စက်မှုလုပ်ငန်းသုံးဓါတ်ငွေ့ဆိုင်ရာအကြောင်းအရာနဲ့ ဓါတ်ငွေ့အသုံးပြုသူများမှ သတိပြုလိုက်နာရမယ့် နိုင်ငံတကာသုံးစံနှုန်းများအကြောင်းအသိပညာပေးဆွေးနွေးပွဲကို  ဇွန်လ(၁၆)ရက်က ရန်ကုန်မြို့ရှိ မြန်မာနိုင်ငံအင်ဂျင်နီယာအဖွဲ့အစည်း (Function Hall)မှာပြုလုပ်ခဲ့တာ ဖြစ်ပါတယ်။ ဒီဆွေးနွေးပွဲကို မြန်မာနိုင်ငံအင်ဂျင်နီယာအသင်းနဲ့ Yangon Industrial Gas ကုမ္မဏီတို့မှ ပူးပေါင်းပြုလုပ်တာဖြစ်ပြီး၊ မြန်မာနိုင်ငံအတွင်းမှာရှိတဲ့ စက်မှုလုပ်ငန်းတွေကိုကမ္ဘာ့အဆင့်မီစက်မှုလုပ်ငန်းများအဖြစ် အဆင့်မြှင့်တင်နိုင်စေဖို့ ရည်ရွယ်ကျင်းပတာ ဖြစ်တယ်လို့ သိရပါတယ်။

ဆွေးနွေးပွဲမှာ သံနှင့် သံဂဟေဆက်လုပ်ငန်းများ၊ ဆောက်လုပ်ရေးလုပ်ငန်းများ၊ အစားအသောက်နှင့် အဖျော်ယမကာလုပ်ငန်းများ၊ ရေနံနှင့် ရေနံထွက်လုပ်ငန်းများအစရှိတဲ့ စက်မှုလုပ်ငန်းတွေမှာ အသုံးပြုနေတဲ့ ဓါတ်ငွေ့များအကြောင်းကို ဆွေးနွေးခဲ့ကြတာဖြစ်ပါတယ်။ ဒါ့အပြင် ဓါတ်ငွေ့အသုံးပြုသူတွေကိုလည်း နိုင်ငံတကာမှာ အသုံးပြုနေတဲ့စံနှုန်းများနဲ့ သတိပြုလိုက်နာသင့်တဲ့အချက်တွေကို အသိပညာပေးဆွေးနွေးခဲ့တာ ဖြစ်ပါတယ်။မြန်မာနိုင်ငံမှာရှိတဲ့ ၀ရိန်လုပ်ငန်းတွေမှာအသုံးပြုနေတဲ့ Argon , CO2, Nitrogen အစရှိတဲ့စက်မှုလုပ်ငန်းသုံး ဓါတ်ငွေ့တွေသာမကပဲ ဆေးရုံ၊ ဆေးခန်း၊ Power Plant အစရှိတဲ့လုပ်ငန်းတွေအတွက် လိုအပ်တဲ့ Mixed Gas တွေနဲ့ပတ်သက်ပြီး နည်းပညာဗဟုသုတများ၊ အတွေ့အကြုံများနဲ့ ဆောင်ရန် ရှောင်ရန်တွေကို ထိုင်းနိုင်ငံမှ စက်မှုလုပ်ငန်းသုံး ဓါတ်ငွေ့ဆိုင်ရာကျွမ်းကျင်ပညာရှင်တွေကလည်း တင်ပြဆွေးနွေးခဲ့ကြတာဖြစ်ပါတယ်။ 

 

 

Related News