မိခင်နှင့် မွေးကင်းစကလေးသေဆုံးမှုတွေ၊ နာမကျန်းဖြစ်မှုတွေကိုလျှော့ချနိုင်ဖို့အတွက် မိသားစုစီမံကိန်းနှင့် မျိုးဆက်ပွားကျန်းမာရေးစောင့်ရှောက်မှုဆိုင်ရာလုပ်ငန်းတွေရဲ့ အရည်အသွေးကို ပိုမိုကောင်းမွန်အောင် လုပ်ဆောင်ပြီး လူတိုင်းလက်လှမ်းမီအောင်ဆောင်ရွက်ပေးဖို့ ဒုတိယသမ္မတဦးမြင့်ဆွေက တိုက်တွန်းပြောကြားလိုက်ပါတယ်။

မိခင်နှင့်မွေးကင်းစကလေးသေဆုံးမှုတွေလျော့ချနိုင်ဖို့ မိခင်နှင့်ကလေးစောင့်ရှောက်မှုနှင့် အသိပညာပေးလုပ်ငန်းတွေကို စဉ်ဆက်မပြတ်ဆောင်ရွက်ကြဖို့ လိုအပ်သလို မိသားစုစီမံကိန်းနှင့် မျိုးဆက်ပွား ကျန်မာရေးစောင့်ရှောက်မှုဆိုင်ရာလုပ်ငန်းတွေကိုလူတိုင်းလက်လှမ်းမီအောင် ဆောင်ရွက်ပေးဖို့လိုအပ်တယ်လို့ ပြောပါတယ်။ မိသားစုစီမံကိန်းကို လူတိုင်းလက်လှမ်းမီစွာအသုံးပြုနိုင်လျှင် သားဖွားမိခင်သေဆုံးမှုရဲ့ ၃၀ရာခိုင်နှုန်းအထိ လျှော့ချနိုင်မှာဖြစ်သလို အသက်(၅)နှစ်အောက်ကလေးသေဆုံးမှုရဲ့ ၂၁ရာခိုင်နှုန်းကိုလဲ လျှော့ချနိုင်မယ်လို့ ဒုတိယသမ္မတကပြောပါတယ်။ 


မြန်မာနိုင်ငံအနေနဲ့ ပြီးခဲ့တဲ့ ၂၀၁၄ခုနှစ်လူဦးရေနှင့်အိမ်အကြောင်းအရာ သန်းခေါင်စာရင်းအရ အရှေတောင်အာရှဒေသတွင်းနိုင်ငံတွေထဲမှာ သားဖွားမိခင်သေဆုံးမှုနှုန်းအမြင့်ဆုံး နိုင်ငံတွေထဲမှာပါဝင်နေပြီး ကလေးအရှင် (၁)သိန်းမွေးဖွားတိုင်း မိခင်၂၈၂ ဦးသေဆုံးနေပါတယ်။ နှစ်စဉ် မြန်မာနိုင်ငံမှာ မိခင်၂၇၀၀ ခန့်ဟာ ကိုယ်ဝန်ဆောင်စဉ်နဲ့ ကလေးမွေးဖွားစဉ်မှာသေဆုံးနေတယ်လို့သိရပါတယ်။ မိသားစုစီမံကိန်းဖော်ဆောင်ခြင်းအားဖြင့် လူမှုရေးနှင့်စီးပွားရေးဖွံ့ဖြိုးတိုးတက်မှုကို အထောက် အပံ့ ဖြစ်စေသလို အမျိုးသားအမျိုးသမီးများနဲ့ ကလေးများရဲ့လူမှုဘ၀ကိုလဲမြှင့်တင်ပေးနိုင်မယ်လို့ သိရပါတယ်။

ဒါ့အပြင်၂၀၁၅ခုနှစ်က ကောက်ယူခဲ့တဲ့ မြန်မာနိုင်ငံလူနေမှုဘ၀နှင့် ကျန်မာရေး ဆိုင်ရာ အခြေခံအချက်အလက်စစ်တမ်းအရ အိမ်ထောင်သည်အမျိုးသမီး၅၂ရာခိုင်နှုန်းဟာ မိသားစုစီမံကိန်းကို အသုံးပြုလျက်ရှိတယ်လို့ သိရပါတယ်။

မိသားစုစီမံကိန်းနဲ့မျိုးဆက်ပွားကျန်းမာရေးစောင့်ရှောက်မှုလုပ်ငန်းတွေရဲ့ အရည်အသွေးကို ပိုမိုကောင်းမွန် အောင် လုပ်ဆောင်ကြဖို့နဲ့ ပတ်သက်ပြီး ဇူလိုင်လ ၁၁ရက်က နေပြည်တော်မှာရှိတဲ့ သင်္ဂဟဟိုတယ်မှာ ပြုလုပ်ခဲ့တဲ့ ကမ္ဘာလူဦးရေနေ့အခမ်းအနား အဖွင့်မိန့်ခွန်းထဲမှာ ထည့်သွင်း ပြောကြားခဲ့ တာပါ။   

 

 

 

Related News