ပြည်ထောင်စုငြိမ်းချမ်းရေးညီလာခံ(၂၁)ရာစုပင်လုံ တတိယအစည်းအဝေးကို လာမည့်ဇူလိုင်လ(၁၁) ရက်ကနေ (၁၆)ရက်အထိ(၆)ရက်ကြာပြုလုပ်သွားမှာပါ။ အဆိုပါညီလာခံ မှာတင်ပြနိုင်ဖို့အတွက် အခြေခံမူ ၊ အဆိုပြုချက်တွေကို ပြည်ထောင်စု ငြိမ်းချမ်းရေးဆွေးနွေးမှု ပူးတွဲကော်မတီ-(UPDJC)ခေါင်းဆောင်တွေအနေနဲ့ သဘောတူဆုံးဖြတ်ချက်တွေချမှတ်နိုင်ရေး ဆွေးနွေးပေးကြဖို့ ဦးကျော်တင့်ဆွေက ပြောကြားခဲ့ပါတယ်။

UPDJC  ဒုတိယဥက္ကဌ ဦးကျော်တင့်ဆွေက (၁၆)ကြိမ်မြောက် ပြည်ထောင်စု ငြိမ်းချမ်းရေးဆွေးနွေးမှု ပူးတွဲကော်မတီ-(UPDJC) အစည်းအဝေးမှာ အဖွင့်မိန့်ခွန်းပြောကြားစဉ် UPDJC ခေါင်းဆောင်တွေကို တိုက်တွန်းလိုက်တာပါ။ (၁၆)ကြိမ်မြောက် ပြည်ထောင်စု ငြိမ်းချမ်းရေးဆွေးနွေးမှု ပူးတွဲကော်မတီ-(UPDJC) အစည်းအဝေးကို ဇူလိုင်လ(၉)ရက်က နေပြည်တော်ရှိ အမျိုးသားပြန်လည်သင့်မြတ်ရေးနှင့် ငြိမ်းချမ်းရေးဗဟိုဌာန (NRPC)မှာပြုလုပ်ခဲ့ပါတယ်။

ယခုပြုလုပ်ခဲ့တဲ့ (၁၆)ကြိမ်မြောက် ပြည်ထောင်စု ငြိမ်းချမ်းရေးဆွေးနွေးမှု ပူးတွဲကော်မတီ-(UPDJC) အစည်းအဝေးမှာ ယခင်ပြုလုပ်ခဲ့တဲ့ UPDJC အတွင်းရေးမှူးအဖွဲ့ အစည်းအဝေးတွေ၊ လုပ်ငန်းကော်မတီ အစည်းအဝေးတွေကနေ ဆွေးနွေးပြီးရရှိလာတဲ့ ကဏ္ဍကြီး(၅)ခုဖြစ်တဲ့ လုံခြုံရေးကဏ္ဍ၊ နိုင်ငံရေးကဏ္ဍ၊ လူမှုရေးကဏ္ဍ၊ စီးပွားရေးကဏ္ဍနဲ့ မြေယာနှင့်သဘာဝပတ်ဝန်းကျင်ကဏ္ဍတို့က ရရှိလာတဲ့ အခြေခံမူ ၊ အဆိုပြုချက်တွေအပေါ် ထပ်မံဆွေးနွေးခဲ့ကြတယ်လို့ သိရပါတယ်။ 
၁၅ ကြိမ်မြောက် ပြည်ထောင်စု ငြိမ်းချမ်းရေးဆွေးနွေးမှု ပူးတွဲကော်မတီ-(UPDJC) အစည်းအဝေးကို ပြီးခဲ့တဲ့ ဇွန်လ၂၉ရက် က အမျိုးသားပြန်လည်သင့်မြတ်ရေးနှင့် ငြိမ်းချမ်းရေးဗဟိုဌာန (NRPC)မှာပြုလုပ်ခဲ့တာပါ။

 

 

Related News