အာဇာနည်နေ့တွင် ပြည်သူတွေစည်းကမ်းတကျ အမှိုက်စွန့်ပစ်နိုင်ဖို့ အာဇာနည်နေ့အခမ်းအနားနဲ့ သက်ဆိုင်တဲ့ နေရာတွေမှာ အမှိုက်ပုးံတွေကို  ဇူလိုင်လ(၁၇)ရက်မှာ ချထားဆောင်ရွက်နေပြီဖြစ်ပါတယ်။ ရန်ကုန်မြို့တော်စည်ပင်သာယာရေးကော်မတီ ပတ်ဝန်းကျင်ထိန်းသိမ်းရေးနှင့်သန့်ရှင်းရေးဌာနက အာဇာနည်ကုန်း ဧရိယာ ဆက်စပ်လမ်းတွေမှာ  ပြည်သူတွေ အမှိုက်စွန့်ပစ်ဖို့ အမှိုက်ပုးံ အခု (၅၀)၊ ၀န်ကြီးများရုံးမှာ အမှိုက်ပုးံ အခု (၇၀)နဲ့ ဗိုလ်ချူပ်အောင်ဆန်းနေအိမ်ပြတိုက် မှာ အမှိုက်ပုးံ အခု ၅၀ ချထားဆောင်ရွက် နေတာဖြစ်ပါတယ်။

ပြီးခဲ့တဲ့နှစ်တွေက အမှိုက်ပုံးကြီးတွေမှာ စွန့်ပစ်ခဲ့ရတာဖြစ်ပေမယ့် ဒီအမှိုက်ပုံးတွေက  ပြည်သူတွေရဲ့ လုံခြုံရေးကို ထိခိုက်စေနိုင်တာကြောင့်  နောက်ပိုင်းမှာ အမှိုက်အိတ်စွပ်ထားတဲ့ အမှိုက်ပုးံတွေကို ချထားဆောင်ရွက်တာဖြစ်တယ်လို့သိရပါတယ်။ ရန်ကုန်မြို့တော်စည်ပင်သာယာရေးကော်မတီ၊ ပတ်ဝန်းကျင်ထိန်းသိမ်းရေးနှင့်သန့်ရှင်းရေးဌာနအနေနဲ့ အာဇာနည်နေ့အခမ်းအနားအတွက် အခမ်းအနားကျင်းပမယ့် ပတ်ဝန်းကျင်လုံခြုံရေးအတွက် သန့်ရှင်းရေးပိုင်းတွေကို အခမ်းအနားမတိုင်ခင် ရက်(၂၀)အလိုထဲက စီမံချက်ချဆောင်ရွက်နေတာဖြစ်ပါတယ်။ ဒီလိုဆောင်ရွက်ရာမှာ အာဇာနည်ကုန်းနဲ့ ဆက်စပ်ဧရိယာလမ်းတွေ၊ ဗိုလ်ချူပ်ပြတိုက်နဲ့ ဆက်စပ်ဧရိယာအပါအ၀င် အတွင်းဝန်များရုံးနဲ့ ဆက်စပ်ဧရိယာဆိုပြီး အပိုင်း(၃)ပိုင်းခွဲပြီးဆောင်ရွက်နေတာဖြစ်တယ်လို့သိရပါတယ်။

ဒါ့အပြင် အခမ်းအနားကာလမှာလည်း ပြည်သူတွေအမှိုက်စွန့်ပစ်ရာမှာ အဆင်ပြေစေဖို့အိပ်စွပ်အမှိုက်ပုးံချထားတာတွေအပြင် အာဇာနည်ကုန်းကို လာရောက်ဂါရ၀ပြုမယ့် အရေးကြီးလူပုဂ္ဂိုလ်တွေနဲ့ ပြည်သူတွေရဲ့ ကျန်းမာရေးအရ အပေါ့သွားနိုင်ဖို့ အာဇာနည်ကုန်းအနီးတ၀ိုက် လင့်လမ်းနားမှာ ရွေ့ပြောင်းသန့်စင်ခန်း(၆)လုံး၊ သွေးဆေးကန်ဘေးမှာ  (၂)လုံးနဲ့ ၀န်ကြီးများရုံးမှာ  (၁၀)လုံးချထားပေးမှာဖြစ်ပြီး ဗိုလ်ချုပ်ပြတိုက်မှာတော့ အများသုံးသန့်စင်ခန်းလုံလောက်မှုရှိတဲ့အတွက် ရွေ့ပြောင်းသန့်စင်ခန်းတွေထားရှိမှာ မဟုတ်ဘူးလို့သိရပါတယ်။

အာဇာနည်နေ့မှာ ပတ်ဝန်းကျင်းထိန်းသိမ်းရေးနှင့်သန့်ရှင်းရေးဌာနက အမှိုက်စွန့်ပစ်ဖို့ အိပ်စွပ်အမှိုက်ပုးံတွေ ချထားဆောင်ရွက်ထားသလို  အခြား ပရဟိတအဖွဲ့အစည်းတွေကလည်း အာဇာနည်ကုန်းအနီးတ၀ိုက်မှာ အဖွဲ့တွေခွဲပြီး လမ်းပေါ်မှာ စည်းကမ်းမဲ့ စွန့်ပစ်ထားတဲ့ အမှိုက်တွေ လိုက်လံသိမ်းဆည်းတာတွေကို လည်းပြုလုပ်သွားမယ်လို့သိရပါတယ်။

 

 

 

Related News