တရုတ်နယ်စပ်က တင်သွင်းလာတဲ့ ဖိနပ်တွေကြောင့် မိုးတွင်းကာလမှာ ပြည်တွင်းဖိနပ်လုပ်ငန်းအချို့လုပ်ငန်း ရပ်နားထားရတယ်လို့သိရပါတယ်။ မိုးတွင်းကာလရောက်ရှိ ပြည်တွင်းဖြစ်ဖိနပ်တွေဖြစ်တဲ့ ကတ္တီပါ၊စီးကွင့်ဖိနပ် ချုပ်လုပ်မှုတွေကိုရပ်နားထားရပြီး မိုးတွင်းစီးသားရေတု နဲ့ပြုလုပ်တဲ့ဖိနပ်တွေကိုသာ အဓိကချုပ်လုပ်နေရတယ်လို့သိရပါတယ်။ဒီလိုချုပ်လုပ်နေပေမယ့် တရုတ်ထုတ်ဖိနပ်တွေဟာ အမြင်လှပပြီး ဈေးသက်သာတာကြောင့် တရုတ်ဖိနပ်ဈေးကွက်ကိုမယှဉ်နိုင်ဘူးလို့ သိရပါတယ်။ဒါကြောင့် ဖိနပ်ချုပ်လုပ်ငန်း လုပ်ကိုင်တဲ့လုပ်သားတွေအနေနဲ့ အလုပ်ပြောင်းရွှေ့လုပ်ကိုင်နေရပြီး  ဖိနပ်လုပ်ငန်းရှင်အချို့လည်း လုပ်ငန်း ရပ်နားထားရးတာတွေရှိနေတယ်လို့သိရပါတယ်။

လက်ရှိမိုးတွင်းကာလဖိနပ်ဈေးကွက်မှာလည်း တရုတ်ဖိနပ်ဈေးကွက်ဟာ(၇၀)ရာခိုင်နှုန်းရောင်းအားရှိနေပြီ့းပြည်တွင်းဖြစ်ဖိနပ်ရောင်းအားကတော့ (၃၀)ရာခိုင်နှုန်းသာ ရှိနေတယ်လို့ သိရပါတယ်။ တရုတ်ဖိနပ်ဈေးကွက်ကို ယှဉ်ပြိုင်နိုင်ဖို့ ငွေကြေးအရင်းအနှီး၊ နည်းပညာအရင်းအနှီး တွေလိုအပ်နေတယ်လို့ ဆိုပါတယ်။ ဖိနပ်လုပ်ငန်းရှင်တွေက ယောက်ျားဖိနပ် တစ်ရံကိုငွေကျပ်(၁၂၀၀)နဲ့(၂၀၀၀)ကြား ၊မိန်းမစီးဖိနပ် တစ်ရံကို ငွေကျပ်(၁၀၀၀)နဲ့ (၂၀၀၀)ကြား ဈေးတွေနဲ့  မင်္ဂလာဈေး၊ ဗိုလ်ချုပ်ဈေး၊သိမ်ကြီးဈေးတွေရှိ လက်ကားဆိုင်တွေကို ပေးပို့နေတယ်လို့သိရပါတယ်။

ဖိနပ်ဝယ်ယူသူတွေအနေနဲ့လည်း ဈေးသက်သာပြီး လှပတဲ့ တရုတ်ဖိနပ်တွေကြောင့် ပြည်တွင်းပြည်ဖိနပ်တွေကို ၀ယ်ယူမှုနည်းတယ်လို့သိရပါတယ်။ ပြည်တွင်းဖြစ်ဖိနပ်တွေ ၀ယ်ယူမှုဟာ နယ်ဖက်ကပိုမိုများပြားပြီး ရန်ကုန်မြို့တွင်းမှာတော့ အနည်းငယ်သာ ရှိတယ်လို့သိရပါတယ်။ ဖိနပ်လုပ်ငန်းလုပ်ကိုင်သူတွေအနေနဲ့ ကုန်ကြမ်းတွေကိုပြည်တွင်းက(၇၅)ရာခိုင်နှုန်း ပြည်ပက (၂၅)ရာခိုင်နှုန်း ကုန်ကြမ်းကို အသုးံပြုနေပြီး ပြည်တွင်းဖြစ်ဖိနပ်တွေကို  မင်္ဂလာဈေးနှင့်သိမ်ကြီးဈေးတို့မှတစ်ဆင့် တစ်နိုင်ငံလုံးကို ဖြန့်ဝေပေးနေတာ ဖြစ်တယ်လို့သိရပါတယ်။

 

 

Related News