ဟိုတယ်နှင့်ခရီးသွားလာရေးဝန်ကြီးဌာန၊ ပြည်တွင်းဘုရားဖူးနှင့် ခရီးသွားဝန်ဆောင်မှုအသင်းမှ ဖွင့်လှစ်သင်ကြားပေးနေတဲ့ ခရီးစဉ်လမ်းကြောင်းတာဝန်ခံသင်တန်း အမှတ်စဉ်(၄) သင်တန်းဆင်းပွဲကို သြဂုတ်လ(၇)ရက်က ရန်ကုန်မြို့ UMFCCI (မင်္ဂလာခန်းမ) မှာပြုလုပ်ခဲ့ပါတယ်။ ဒီ သင်တန်းကို ပြည်တွင်းဘုရားဖူးလုပ်ငန်း ပိုမိုတိုးတက်လာစေဖို့နဲ့ ပြည်တွင်း ပြည်ပမှ ဘုရားဖူးဧည့်သည်တွေအတွက် ခရီးလမ်းတစ်လျှောက် ဗဟုသုတရရှိပြီး အဆင်ပြေချောမွေ့စေဖို့အတွက်ရည်ရွယ်သင်ကြားပေးနေတာဖြစ်တယ်လို့ သိရပါတယ်။

ခရီးစဉ်လမ်းကြောင်းတာဝန်ခံသင်တန်းမှာ မြန်မာနိုင်ငံရှိတဲ့ ဘုရားသမိုင်းများ ဘုရားဖူးလမ်းကြောင်းမိုင်တိုင်များကို တွက်ချက်နည်း လမ်းကြောင်းတလျှောက်မှာရှိတဲ့ နေရာများ၊ စားသောက်ဆိုင်များနဲ့ တည်းခိုဖို့နေရာများအကြောင်း အစရှိတာတွေကို သင်ကြားပေးနေတာဖြစ်ပါတယ်။ခရီးစဉ်လမ်းကြောင်း တာဝန်ခံသင်တန်း အမှတ်စဉ်(၄)မှာသင်တန်းသားဦးရေ စုစုပေါင်း (၉၆)ယောက်က သင်တန်းဆင်းခဲ့တာဖြစ်ပါတယ်။ဒီသင်တန်းကို ၂၀၁၃ ခုနှစ်မှာ စတင်ဖွင့်လှစ်ခဲ့ပြီး လက်ရှိမှာ ရန်ကုန်နဲ့ မန္တလေး (၂)နေရာမှာ ဖွင့်လှစ်သင်ကြားနေတာဖြစ်တယ်လို့သိရပါတယ်။ 

 

 

 

Related News