ဆောက်လုပ်ရေးနှင့် အိမ်ရာဖွံ့ဖြိုးရေးဘဏ် (CHD) ကို  ဆောက်လုပ်ရေးအိမ်ရာနှင့် အခြေခံအဆောက်အအုံ ဖွံ့ဖြိုးရေးဘဏ် (CHID) အဖြစ် ဇွန်လ(၁၇)ရက်က အမည်ပြောင်းလဲ လိုက်တယ်လို့ ဒဂုံမြို့နယ် ဆောက်လုပ်ရေးနှင့် အိမ်ရာဖွံ့ဖြိုးရေးဘဏ်ရုံးချုပ်မှာ ပြုလုပ်အမည်ပြောင်းလဲတဲ့ အခမ်းအနားက သိရပါတယ်။ဆောက်လုပ်ရေးအိမ်ရာနှင့် အခြေခံအဆောက်အအုံဖွံ့ဖြိုးရေးဘဏ်က နိုင်ငံတော်ရဲ့ စီးပွားရေးမူဝါဒနဲ့အညီ ဘဏ္ဍာငွေအရင်းအမြစ်တွေကို တိုးတက်အောင်ဆောင်ရွက်ပေးဖို့၊ လျှပ်စစ်ဓာတ်အား၊ လမ်းများ၊ တံတားများ စတဲ့ အခြေခံစီးပွားရေးအဆောက်အအုံများ ဖွံ့ဖြိုးတိုးတက်စေဖို့နဲ့ အခြားအဆောက်အအုံဖွံ့ဖြိုးရေးနည်းပညာပိုင်းတွေကို ဘဏ္ဍာငွေကူညီဆောင်ရွက်ပေးနိုင်ဖို့ ရည်ရွယ်ပြီး ဘဏ်ရဲ့ အမည်မှာ Infrastructure ပါဝင်ထည့်သွင်းကာ CHID အဖြစ်ပြောင်းလဲခဲ့ခြင်းဖြစ်တယ်လို့ သိရပါတယ်။

 ဆောက်လုပ်ရေးဝန်ကြီးဌာနအနေနဲ့ နိုင်ငံတော်အစိုးရရဲ့ လမ်းညွှန်မှုနှင့် နိုင်ငံသားတိုင်း အိမ်ရာပိုင်ဆိုင်ခွင့်ရရှိရေး ဆောင်ရွက်ရာမှာ နေရေးအခက်အခဲရှိတဲ့ပြည်သူတွေနဲ့ ၀န်ထမ်းများအတွက်ရည်ရွယ်ပြီး  အခုအမည်ပြောင်းခဲ့တဲ့ ဆောက်လုပ်ရေး၊ အိမ်ရာနှင့် အခြေခံအဆောက်အအုံဖွံ့ဖြိုးရေးဘဏ် (CHID) ကို ဖွင့်လှစ်ပေးထားတယ်လို့ သိရပါတယ်။ ဆောက်လုပ်ရေး၊ အိမ်ရာနှင့် အခြေခံအဆောက်အအုံဖွံ့ဖြိုးရေးဘဏ်က  ၀င်ငွေနည်းပြည်သူများ၊ ၀န်ထမ်းများအတွက် အငှားအိမ်ရာများ၊ တန်ဖိုးနည်းအိမ်ရာများထုတ်လုပ်ပေးရေး၊ ထုတ်လုပ်ပြီး အိမ်ရာများကို ၀ယ်ယူနိုင်အောင်လို့ ဖွင့်လှစ်ထားတာ ဖြစ်ပါတယ်။ အိမ်ရာဝယ်ယူချင်သူတွေအနေနဲ့ ဆောက်လုပ်ရေး၊ အိမ်ရာနှင့် အခြေခံအဆောက်အအုံ ဖွံ့ဖြိုးရေးဘဏ် (CHID)မှာ ငွေစုဆောင်းနေသူဖြစ်ရမှာဖြစ်ပြီး ငွေထုတ်ချေးပေးမယ့် ပမာဏကတော့ ၀ယ်ယူမယ့် အိမ်တန်ဖိုးအပေါ် မူတည်ပြီး ထုတ်ပေးတာလို့ ပြောပါတယ်။ဆောက်လုပ်ရေးနှင့် အိမ်ရာဖွံ့ဖြိုးရေးဘဏ် (CHD) ကို (၂၀၁၄)ခုနှစ်မှာ စတင်တည်ထောင်ခဲ့ပြီး (၄)နှစ်ကျော် ကာလအတွင်း တိုင်းဒေသကြီးနဲ့ ပြည်နယ်များမှာ ဘဏ်ခွဲ (၁၁)ခုဖွင့်လှစ်ထားတယ်လို့ သိရပါတယ်။ ဘဏ်ခွဲတွေကိုတော့ အိမ်ရာစီမံကိန်းအများဆုံး လုပ်ဆောင်နေတဲ့နေရာတွေမှာ လိုက်လံဖွင့်လှစ်ထားတယ်လို့ သိရပါတယ်။

 

 

Related News