ပန်းချီဆရာမဇွန်အိဖြူ ရဲ့ ပထမဆုံးအကြိမ် တကိုယ်တော် ပန်းချီပြပွဲကို  ဇူလိုင်လ(11)ရက်မှ ဇူလိုင်လ(13)ရက်ထိ (3)ရက်ကြာ Ok Art Grallary မှာ ပြသနေတာဖြစ်ပါတယ်။ ပန်းချီဆရာမဇွန်အိဖြူက စိတ်ခံစားချက်ကို အဓိကရေးဆွဲထားတဲ့  ပန်းချီကား(37)ကားကို ပြသထားတာဖြစ်ပါတယ်။ အခုပြသထားတဲ့ပန်းချီကားတွေက အက်ခရိုင်းလစ်ဆေးတစ်မျိုးထဲကိုသာသုံးပြီး ရေးဆွဲထားတဲ့ ကားတွေဘဲဖြစ်ပါတယ်။ဒီပန်းချီကားရေးဆွဲနည်းက တခြားပန်းချီဆရာတွေရေးဆွဲသလို ရေးဆွဲတာမဟုတ်ဘဲ စက္ကူပေါ်မှာ အခရိုင်းလစ်ကို အရင်တင်ပြီး ခြောက်သွားအောင် အခြောက်ခံရတာဖြစ်ပါတယ်။

အခြောက်ခံပြီးသား စက္ကူကို ဓါးနဲ့ပုံဖော်ပြီး စက္ကူအကြည်သုံးကာ ကာလပန်နဲ့ဒီဇိုင်းပြန်ဆွဲပြီး မီးအလင်းရောင်နဲ့ ကြည့်ရတဲ့ ပန်းချီကားဖြစ်တယ်လို့ သိရပါတယ်။ပန်းချီပြပွဲကိုလာရောက်ကြည့်ရူတဲ့ သူတွေကို ပန်းချီကားများအကြောင်းကိုရှင်းပြပြီး အမေးအဖြေကဏ္ဍပြုလုပ်ကာ ပန်းချီကားများကိုလည်း အမှတ်တရလက်ဆောင်များပြန်လည် ပေးခဲ့တယ်လို့ သိရပါတယ်။

 

 

 

Related News