အစိုးရဌာနအဖွဲ့အစည်းတွေရဲ့ ၀န်ဆောင်ပေးမှုတွေကို ပြည်သူတွေ အမှန်တကယ်ရရှိပြီး အစိုးရနဲ့ ပြည်သူအကြား ယုံကြည်မှု တိုးမြင့်စေကာ ဒီမိုကရေစီစနစ်ကိုပီပြင်စွာအကောင်အထည်ဖော်ဆောင်ရွက်ရာမှာ အထောက်အကူပြုနိုင်သော One Stop Shop တွေကို One Stop Service သို့ အဆင့်မြှင့်တင် အကောင်အထည်ဖော် ဆောင်ရွက်ပေးပါရန် ပြည်ထောင်စု အစိုးရအား တိုက်တွန်းတဲ့အဆိုကို ပြည်သူ့လွှတ်တော်မှာ ဆွေးနွေးခဲ့ပြီး မှတ်တမ်းတင်ထားရှိခဲ့တယ်လို့ သိရပါတယ်။ 

ပြည်ပနိုင်ငံတွေကိုလေ့လာတွေ့ရှိမှုတွေအရ ပြည်သူ့ဝန်ဆောင်မှုရုံး(One Stop Shop)များ အောင်မြင်ရန် အတွက် ဘဏ္ဍာရန်ပုံငွေနဲ့ IT နည်းပညာများလိုအပ်ပြီး One Stop Shop တွေကို One Stop Service သို့အဆင့်မြှင့်တင်ပြောင်းလဲပါက လုပ်ငန်းသဘောသဘာဝမတူညီပဲ လက်ရှိအချိန်မှာလည်း One Stop Service ကဲ့သို့ လုပ်ဆောင်နေတာကြောင့် အဆိုကို မှတ်တမ်းအဖြစ်ထားရှိဖို့ ပြည်ထဲရေးဝန်ကြီးဌာန ဒုတိယ၀န်ကြီးဗိုလ်ချုပ်အောင်သူက တင်ပြခဲ့တာပါ။ အထက်ပါအဆိုကို သြဂုတ်လ(၈)ရက်ကပြုလုပ်ခဲ့တဲ့ ဒုတိယအကြိမ် ပြည်သူ့လွှတ်တော်န၀မ ပုံမှန်အစည်းအဝေးမှာ ပြည်သူ့လွှတ်တော်ကိုယ်စားလှယ် (၆)ဦးကဆွေးနွေးခဲ့ကြပါတယ်။ အဆိုကိုဆွေးနွေးခဲ့ပြီးနောက် ပြည်ထဲရေးဝန်ကြီးဌာနက မှတ်တမ်းအဖြစ်ထားရှိဖို့ တင်ပြခဲ့မှုအပေါ် အဆိုရှင်ဖြစ်တဲ့ ဘီးလင်းမဲဆန္ဒနယ်က ပြည်သူ့လွှတ်တော်ကိုယ်စားလှယ် ဦးတင်ကိုကိုဦး(ခ)ဦးအတွတ်က ပြည်သူ့ဝန်ဆောင်မှု ရုံးတွေအတွက် လိုအပ်တဲ့ဥပဒေပြဌာန်းတာတွေ လုပ်ဆောင်ရမှာဖြစ်တာကြောင့် မှတ်တမ်းတင်စောင့်ကြည့်ပေးဖို့ သဘောတူခဲ့ပါတယ်။

မြန်မာနိုင်ငံအနေနဲ့ ပြည်သူတွေရဲ့ လိုအပ်ချက်ကိုဖြည့်ဆည်းပေးနိုင်ရန်အတွက် ပြည်သူ့ဝန်ဆောင်မှုရုံး(One Stop Shop) များကို လွန်ခဲ့တဲ့ ၂၀၁၅ ဇူလိုင်လ(၇)ရက်က စတင်ဖွင့်လှစ်ခဲ့ပြီး မြို့နယ်ပေါင်း(၃၃၀)အနက် နယ်မြေအခြေအနေအရ ဖွင့်လှစ်နိုင်ခြင်းမရှိတဲ့ မြို့နယ်(၁၄)ခုကလွဲပြီး ကျန်ရှိတဲ့(၃၁၆)မြို့နယ်မှာ ဖွင့်လှစ်ထားတယ်လို့ သိရပါတယ်။ အစိုးရဌာနအဖွဲ့အစည်းတွေရဲ့ ၀န်ဆောင်ပေးမှုတွေကို ပြည်သူတွေအမှန်တကယ်ရရှိပြီး အစိုးရနဲ့ ပြည်သူအကြား ယုံကြည်မှုတိုးမြင့်စေကာ ဒီမိုကရေစီစနစ်ကိုပီပြင်စွာအကောင်အထည်ဖော်ဆောင်ရွက်ရာမှာ အထောက်အကူပြုနိုင်သော One Stop Shop တွေကို One Stop Service သို့ အဆင့်မြှင့်တင် အကောင်အထည်ဖော်ဆောင်ရွက်ပေးပါရန် ပြည်ထောင်စုအစိုးရအားတိုက်တွန်းတဲ့ အဆိုကိုသြဂုတ်လ(၂)ရက်ပြုလုပ်ခဲ့တဲ့ ဒုတိယအကြိမ် ပြည်သူ့လွှတ်တော် န၀မပုံမှန်အစည်းအဝေးမှာ တင်သွင်းခဲ့တာ ဖြစ်ပါတယ်။

 

 

 

Related News