ရန်ကုန်မြို့တွင်းမှာYBSစနစ်နဲ့ ကိုက်ညီတဲ့ခေတ်မီဘတ်(စ်)ကားမှတ်တိုင်အသစ်များတည်ဆောက်နေမှုကို ခရီးသွားပြည်သူတွေ ကြိုက်နှစ်သက်ကြတယ်လို့ သိရပါတယ်။ ရန်ကုန်မြို့တွင်းမှာဆောက်လုပ်နေတဲ့ ဘတ်(စ်)ကားမှတ်တိုင်အသစ်တွေကို ခရီးသွားပြည်သူတွေအနေနဲ့ ကားစောင့်ဆိုင်းရာမှာ အမိုးအကာလုံခြုံမှုရှိတာကြောင့်အများစုက ကြိုက်နှစ်သက်ကြတယ်လို့သိရပါတယ်။ အရင်ကဘတ်(စ်)ကားစောင့်ဆိုင်းတဲ့အခါ မှတ်တိုင်အများစုမှာ အမိုးအကာမရှိဘဲစောင့်ဆိုင်းနေရတာ၊ မိုးတွင်းကာလတွေမှာ မိုးရေစိုတာတွေကြောင့် ၀န်ထမ်းတွေအနေနဲ့ ရုံးတက်၊ ရုံးဆင်းချိန်တွေမှာ အဆင်မပြေမှုတွေဖြစ်ပေါ်တယ်လို့ ပြောပါတယ်။

အခုဆောက်လုပ် ပြီးစီးနေတဲ့ မြို့ထဲအ၀င်လမ်းဖြစ်တဲ့ ဗဟန်းမြို့နယ်လမ်းနီမှတ်တိုင်သစ်မှာ မိုးရွာရင်လည်း အဆင်ဆင်ပြေပြေဘတ်စ်ကား စောင့်ဆိုင်းနိုင်တယ်လို့ ခရီးသည်အချို့က ပြောပါတယ်။အခုတည်ဆောက်နေတဲ့ မှတ်တိုင်တွေရဲ့ခေါင်မိုးပေါ်မှာ ဘတ်(စ်)ကားခန့်မှန်းရောက်ရှိချိန်တွေကိုဖော်ပြတဲ့ LED Screenတွေအပြင် အားသွင်းရန်USB အပေါက်များလည်းပါဝင်တယ်လို့ သိရပါတယ်။ 

အဆိုပါကားမှတ်တိုင်ပုံစံမျိုးကို ကားမှတ်တိုင်(၅၀၀)မှာ အစားထိုးတည်ဆောက်သွားမှာဖြစ်ပြီး First Myanmar Investment Co.,Ltdနဲ့ JC Decaux တို့ပူးပေါင်းတည်ထောင်ထားတဲ့ ဖက်စပ်ကုမ္ပဏီအသစ် FMI Decaux ကုမ္ပဏီမှ တာဝန်ယူတည်ဆောက်သွားမှာ ဖြစ်ပါတယ်။ တည်ဆောက်မှုအတွက်ကုန်ကျစရိတ်တွေကို  FMI Decaux ကုမ္ပဏီမှ တာဝန်ယူကုန်ကျခံဆောက်လုပ်ပေးသွားမယ်လို့ သိရပါတယ်။

လက်ရှိတည်ဆောက်နေတဲ့ခေတ်မီဘတ်(စ်)ကားမှတ်တိုင်တွေမှာဗဟန်းမြို့နယ် လမ်းနီမှတ်တိုင်ကတော့ပြီးစီးသွားပြီဖြစ်ပြီး ဟယ်ပင်မှတ်တိုင်၊ စိန်ဂျွန်း၊UFL ၊ မာလာ စတဲ့မှတ်တိုင်တွေမှာတည်ဆောက်နေဆဲဖြစ်တယ်လို့သိရပါတယ်။ ရန်ကုန်မြို့တွင်း သတ်မှတ်ထားတဲ့မြို့နယ်တွေမှာ ဘတ်(စ်)ကားမှတ်တိုင်တွေကို (၃)နှစ်အတွင်းပြီးစီးအောင်ဆောက်လုပ်ပေးသွားမှာဖြစ်ပြီး စတင်ပြီး  တစ်နှစ်အတွင်းမှာ ဘတ်(စ်)ကားမှတ်တိုင်(၂၅၀)ကို အစားထိုးတည်ဆောက်သွားမှာဖြစ်တယ်လို့သိရပါတယ်။

 

   

Related News