ငါးမန်းနဲ့ ငါးလိပ်ကျောက်မျိုးစိပ်တွေ မျိုးတုန်းမသွားစေဖို့ ထိန်းသိမ်းကာကွယ်စောင့်ရှောက်ရာမှာ  ပြည်သူလူထုတွေရဲ့ ပူးပေါင်းပါဝင်မှုလဲလိုအပ်တယ်လို့ ငါးလုပ်ငန်းဦးစီးဌာနညွှန်ကြားရေးမှူးချုပ် ဦးခင်မောင်မော်က ပြောပါတယ်။ ၂၀၁၅- ၂၀၁၆ ခုနှစ်ကကောက်ယူခဲ့တဲ့ စစ်တမ်းတွေအရ မြန်မာပင်လယ်ပြင်မှာ ငါးမန်းမျိုးစိတ်၁၉မျိုးနဲ့ ငါးလိပ်ကျောက်မျိုးစိပ်၂၆မျိုးရှိတယ်လို့ သိရပါတယ်။ အဲဒီထဲမှာ ကျွဲငါးမန်းမျိုးစိတ်နဲ့ Mobula ငါးလိပ်ကျောက်မျိုးစိတ်တို့ဟာ ရှားပါးမျိုးစိပ်တွေဖြစ်တယ်လို့ သိရပါတယ်။ ငါးမန်းမျိုးစိတ်တွေကို ကမ္ဘာပေါ်မှာ တရားမ၀င်ဖမ်းဆီးရောင်းဝယ်နေတာတွေကြောင့် ရှာပါးလာနေတယ်လို့ ငါးလုပ်ငန်းဦးစီးဌာန ညွှန်ကြားရေးမှူးချုပ် ဦးခင်မောင်မော်က ပြောပါတယ်။

မြန်မာနိုင်ငံမှာတော့  ငါးမန်းဖမ်းဆီးခြင်းကို (၂၀၀၉) ခုနှစ်ထဲက ပိတ်ပင်ထားခဲ့ပြီး ငါးလိပ်ကျောက်နဲ့ ငါးမန်းမဖမ်းဆီးရ ဧရီယာအဖြစ် တနင်္သာရီတိုင်းဒေသကြီး မြိတ်ကျွန်းစုက လန်ပိကျွန်းနဲ့ ဒုံးကျွန်းတစ်ဝိုက်က ရေပြင်ကို သတ်မှတ်ကာ ထိန်းသိမ်းကာကွယ်ထားတယ်လို့ သိရပါတယ်။ ငါးမန်းနဲ့ ငါးလိပ်ကျောက်တွေကို ထိန်းသိမ်းနိုင်ဖို့အတွက် ငါးလုပ်ငန်းဦးစီးဌာနအနေနဲ့ တက္ကသိုလ်တွေ အပါအ၀င် FFI, WCS, SEAFDEC စတဲ့ နိုင်ငံတကာအဖွဲ့အစည်းတွေနဲ့ ပူးပေါင်းဆောင်ရွက်နေတယ်လို့ ဆိုပါတယ်။ အဲဒီလိုလုပ်ဆောင်ရာမှာ ငါးလိပ်ကျောက်နဲ့ငါးမန်းမဖမ်းဆီးရ ဧရီယာအနီးက ကျေးရွာတွေကို သွားရောက်ပြီး ငါးမန်းနဲ့ ငါးလိပ်ကျောက်တွေကို ဖမ်ဆီးခြင်းမပြုကြဖို့ အသိပညာပေးတာတွေ၊ ရှင်းပြတာတွေ လုပ်ဆောင်ထားတယ်လို့ ပြောပါတယ်။ 

ဒုတိယအကြိမ်အဖြစ် ငါးမန်းငါးလိပ်ကျောက်မျိုးစိပ်များ ထိန်းသိမ်းကာကွယ်ရေးဆိုင်ရာ အမျိုးသားအဆင့်လုပ်ငန်းကော်မတီ အစည်းအဝေးကို ဇူလိုင်လ ၁၇ရက်က ၁၈ရက်အထိ နေပြည်တော်မှာရှိတဲ့ Amara Hotelမှာ ကျင်းပသွားမယ်လို့  သိရပါတယ်။ ဒီဆွေးနွေးပွဲမှာ မြန်မာ့ပင်လယ်ပြင်မှာ ရှိတဲ့ငါးမန်းငါးလိပ်ကျောက်တွေကို ထိထိရောက်ရောက်ထိန်းသိမ်းဖို့အတွက် မဟာဗျုဟာများချမှတ်နိုင်ရေး အပါအ၀င် အမျိုးသားအဆင့် စီမံချက်တွေချမှတ်နိုင်ရေးအတွက် တက်ရောက်လာတဲ့ ကျွမ်းကျင်ပညာရှင် တွေက အကြံပြုဆွေးနွေးသွားမယ်လို့ သိရပါတယ်။ ပထမအကြိမ် ငါးမန်း၊ ငါးလိပ်ကျောက် မျိုးစိပ်များထိန်းသိမ်းကာကွယ်ရေးဆိုင်ရာ အမျိုးသားအဆင့်လုပ်ငန်းကော်မတီရဲ့ အစည်းအဝေးကိုတော့ ပြီးခဲ့တဲ့ ဧပြီလ၁၀ ရက်က နေပြည်တော် စိုက်ပျိုးရေး၊မွေးမြူရေးနှင့် ဆည်မြောင်းဝန်ကြီးဌာန ရုးံမှာ ပြုလုပ်ခဲ့တယ်လို့ သိရပါတယ်။

 

 

 

Related News