သဘာဝပတ်ဝန်းကျင်ကိုထိန်းသိမ်းစောင့်ရှောက်တဲ့အနေနဲ့ သစ်ပင်စိုက်ပွဲကို လျှပ်တစ်ပြက်သတင်းဂျာနယ်နဲ့ အမှတ်တရစာပေထုတ်ဝေဖြန့်ချီရေးတို့မှဦးစီးပြီး ဇွန်လ(၁၉)ရက်က ရန်ကုန်တိုင်းဒေသကြီး မင်္ဂလာဒုံမြို့နယ်၊ ပုလဲမြို့သစ် ရွှေနံ့သာစံပြ မြရွှေပင်သဒ္ဓမ္မသုခဓမ္မရိပ်သာရှိ အနုပညာဆည်းဆာရိပ်သာအတွင်းမှာ စိုက်ပျိုးခဲ့တာ ဖြစ်ပါတယ်။ 

လျှပ်တစ်ပြက်သတင်းဂျာနယ်နဲ့ အမှတ်တရစာပေထုတ်ဝေဖြန့်ချိရေးတို့မှဦးစီးပြီး အခုလို သစ်ပင်စိုက်ပျိူးလိုကကောင်းတဲ့ရာသီမှာ အရိပ်ရအပင်တွေကို  ကဏ္ဍပေါင်းစုံမှ အနုပညာရှင်များပူးပေါင်းပြီး ပထမဆုံးအကြိမ် စတင်စိုက်ပျိူးတာဖြစ်ပါတယ်။ သစ်ပင်စိုက်ပွဲတော်တွေကို ပြည်သူလူထုအတွင်း သဘာဝပတ်ဝန်းကျင်ထိန်းသိမ်းရေးအသိအမြင်တိုးပွားလာပြီး သဘာဝပတ်ဝန်းကျင်ကို ထိန်းသိမ်းတတ်စေဖိုနဲ့ နောင်တစ်ချိန်မှာ အရိပ်ရအပင်တွေဖြစ်အောင်စိုက်ပျိုးတာဖြစ်တယ်လို့သိရပါတယ်။

အခုအချိန်မှာ သဘာဝတောတွေ ခုတ်ထွင်ရှင်းလင်းပြီး စိုက်ပျိုးမြေတွေချဲ့ ထွင်လာကြခြင်း၊ သစ်ပင်တွေအလွန်အကျွံထုတ်ယူသုံးစွဲလာမှုတွေကြောင့် မထင်မှတ်တဲ့နေရာဒေသတွေမှာ ရေကြီးတာတွေဖြစ်ပေါ်ခြင်း၊ သစ်ပင်တွေခုတ်ထွင်ကြခြင်းကြောင့် သစ်ပင်တွေမရှိတော့တဲ့အခါ ရာသီဥတုဖောက်ပြန်ခြင်းတွေ ဖြစ်ပေါ်လာတဲ့အတွက် အခုလို အရိပ်ရသစ်ပင်တွေကို ပြန်လည်စိုက်ပျိူးလာဖို့လိုအပ်တယ်လို့ စာရေးဆရာကြီးတစ်ဦးမှအခုလိုပြောပါတယ်။

သစ်ပင်စိုက်ပွဲမှာ မြန်မာနိုင်ငံရဲ့ ရေမြေနဲ့ကိုက်ညီပြီး အရိပ်ရအပင်ဖြစ်တဲ့ ဂျပန်ချယ်ရီ အပင်ပေါင်း(၁၃၀)ကျော်ကို စိုက်ပျိုးခဲ့ကြတာဖြစ်ပါတယ်။ နောက်ပိုင်းမှာလည်း အရိပ်ရအပင်တွေကို ဆက်လက်စိုက်ပျိုးသွားမှာဖြစ်ပြီး ယခုစိုက်ပျိုးထားတဲ့ သစ်ပင်တွေကိုလည်း နေ့စဉ်ထိန်းသိမ်းစောင့်ရှောက်ဖို့အတွက် ၀န်ထမ်းထားရှိသွားမယ်လို့သိရပါတယ်။ ဒီကနေ့မှာတော့ စိုက်ပျိုးပြီးသားအပင်တွေကို နာမည်စိုက်ထူထားတဲ့နေရာတွေမှာ ပျိုးပင်နေရာလိုက်လံချထားတာဖြစ်ပါတယ်။ 

အခုလို သစ်ပင်စိုက်ပျိုးတာကို ရွှေနံ့သာစံပြမြရွှေပင်သဒ္ဓမ္မသုခဓမ္မရိပ်သာရှိ အနုပညာဆည်းဆာရိပ်သာအတွင်းက ဆရာတော်ကိုယ်တိုင် ရိပ်သာဝင်းအတွင်းမှာ သစ်ပင်တွေကို စိတ်ကြိုက်ဖန်တီးစိုက်ပျိုးထားတာကိုလည်းတွေ့ရပါတယ်။ သစ်ပင်စိုက်ပွဲကို လျှပ်တစ်ပြက်သတင်းဂျာနယ်နဲ့ အမှတ်တရစာပေထုတ်ဝေဖြန့်ချိရေးတို့မှ နောက်ထပ်အပင်(၁၀၀၀)အထိ ဆက်လက်စိုက်ပျိုးသွားမယ်လို့လည်းသိရပါတယ်။

 

 

Related News