မြန်မာနိုင်ငံ အသေးစားငွေရေးကြေးရေးလုပ်ငန်း ဥပဒေ အပေါ် အရပ်ဖက်အဖွဲ့တွေသုံးသပ်ဆွေးနွေးတဲ့ အခမ်းအနားကို ဇူလိုင်လ (၁၀) ရက်က မန္တလေးမြို့ Hotel Marvel မှာ ကျင်းပခဲ့တာ ဖြစ်ပါ တယ်။ မြန်မာနိုင်ငံမှာ ကျေးလက်ဒေသ ဖွံ့ဖြိုးရေးနှင့် ဆင်းရဲနွမ်းပါးမှု လျှော့ချနိုင်ဖို့အတွက် အသေးစား ငွေရေးကြေးရေးဥပဒေ ကို (၂၀၁၁) ခုနှစ်မှာ ပြဋ္ဌာန်းခဲ့တယ်လို့သိရပါတယ်။

ဒီဥပဒေဟာ မြန်မာနိုင်ငံလို ဖွံ့ဖြိုးဆဲ နိုင်ငံတစ်နိုင်ငံရဲ့ ဆင်းရဲနွမ်းပါးမှု တိုက်ဖျက်ရေး လုပ်ငန်းစဉ်အတွက် အလွန်အရေးပါတယ်လို့ ဆိုပါတယ်။ (၇)နှစ်တာကာလ အတွင်းဥပဒေနဲ့ ပတ်သက်ပြီး လုပ်ငန်းတွေ ဆောင်ရွက်ကြရာမှာ အခက်အခဲတွေ ရှိခဲ့ပြီး အမှန်တစ်ကယ် ငွေလိုအပ်သူတွေချေးငွေမရရှိခြင်း၊ ရရှိတဲ့ချေးငွေပမာဏမလုံလောက်ခြင်းနဲ့ လုပ်ငန်းစတင်လိုသူတွေ အတွက်လည်း အခက်အခဲများရှိနေခြင်းတို့ဖြစ်တယ်လို့ သိရပါတယ်။

အသေးစားငွေရေး ကြေး ရေး ဥပဒေဟာ ပြည်သူတွေအပေါ် အကျိုးသက်ရောက်မှု၊ အထောက်အကူပြုမှု၊ အားသာချက်၊ အားနည်းချက်နဲ့ အခက်အခဲတွေကို မြေပြင်မှာ လေ့လာဆောင်ရွက်မှုတွေပြုလုပ်ခဲ့ပြီး ရရှိလာတဲ့ ရလဒ်တွေကို သုံးသပ် ဆွေးနွေးတာ ဖြစ်တယ်လို့ ဒုတိယ ရေသောက်မြစ်အဖွဲ့က ကိုအောင်သူရက ပြောပါတယ်။ မြန်မာနိုင်ငံရဲ့ လူဦးရေ (၇၀) ရာခိုင်နှုန်းကျော်ဟာ ကျေးလက်နေပြည်သူများဖြစ်ပြီး ကျေးလက်နေ ပြည်သူများရဲ့ လူနေမှုဘဝ တိုးတက်မှ နိုင်ငံတော် ဖွံ့ဖြိုးလာမှာဖြစ်တယ်လို့ ဆိုပါတယ်။ အသေးစား ငွေရေး ကြေးရေးလုပ်ငန်း ဥပဒေ ဟာ အခြေခံလူတန်းစားတွေ အတွက် လူမှုဘဝ မြှင့်တင်နိုင်ဖို့ အထောက်အကူပေးတဲ့ ဥပဒေဖြစ်တယ် လို့ပြောပါတယ်။

ဒါ့ကြောင့် အသေးစားစီးပွားရေးလုပ်ငန်းများ ပေါ်ထွက်လာစေဖို့၊ ကျေးလက် နေပြည်သူလူထု ဖွံ့ဖြိုးတိုးတက်စေဖို့အတွက် အလုပ်အကိုင် အခွင့်အလမ်းများ ဖန်တီးပေးဖို့ လိုအပ်တယ်လို့ ပြောပါတယ်။ဒီသုံးသပ်ဆွေးနွေးပွဲမှာလွှတ်တော်ကိုယ်စားလှယ်များ၊အရပ်ဖက်အဖွဲ့အစည်းများ၊ အသေးစား ငွေရေးကြေးရေးလုပ်ငန်း အဖွဲ့များ ပါဝင်ဆွေးနွေးခဲ့ကြတယ်လို့ သိရပါတယ်။ 

 

 

 

Related News