မြန်မာနိုင်ငံရှိအမျိုးသမီးတွေဟာ အိမ်တွင်းအကြမ်းဖက်မှု၊ လူကုန်ကူးမှု၊ အများပြည်သူနေရာများမှာ နှောက်ယှက်ခံရမှု၊ အလုပ်အကိုင်အခွင့်အရေးကန့်သတ်ခံရမှု စတဲ့ကိစ္စရပ်တွေအများစုကို ရင်ဆိုင်ကြုံတွေ့နေရတာ ဖြစ်ပါတယ်။ ဒီလိုပြဿနာတွေကို ဖြေရှင်းနိုင်ဖို့ အမျိုးသမီးများအပေါ်အဓိက သက်ရောက်နေတဲ့ ဥပဒေများစွာ ရှိပေမယ့်လည်း ပြည်သူလူထုအနေနဲ့ သိရှိမှုနည်းပါးနေသေးတယ်လို့ ဇူလိုင် (11)ရက်က IBC မှာပြုလုပ်ခဲ့တဲ့ “မြန်မာအမျိုးသမီးများအပေါ် သက်ရောက်နေသော အဓိကဥပဒေများ လက်စွဲစာအုပ်” မိတ်ဆက်ပွဲမှာသိရပါတယ်။ မြန်မာနိုင်ငံရှိအမျိုးသမီးအများစုက ခွဲခြားဆက်ဆံခံရမှု၊ ထိပါးမှု၊ အကြမ်းဖက်မှုစတဲ့ ဖြစ်စဉ်တွေကို ပုံစံအမျိုးမျိုးနဲ့ ရင်ဆိုင်နေရတာဖြစ်ပါတယ်။

အဆိုပါဖြစ်စဉ်ကိုဖြေရှင်းနိုင်ဖို့ မြန်မာ့အမျိုးသမီးဆိုင်ရာ တည်ဆဲဥပဒေများနဲ့ အခွင့်အရေးများဖြစ်တဲ့ ကာကွယ်ခုခံပိုင်ခွင့်ဥပဒေ၊ ကာယိနြေ္ဒပျက်ပြားစေမှုဆိုင်ရာဥပဒေ၊ လိင်ပိုင်းအကြမ်းဖက်မှုဆိုင်ရာဥပဒေ၊ ကာမလိမ်လည်ရယူမှုဆိုင်ရာဥပဒေ၊ ဥပဒေနှင့်ဆန်ကျင်တဲ့ အတင်းအဓမ္မ ပြုကျင့်မှုဆိုင်ရာအကာအကွယ်ပေးသောဥပဒေ၊ ပဋိသန္ဓေဆိုင်ရာအကာအကွယ်ဥပဒေ၊ လူကုန်ကူးခြင်းတားဆီး ကာကွယ်ရေးဥပဒေ၊ ဖွဲ့စည်းပုံအခြေခံဥပဒေပါ ဥပဒေပုဒ်မများနဲ့ တစ်လင်တစ်မယားစနစ် ကျင့်သုံးခြင်းဆိုင်ရာ ဥပဒေ တို့ကို ပြဋ္ဌာန်းပေးထားတာဖြစ်ပေမယ့် ဒီကာကွယ်ပေးရေး ဥပဒေတွေကို အသုံးချတတ်မှုနဲ့အများပြည်သူတို့သိရှိမှုကတော့အားနည်းနေသေးတယ်လို့ လွှတ်တော်ကိုယ်စားလှယ်တစ်ဦးက ပြောပါတယ်။

အမျိုးသမီးရေးကိစ္စရပ်များနဲ့အမျိုးသမီးကဏ္ဍဖွံ့ဖြိုးတိုးတက်ရေးအတွက် နိုင်ငံတော်ဘက်ကလွှတ်တော်အမတ်တွေ၊ ရှေ့နေတွေ၊ အမျိုးသမီးအဖွဲ့ကွန်ရက်တွေနဲ့မြန်မာနိုင်ငံအနှံ့အပြားရှိ အရပ်ဘက်အဖွဲ့အစည်းတွေက ပူးပေါင်းဆောင်ရွက်နေတယ်လို့ သိရပါတယ်။ မြန်မာနိုင်ငံအနေနဲ့ အမျိုးသမီးကဏ္ဍများအတွက် ထိရောက်စွာအရေးယူမှုနဲ့ ကာကွယ်ပေးနိုင်မှုမှာ အားနည်းသေးတယ်လို့ ပြောပါတယ်။ မြန်မာနိုင်ငံမှာလက်ရှိ အမျိုးသမီးများတွက်သီးခြားသတ်မှတ်ထားတဲ့ဥပဒေတွေ မရှိသေးပေမဲ့၊ မြန်မာအမျိုးသမီးများအပေါ် သက်ရောက်နေတဲ့ အဓိက ဥပေဒေတွေတော့များစွာရှိတာပဲ ဖြစ်ပါတယ်။

 

 

 

Related News