မြန်မာနိုင်ငံစွန့်ဦးတီထွင်လုပ်ငန်းရှင်များအသင်းမှ တတိယအကြိမ်မြောက်ကျင်းပမယ့် မြန်မာစွန့်ဦးတီထွင်ပွဲတော်ကို ရန်ကုန်မြို့ တမ်တော်ခန်းမမှာ(၂၀၁၈)ခုနှစ် သြဂုတ်လ(၃)ရက်ကနေ (၅)ရက်အထိ ပြုလုပ်သွားမယ်လို့ ဇူလိုင်လ(၁၀)ရက်က UMFCCI မှာပြုလုပ်ခဲ့တဲ့ သတင်းစာရှင်းလင်းပွဲမှသိရပါတယ်။စွန့်ဦးတီထွင် လူငယ်လုပ်ငန်းရှင်တွေအတွက် ငွေကြေးရင်းနှီးမြှုပ်နှံမှုလိုအပ်တဲ့ အတွက် မြန်မာနိုင်ငံစွန့်ဦးတီထွင်လုပ်ငန်းရှင်များအသင်းမှ အိန်ဂျယ်အင်ဗတ်စတာနပ်ဝေါ့နဲ့ ချိတ်ဆက်လုပ်ဆောင်ပေးသွားမယ်လို့ သိရပါတယ်။ အနည်းဆုံး ကျပ်သိန်း(၅၀)မှ အများဆုံးကျပ်သိန်း(၅၀၀)အထိ တစ်ဦးတစ်ယောက်ခြင်းဖြစ်စေ သုံးလေးယောက်ဖြစ်စေ ငွေကြေးရရှိအောင်လုပ်ဆောင်ပေးသွားမှာဖြစ်ပြီး သတ်မှတ်ထားတဲ့ ငွေပမာဏထက်များသွားပါက သူတို့လုပ်ဆောင်မယ့် လုပ်ငန်းရဲ့ အကျိုးအမြတ်ပေါ်မူတည်ပြီး သတ်ဆိုင်ရာဘဏ်တွေကနေ ချေးငွေရရှိအောင် လုပ်ဆောင်ပေးသွားမယ်လို့သိရပါတယ်။

ပွဲတော်မှာ စီးပွားရေးလုပ်ငန်းစုများနဲ့အသေးစားအလတ်စားလုပ်ငန်းများမှ လုပ်ငန်းရှင်များက ဆွေးနွေးပွဲများ ဟောပြောပို့ချမှုများနဲ့ ကူညီပေးမှာဖြစ်ပါတယ်။ ကနဦးတီထွင်လုပ်ငန်းများအတွက် လိုအပ်နေတဲ့ နည်းပညာအထောက်အကူနဲ့ ငွေကြေးအရင်းအနှီးများအတွက် ရင်းနှီးမြှုပ်နှံသူများနဲ့တွေ့ဆုံချိတ်ဆက်ပွဲတွေ၊ စွန့်ဦးလုပ်ငန်းများအတွက် လမ်းပြဆွေးနွေးပညာပေးအစီအစဉ်တွေနဲ့ အချိန်တိုသင်တန်းများ ပါဝင်မှာဖြစ်တယ်လို့သိရပါတယ်။ပြပွဲမှာ စီးပွားရေးလုပ်ငန်းကြီးများ အသေးစားအလတ်စားလုပ်ငန်းများအတွက် ပြခန်းနေရာတွေကို စီစဉ်ပေးသွားမယ့် အပြင် ကနဦး လုပ်ငန်းရှင်များအတွက် ပြခန်းနေရာများကို လည်း လျှောက်ထားသူများအနက်မှ ရွေးချယ်ပြီး အခမဲ့ နေရာချထားပေးသွားမယ်လို့ သိရပါတယ်။

 

 

Related News