မန္တလေးတိုင်းဒေသကြီး ငါးလုပ်ငန်းဦးစီးဌာနက အစိုးရသစ်လက်ထက်(၂)နှစ်တာကာလအတွင်း ကျပ်သိန်းပေါင်း ၁သောင်းကျော် အခွန်ရရှိထားတယ်လို့ မန္တလေးတိုင်းဒေသကြီးအစိုးရအဖွဲ့ ဒုတိယတစ်နှစ်တာသက်တမ်းကာလအတွင်း ပြုပြင်ပြောင်းလဲရေးဆောင်ရွက်ချက်များသတင်းစာရှင်းလင်းပွဲ အခမ်းအနားမှသိရပါတယ်။

မန္တလေးတိုင်းဒေသကြီး ငါးလုပ်ငန်းဦးစီးဌာနအနေနဲ့ အင်းအိုင်ခွန်၊ ကိရိယာခွန်၊ တင်ဒါခွန်၊ ငါးမွေးကန်အခွန်စတဲ့အခွန်အရပ်ရပ်ကောက်ခံရရှိမှုမှာ ၂၀၁၆-၂၀၁၇ ခုနှစ် ဘဏ္ဍာရေးနှစ်မှာ ငွေကျပ်သိန်းပေါင်း ၄၅၀၀ကျော် နဲ့ ၂၀၁၇-၂၀၁၈ခုနှစ် ဘဏ္ဍာရေးနှစ်မှာ ငွေကျပ်သိန်းပေါင်း ၆၂၀၀ကျော် စုစုပေါင်းကျပ်သိန်းပေါင်း (၁)သောင်း ကျော်ရရှိခဲ့တယ်လို့ မန္တလေးတိုင်းဒေသကြီး အစိုးရအဖွဲ့ စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီး ဒေါက်တာစိုးသန်းက ပြောပါတယ်။

မန္တလေးတိုင်းဒေသကြီးငါးလုပ်ငန်းဦးစီးဌာနအနေနဲ့ ငါးထုတ်လုပ်မှုအခြေအနေမှာ ၂၀၁၆-၂၀၁၇ ခုနှစ် ဘဏ္ဍာရေးနှစ် နဲ့ ၂၀၁၇-၂၀၁၈ ခုနှစ် ဘဏ္ဍာရေးနှစ်တို့မှာ ငါးပိသာပေါင်း (၉၃၇)သိန်းကျော် ထုတ်လုပ်ထားနိုင်တယ်လို့ပြောပါတယ်။ ငါးမွေးမြူရေးတောင်သူများအတွက်ကိုလည်း အခြေခံငါးမွေးမြူရေးသင်တန်း၊ တစ်ပိုင်တစ်နိုင်ငါးမွေးမြူရေးသင်တန်း၊ ဆေးထိုးသားဖောက်သင်တန်း၊ ငါးသယံဇာတတိုးပွားရေးသင်တန်းနဲ့ ကျေးရွာအထောက်အကူပြု တစ်ပိုင်တစ်နိုင် သင်တန်းတွေကို ဖွင့်လှစ်နိုင်ခဲ့တယ်လို့သိရပါတယ်။ 

 

 

Related News