ဝန်ကြီးဌာနတွေအပါအ၀င် အစိုးရနဲ့သက်ဆိုင်တဲ့အဖွဲ့အစည်းတွေအနေနဲ့ နေ့စဉ်ရုံးလုပ်ငန်း ဆောင်ရွက်မှုတွေကနေဖြစ်ပေါ်လာတဲ့ အရေးပါတဲ့ မှတ်တမ်းတွေမပျက်စီးမဆုံးရှုံးစေရေးအတွက် မှတ်တမ်းနှင့် မော်ကွန်းစီမံခန့်ခွဲမှုသင်တန်းဖွင့်လှစ်ခဲ့တာဖြစ်တယ်လို့ သိရပါတယ်။ မှတ်တမ်းနှင့် မော်ကွန်းစီမံခန့်ခွဲမှုသင်တန်းကို စီမံကိန်းနှင့် ဘဏ္ဍာရေးဝန်ကြီးဌာန အမျိုးသားမှတ်တမ်းများ မော်ကွန်းတိုက်ဦးစီးဌာန (နေပြည်တော်)က ဦးစီးဖွင့်လှစ်ခဲ့တာပါ။

အဆိုပါသင်တန်းကို အစိုးရ၀န်ကြီးဌာနအသီးသီးနဲ့ အဖွဲ့အစည်းတွေက ကိုယ်စားလှယ်တွေ ကိုသင်ကြားပေးမှာ ဖြစ်ပြီး ဌာနဆိုင်ရာ အသီးသီးမှာရှိတဲ့ နိုင်ငံရေး၊ စီးပွားရေး၊ လူမှုရေး၊ ယဉ်ကျေးမှုစတဲ့ အထောက်အထားတွေကို စနpfတကျစီမံခန့်ခွဲ တတ်စေဖို့ သင်ကြားပေးသွားမယ်လို့ အမျိုးသား မှတ်တမ်းများမော်ကွန်း တိုက်ဦးစီးဌာန ညွှန်ကြားရေးမှူးချုပ် ဦးဆန်းမြင့်က ပြောပါတယ်။ မှတ်တမ်းနှင့်မော်ကွန်းစီမံခန့်ခွဲမှုသင်တန်းမှာ အရေးပါတဲ့မှတ်တမ်းတွေပျက်စီးဆုံးရှုံးမှုမရှိစေရေးနဲ့ စနစ်တကျထိန်းသိမ်းနည်းတွေ အပါအ၀င် အမျိုးသားမှတ်တမ်းနှင့် မော်ကွန်းဥပဒေကို ပိုမိုသိရှိစေဖို့နဲ့ ဥပဒေပါ အချက်တွေထဲက လိုက်နာရမယ့်အချက်တွေကို သင်ပေးသွားမယ်လို့ ဆိုပါတယ်။

အဆိုပါသင်တန်းကို အမျိုးသားမှတ်တမ်းများမော်ကွန်းတိုက်ဦးစီးဌာနက အရာထမ်းတွေ အပါအ၀င် ပြင်ပက မော်ကွန်းပညာရှင်တွေကလည်း သင်ကြားပေးသွားမယ်လို့ သိရပါတယ်။ ဒါ့အပြင် အမျိုးသားမှတ်တမ်းနှင့် မော်ကွန်းဥပဒေအရ ဌာနဆိုင်ရာမှာရှိတဲ့ မှတ်တမ်းတွေဟာ သက်တမ်း(၁၂)နှစ်ပြည့်တာနဲ့ အမျိုးသားမှတ်တမ်းများမော်ကွန်းတိုက်ဦးစီးဌာနကို လွှဲပြောင်းပေး အပ်ရမယ်ဆိုတဲ့အချက်ကို လဲည်းပိုမိုသိရှိသွားမယ်လို့ ညွှန်ကြားရေးမှူးချုပ် ဦးဆန်းမြင့်က ပြောပါတယ်။

မှတ်တမ်းနှင့် မော်ကွန်းစီမံခန့်ခွဲမှုသင်တန်းကို ဇူလိုင်လ(၉)ရက်ကနေ (၁၅)ရက်အထိ တစ်ပတ်ကြာပြုလုပ်သွားမှာပါ။ သင်တန်းကို နံနက် ၁၀နာရီကနေ ၁၂နာရီအထိ သတ်မှတ်သင်ကြားပေးသွားမှာဖြစ်ပြီး   သင်တန်းသူသင်တန်းသား (၅၁)ဦးတက်ရောက် လျက်ရှိတယ်လို့ သိရပါတယ်။

 

 

 

 

 

Related News