လာမယ့်ဘဏ္ဍာနှစ်မှာ ရန်ကုန်တိုင်းဒေသကြီးအတွင်းရှိ မြစ်၊ချောင်းတွေမှာကမ်းပြိုကာကွယ်ရေးနဲ့ သောင်တူးဖော်ခြင်း လုပ်ငန်းတွေလုပ်ကိုင်ဖို့ ဘတ်ဂျက် တောင်းခံထားမှုအပေါ် ရန်ကုန်တိုင်းဒေသကြီး လွှတ်တော်က  မြေပြင်အခြေအနေတွေကို ကွင်းဆင်းစစ်ဆေးနေတယ်လို့သိရပါတယ်။ တိုင်းဒေသကြီးအတွင်းရှိ ကမ်းပြိုကာကွယ်ရေးနဲ့ သောင်တူးဖော်ခြင်းလုပ်ငန်းတွေကို  လာမယ့်(၂၀၁၈-၂၀၁၉)ဘဏ္ဍာနှစ်မှာ လုပ်ဆောင်ဖို့ သက်ဆိုင်ရာဌာနက ဘတ်ဂျက်တောင်းခံထားတာဖြစ်ပါတယ်။ ဘတ်ဂျတ်တောင်းခံမှုပမာဏနဲ့ မြေပြင်လိုအပ်ချက်အခြေအနေတွေ ကိုက်ညီမှုရှိ၊မရှိ၊ အများပြည်သူ အကျိုးဖြစ်ထွန်းမှုရှိ၊မရှိတွေကို စစ်ဆေးသွားမှာဖြစ်တယ်လို့သိရပါတယ်။

ဒီကော်မတီဟာ ဇူလိုင်(၂၃)ရက်ကစပြီး ကျောက်တန်းမြို့နယ်အတွင်းက ကမ်းပြိုကာကွယ်ရေးလုပ်ငန်းစီမံကိန်း လုပ်ကိုင်မယ့် နေရာ(၈)နေရာကို သွားရောက်ကြည့်ရှု့စစ်ဆေးခဲ့တာပါ။ကျောက်တန်းမြို့နယ်အတွင်းက နေရာ(၈)နေရာအတွက် ကမ်းပြိုကာကွယ်ရေးလုပ်ငန်းစီမံကိန်းလုပ်ကိုင်ဖို့  ငွေကျပ်(၂၀၀၂.၆၁၉)သန်း ဘတ်ဂျက်တောင်းခံထားတာဖြစ်ပါတယ်။  ကမ်းပြိုကာကွယ်ရေးလုပ်ငန်းတွေ မလုပ်ဆောင်ရင် လူနေအိမ်တွေ၊ စီးပွားရေးလုပ်ငန်းတွေ၊ စေတီပုထိုးတွေ ပြိုကျပျက်စီးတာတွေဖြစ်ပေါ်လာနိုင်တယ်လို့လည်း ကျောက်တန်းမြို့နယ် တိုင်းဒေသကြီးလွှတ်တော်ကိုယ်စားလှယ် ဒေါ်သက်သက်မူကပြောပါတယ်။

ကျောက်တန်းမြို့နယ်တွင်းမှာ ကမ်းပြိုကာကွယ်ရေးလုပ်ဆောင်မယ့် နေရာတွေကတော့ ကျောက်တန်းမြို့ပရိယတ္တိဘုန်းကြီးကျောင်းအနီး၊ ပါဒ၀နယ်မြေရှိ ပါဒ၀ချောင်း အနီး၊ ပန်းတောကျေးရွာကိုးန၀င်းစေတီအနီး၊ စင်မကော်ကျေးရွာအနီး၊ ၀ဲကြီးဘုန်းကြီးကျောင်းအနီး၊ ကဒပ္ပနကျေးရွာအနီး၊ ကွင်းပေါက်ကျေးရွာအနီး၊ သောင်ကြီးကျေးရွာအနီး စတဲ့နေရာတွေမှာဖြစ်ပါတယ်။ ကော်မတီအနေနဲ့ တိုင်းဒေသကြီးအတွင်းရှိ မြို့နယ်အသီးသီးက မြစ်ချောင်းကမ်းပြိုကာကွယ်ရေး လုပ်ငန်းတွေအတွက်  ကွင်းဆင်းလေ့လာစစ်ဆေးတာတွေကို   ဇူလိုင်(၂၃)ရက်ကစတင်ကာ သြဂုတ်လအထိလုပ်ဆောင်သွားမယ်လို့ သိရပါတယ်။

 

 

Related News