဆောင်ရှင်းများအသင်း ဥက္ကဌ ဒေါ်ရင်ရွှေ ကပြောပါတယ်။ဒီလှူဒါန်းမှုမှာ ကျောင်းသူတွေလိုအပ်တဲ့ ကျောင်းသုံးပစ္စည်းတွေနဲ့ ငွေကြေးထောက်ပံ့လှူဒါန်းခဲ့တာဖြစ်ပါတယ်။

မြန်မာအမျိုးသမီး စီးပွားရေး စွမ်းဆောင်ရှင်များအသင်း(မန္တလေး) အနေနဲ့ ကျောင်းကရွေးချယ်ပေးတဲ့  ကျောင်းခေါ်ချိန် နှင့် ကျောင်းစာကြိုးစားတဲ့ ကျောင်းသူတွေကို ရွေးချယ်ထောက်ပံ့တာ ဖြစ်တယ်လို့သိရပါတယ်။အခုပြုလုပ်တဲ့ လှူဒါန်းပွဲမှာတော့ မန္တလေးခရိုင်အတွင်းရှိ မြို့နယ် (၇) မြို့နယ်က ကျောင်းသူ ၁၂၆ ဦး ကို ထောက်ပံ့လှူဒါန်းခဲ့တာဖြစ်ပြီး  ပြင်ဦးလွင်မြို့နယ်မှ ကျောင်းသူ (၃၄) ဦးကို ဆက်လက်ထောက်ပံ့လှူဒါန်းသွားမယ်လို့ သိရပါတယ်။  မြန်မာနိုင်ငံအမျိုးသမီး စီပွားရေးစွမ်းဆောင်ရှင်များအသင်း(မန္တလေး)ကို၂၀၁၆ ခုနှစ်က စတင်ဖွဲ့စည်းခဲ့တာဖြစ်တယ်လို့သိရပါတယ်။ 

 

 

Related News