ပန်းဘဲတန်းမြို့နယ် အမှတ်(၁၀)ရပ်ကွက်ရှိ (၃၁)လမ်းနဲ့(၃၂)လမ်း နောက်ဖေးလမ်းကြားကို စာကြည့်တိုက်၊ ကလေးကစားကွင်းထည့်သွင်းပြီး  ပန်းခြံအဖြစ် အလှဆင်မှုပြုလုပ်ထားပါတယ်။ ဒီလိုအလှဆင်ထားတာ(၂)နှစ်ကျော်ရှိပြီး အမှိုက်တွေထပ်မပစ်အောင်နဲ့ ဒီလိုအလှဆင်တာတွေမပျက်စီးအောင် ရပ်ကွက်နေပြည်သူတွေနဲ့နောက်ဖေးလမ်း ကြားပြုပြင်ထိန်းသိမ်းရေးအဖွဲ့ဖွဲ့ပြီး ထိန်းသိမ်းထားတယ်လို့သိရပါတယ်။ 

ပန်းဘဲတန်းမြို့နယ် အမှတ်(၁၀)ရပ်ကွက်ရှိ (၃၁)လမ်းနဲ့(၃၂)လမ်း နောက်ဖေးလမ်းကြား အလှဆင်မှုကို ၂၀၁၆ ခုနှစ်မေလ(၁၇) ရက်က စတင်ပြုလုပ်ခဲ့ပြီး အဲဒီနှစ်ဇူလိုင်လပထမအပတ်မှာ ဖွင့်လှစ်ခဲ့တာပါ။ အခု နောက်ဖေးလမ်း ကြားဖွင့်လှစ်ပြီး ရပ်ကွက်နေပြည်သူတွေကစည်းကမ်းလိုက်နာပြီး  အရင်ကလိုနောက်ဖေးလမ်းကြားမှာ အမှိုက်တွေပြန်မပစ်အောင် နဲပ  နောက်ဖေးလမ်းကြားအတွင်းအသေးစားပျက်စီးမှုကို  ပြင်ဆင်ဖို့ကို ရပ်ကွက်ရန်ပုံငွေအသုးံပြုပြီး လုပ်ဆောင်နေတယ်လို့သိရပါတယ်။ (၃၁)လမ်းနဲ့(၃၂)လမ်းမှာနေထိုင်ကြတဲ့ ရပ်ကွက်နေပြည်သူတွေကတော့ နောက်ဖေးလမ်းကြား အလှဆင်မှုမလုပ်ခင်က(၆)လတစ်ခါအမှိုက်ရှင်းဖို့လုပ်ဆောင်ခဲ့ကြပြီး အခုလိုပြုပြင်ပြီးနောက်မှာတော့ အမှိုက်မပစ်အောင် ထိန်းသိမ်းခြင်း၊ ရေညှိတိုက်ခြင်း၊ ပန်းပင်ရေလောင်းခြင်း၊ အမှိုက်လှဲခြင်းစတာတွေကို အလှည့်ကျလုပ်ဆောင် နေတယ်လို့သိရပါတယ်။

ခုလိုနောက်ဖေးလမ်းကြား အလှဆင်တာတွေကို ဒို့အိမ်အဖွဲ့က ဦးဆောင်ပြုလုပ်နေပြီး အလှဆင်တဲ့လမ်းတွေရဲ့ကုန်ကျစရိတ်တွေကိုတော့ ဒို့အိမ်အဖွဲ့က(၈၀)ရာခိုင်နှုန်း ကူညီပေးပြီး ရပ်ကွက်နေပြည်သူတွေက (၂၀)ရာခိုင်နှုန်းထည့်ဝင်ရတယ် လို့သိရပါတယ်။

 

 

 

Related News