မြန်မာနိုင်ငံနဲ့ ကိုရီးယားနိုင်ငံ KOICA တို့ပူးပေါင်းဆောင်ရွက်တဲ့ ကျေးရွာသစ်လှုပ်ရှားမှုစီမံကိန်း SMU က ကျေးလက်ဒေသဖွံဖြိုးရေးအတွက် တစ်ဖက်တစ်လမ်းက အထောက်အကူဖြစ်စေတယ်လို့ ဒီစီမံကိန်းဆောင်ရွက်နေတဲ့ ကျေးရွာက သိရပါတယ်။ဘန့်တင်ကျေးရွာဟာ မန္တလေးတိုင်းဒေသကြီးပုသိမ်ကြီးမြို့နယ်ထဲကကျေးရွာတစ်ခုပါ။ အိမ်ခြေ(၁၅၀)ရှိပြီး လူဦးရေ(၆၀၀)ဝန်းကျင်ရှိတဲ့ရွာတစ်ရွာဖြစ်ပါတယ်။

ဒေသခံတွေကဆန်စပါးကိုအဓိကထား စိုက်ပျိုးကြပြီး သစ်သီးဝလံပန်းမန်စိုက်ပျိုးတာနဲ့မွေးမြူရေးကိုလည်းလုပ်ကိုင်ကြပါတယ်။ ဘန့်တင်ကျေးရွာကို ကျေးရွာလမ်းအတိုင်း ဝင်လာမယ်ဆိုရင် တစ်ရွာလုံးနီးပါး ကွန်ကရစ်လမ်းခင်းထားတာတွေ့မြင်ရမှာပါ။ ရွာအတွင်းမှာ အမှိုက်ကင်းစင်ရေးကိုလည်း ဒေသခံတွေက ဆောင်ရွက်ထားပါတယ်။

ရွာရဲ့သောက်ရေသုံးရေသန့်ရဖို့အတွက် ရေစင်တည်ဆောက်ပြီး အိမ်တိုင်ရာရောက်ရေပေးဝေတဲ့စနစ်တွေဆောင်ရွက်ထားတာကို တွေ့မြင်ရပါတယ်။ ဘန့်တင်ကျေးရွာမှာ ယခင်ကဖွံဖြိုးမှုအားနည်းပေမယ့် ကျေးရွာသစ်လှုပ်ရှားမှုစီမံကိန်း SMU ဆောင် ရွက်နေတဲ့ နောက်ပိုင်းအခုလိုပြောင်းလဲ ဖွံ့ဖြိုးလာတာဖြစ်တယ်လို့သိရပါတယ်။

ကျေးရွာသစ်လှုပ်ရှားမှုစီမံကိန်း SMU ကို စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာန၊ စိုက်ပျိုးရေးဦးစီးဌာနနဲ့ ကိုရီးယားအပြည်ပြည်ဆိုင်ရာပူးပေါင်းဆောင်ရွက်ရေး အေဂျင်စီ KOICA တို့ ပူးပေါင်းပြီး ၂၀၁၆ ခုနှစ်ကစတင်ခဲ့တာပါ။ ဒီစီမံကိန်းကို တိုင်းဒေသကြီးနဲ့ ပြည်နယ်(၉) ခုမှာရှိတဲ့ မြို့နယ်(၂၅)မြို့နယ်က ကျေးရွာ(၁၀၀)မှာ ဆောင်ရွက်နေပါတယ်။

စီမံကိန်းကာလကိုတော့ (၅)နှစ်သတ်မှတ်ထားပြီး ပထမ(၂)နှစ်မှာ ကွင်းဆင်းလေ့လာမှုများပြုလုပ်ပြီး ကျန်(၃)နှစ်မှာတော့  ကျေးရွာဖွံဖြိုးရေးလုပ်ငန်းတွေအတွက် ကျေးရွာတစ်ရွာကို ၁နှစ် အမေရိကန်ဒေါ်လာ(၂)သောင်းထောက်ပံ့ပေးတယ်လို့ သိရပါတယ်။ ဒီစီမံကိန်းမှာဒေသခံတွေက ကျေးရွာဝင်ငွေတိုးပွားရေး၊ စွမ်းဆောင်မြှင့်တင်ရေးနဲ့ လူနေမှုဖွံ့ဖြိုး တိုးတက်ရေးတွေကို ကိုယ်တိုင်ပါဝင်ဆောင် ရွက်ကြရပါတယ်။

ကျေးရွာသစ်လှုပ်ရှားမှုစီမံကိန်း SMU (ဘန့်တင်ကျေးရွာ) ကျေးရွာသစ်လှုပ်ရှားမှုစီမံကိန်း SMU ကို မန္တလေးတိုင်းဒေသကြီးအတွင်း ကျေးရွာ(၁၀)ရွာမှာဆောင်ရွက်နေပြီး ဘန့်တင်ကျေးရွာက ပြီးခဲ့တဲ့နှစ်အတွင်း ကျေးရွာဖွံ့ဖြိုးရေးလုပ်ငန်းတွေဆောင်ရွက်ခဲ့ရာ တစ်နိုင်ငံလုံးတတိယနဲ့ မန္တလေးတိုင်းဒေသကြီးမှာ ပထမရရှိခဲ့တယ်လို့သိရပါတယ်။

 

 

Related News