ရွှေတိဂုံစေတီရင်ပြင်တော်မှာ ဘုရားဖူးပြည်သူတွေ သွားလာရေးအဆင်ပြေစေဖို့အတွက် နေပူခံစကျင်ကျောက်ပြားများ အစားထိုးလဲလှယ်ခြင်းကို ပြီးခဲ့တဲ့(၂၀၁၇)ခုနှစ် မေလက စတင်ခဲ့ပြီး ယခု (၂၀၁၈)ခုနှစ် ဇွန်လ(၁၉)ရက်အထိ (၄၆) ရာခိုင်နှုန်းထိ ပြီးစီးနေပြီလို့ သိရပါတယ်။ နွယ်နီဝင်းက ဆက်လက်တင်ဆက်ပေးမှာဖြစ်ပါတယ်။

ရွှေတိဂုံစေတီရင်ပြင်တော်မှာ နေပူခံကျောက်ပြားများအစားထိုးလဲလှယ်မှုကို ရင်ပြင်တော်ဆီမီးခုံရှေ့လျှောက်လမ်းအပိုင်း(၁)၊ ရင်ပြင်တော်ဆီမီးခုံရှေ့လျှောက်လမ်းအပိုင်း(၂)နဲ့ ပထမ မဟာရံတံတိုင်းနဲ့ကပ်လျက်တန်ဆောင်းများအပိုင်း(၃) ဆိုပြီးအပိုင်း(၃)ပိုင်းခွဲကာလုပ်ဆောင်နေတယ်လို့သိရပါတယ်။

အခုလိုရွှေတိဂုံစေတီရင်ပြင်တော်နေပူခံကျောက်ပြားများအစားထိုးလဲလှယ်မယ့်ခန့်မှန်းဧရိယာအနေနဲ့ (၂၄၆၄.၈၁)ကျင်းခန့်မှန်းထားပြီး ခန့်မှန်းကုန်ကျငွေကိုကျပ်သိန်းပေါင်းတစ်သောင်းကိုးထောင်ကျော်ခန့်မှန်းထားတယ်လို့သိရပါတယ်။ရွှေတိဂုံစေတီရင်ပြင်တော်မှာနေပူခံကျောက်ပြားများအစားထိုးလဲလှယ်တာဟာ နွေရာသီမှာဘုရားဖူးပြည်သူ တွေ အဆင်ပြေစေဖို့ အဓိကရည်ရွယ်ပြီး လဲလှယ်တာလို့သိရပါတယ်။ ရွှေတိဂုံစေတီတော်ဂေါပက အဖွဲ့ရဲ့သက်မှတ်စံချိန်နဲ့ ညီတဲ့ စကျင်ကျောက်ပြားလုံလောက်အောင်ရရှိခဲ့ပါကကျောက်ပြားများ အစားထိုးလဲ လှယ်မှု အခု(၂၀၁၈)ခုနှစ်အတွင်း အပြီးဆောင်ရွက်သွားမယ်လို့သိရပါတယ်။

 

 

Related News