သြစတြေးလျနိုင်ငံ Flinders(ဖလင်ဒါ) တက္ကသိုလ်နဲ့ ပြည်တွင်းက မသန်စွမ်းရေးရာလှုပ်ရှားနေတဲ့ အဖွဲ့တွေ  စုပေါင်းပြီး ဒီကနေ့ ဇူလိုင်လ(၁၁)ရက်က ဂန္ဓမာ Ballroom မှာ အလုပ်ရုံဆွေးနွေးပွဲတစ်ခု ပြုလုပ်ခဲ့ပါတယ်။ အဆိုပါ အလုပ်ရုံဆွေးနွေးပွဲကို နှစ်ရက်ပြုလုပ်မှာဖြစ်ပြီး သြစတြေးလျနိုင်ငံ Flinders(ဖလင်ဒါ) တက္ကသိုလ်ကနေ မသန်စွမ်းရေးရာ အရပ်ဖက်အဖွဲ့အစည်းတွေအပြင် လူမှုဝန်ထမ်းဦးစီးဌာနနဲ့ ပညာရေးနယ်ပယ်မှ ဆရာမတွေ၊ မသန်စွမ်းကလေးငယ်တွေရဲ့ မိဘတွေကို အထောက်အကူပြု ဘာသာရပ်တွေ ပို့ချပေးသွားမှာပါ။ သြစတြေးလျနိုင်ငံတက္ကသိုလ်မှ ပါမောက္ခတွေက မသန်စွမ်း အရပ်ဖက်အဖွဲ့အစည်းတွေရဲ့ စီမံခန့်ခွဲအုပ်ချုပ်မှုဆိုင်ရာ နည်းပညာပိုင်းတွေ တိုးတက်ကောင်းမွန်ဖို့၊ မသန်စွမ်းကလေးငယ်တွေကို စနစ်တကျ ပျိုးထောင်နိုင်ဖို့ စတဲ့ နည်းပညာတွေ ပို့ချသင်ကြားပေးသွားမှာဖြစ်ပါတယ်။ 

သြစတြေးလျနိုင်ငံ Flinders(ဖလင်ဒါ) တက္ကသိုလ်က  သြစတြေးလျနိုင်ငံ၊ နိုင်ငံခြားရေးနှင့် ကုန်သွယ်ရေးဌာနနဲ့ပူးပေါင်းပြီး Colombo Plan ဆိုတဲ့ ခေါင်းစဉ်နဲ့ မသန်စွမ်းရေးရာဘာသာရပ်ဆိုင်ရာ ပညာသင်ဆုတွေ ခေါ်ယူနေတာဖြစ်ပါတယ်။ ဒါပေမယ့် မြန်မာနိုင်ငံကို ပိုစိတ်ဝင်စားတာကြောင့် ယခုနှစ်မှာပဲ မသန်စွမ်းအဖွဲ့လေးခုက ၁၅ ဦးကို ပညာသင်ဆုပေးခဲ့တဲ့ အပြင် မြန်မာနိုင်ငံအတွင်းမှာ ကျန်နေသေးတဲ့ အဖွဲ့တွေကို ပညာရပ်ပိုင်းဆိုင်ရာတွေ ထပ်မံပို့ချပေးလိုတာကြောင့် အလုပ်ရုံဆွေးနွေးပွဲ ပြုလုပ်ခဲ့တာပါ။  ဒီအလုပ်ရုံဆွေးနွေးပွဲ ပြီးရင်တော့  သြစတြေးလျနိုင်ငံ Flinders(ဖလင်ဒါ) တက္ကသိုလ်က  မြန်မာနိုင်ငံမှ မသန်စွမ်းအဖွဲ့အစည်းတွေကို နောက်နှစ်အတွက် ပညာသင်ဆု အစီအစဉ်နဲ့ ထပ်မ ခေါ်ယူပြီး ပညာရပ်တွေ ပို့ချပေးမှာ ဖြစ်တယ်လို့သိရပါတယ်။

 

 

 

Related News