မြန်မာ - အိန္ဒိယ နှစ်နိုင်ငံဖြတ်သန်းသွားလာရေးဆိုင်ရာ သဘောတူစာချုပ်အရ အကောင်အထည် ဖော်ဆောင်ရွက်တဲ့ မြန်မာ - အိန္ဒိယ နှစ်နိုင်ငံအကြား မြန်မာနိုင်ငံ၊ စစ်ကိုင်းတိုင်းဒေသကြီး တမူးမြို့နယ်နဲ့ အိန္ဒိယနိုင်ငံ၊ မဏ္ဍိပူရပြည်နယ် မိုးရေးမြို့နယ်တို့ရှိ တမူး-မိုး ရေး အပြည်ပြည်ဆိုင်ရာ နယ်စပ် ၀င်/ထွက် ဂိတ်နှင့် မြန်မာနိုင်ငံ၊ ချင်းပြည်နယ်၊ ရိခေါဒါရ်မြို့နဲ့ အိန္ဒိယ၊ မီဇိုရမ်ပြည်နယ် ဇိုခေါသာ မြို့တို့ရှိ ရီခေါဒါရ်-ဇိုခေါသာ အပြည်ပြည်ဆိုင်ရာနယ်စပ်ဝင်/ထွက်ဂိတ် ဖွင့်ပွဲများကို သြဂုတ်လ(၈)ရက်မှာ တစ်ပြိုင်တည်းကျင်းပခဲ့ပါတယ်။

မြန်မာ - အိန္ဒိယ နိုင်ငံအကြား တမူး-မိုးရေး အပြည်ပြည်ဆိုင်ရာ နယ်စပ် ၀င်/ထွက် ဂိတ် ဖွင့်ပွဲကို တမူးမြို့ရှိ ချစ်ကြည်ရေးတံတားအနီး ၀င်/ထွက် ဂိတ်မုဒ်ဦးမှာ ကျင်းပခဲ့ရာ အလုပ်သမား၊ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန၊ အမြဲတမ်းအတွင်းဝန် ဦးအေးလွင်က မြန်မာ- အိန္ဒိယ နှစ်နိုင်ငံအကြား အပြည်ပြည်ဆိုင်ရာ နယ်စပ် ၀င်/ထွက်ဂိတ်များ ဖွင့်လှစ်ရခြင်းနှင့်စပ်လျဉ်း၍ ရှင်းလင်းပြောကြားပြီး မန္တလေးမြို့ရှိ မြန်မာနိုင်ငံဆိုင်ရာ အိန္ဒိယနိုင်ငံသံရုံးမှ ကောင်စစ်ဝန်ချုပ်နှင့် တမူးခရိုင်အထွေထွေအုပ်ချုပ်ရေးဦးစီးဌာန၊ ခရိုင်အုပ်ချုပ်ရေးမှူးတို့က အမှာစကား အသီးသီးပြောကြားခဲ့ပါတယ်။

အလားတူ မြန်မာ- အိန္ဒိယ နှစ်နိုင်ငံအကြား ရီခေါဒါရ် - ဇိုခေါသာ အပြည်ပြည်ဆိုင်ရာနယ်စပ် ၀င်/ထွှက်ဂိတ်ဖွင့်ပွဲကို ရီခေါဒါရ်မြို့ရှိ အဆိုပါ ၀င်/ထွှက်ဂိတ်မုဒ်ဦးမှာကျင်းပခဲ့ရာ ချင်းပြည်နယ်ဝန်ကြီးချုပ် ဆလိုင်းလျန်လွယ်နှင့် အိန္ဒိယနိုင်ငံ မီဇိုရမ်ပြည်နယ် နယ်စပ်ကုန်သွယ်ရေးဝန်ကြီးတို့က အမှာစကားအသီးသီး ပြောကြားခဲ့ကြပါတယ်။မြန်မာ - အိန္ဒိယ နှစ်နိုင်ငံကြား တမူး- မိုးရေးနှင့် ရီခေါဒါရ် - ဇိုခေါသာ အပြည်ပြည်ဆိုင်ရာနယ်စပ် ၀င်/ထွက်ဂိတ်များဖွှင့်လှစ်နိုင်ခဲ့တာကြောင့် သက်တမ်းရှိသော နိုင်ငံကူးလက်မှတ်နှင့် မြန်မာနိုင်ငံဆိုင်ရာ အိန္ဒိယနိုင်ငံသံရုံးမှ ထုတ်ပေးသည့် ပြည်ဝင်ဗီဇာနှင့် e-Visa ပါရှိသော မြန်မာနိုင်ငံသားများဟာ အိန္ဒိယနိုင်ငံသို့လည်းကောင်း၊ သက်တမ်းရှိသောနိုင်ငံကူးလက်မှတ်နှင့် သက်ဆိုင်ရာနိုင်ငံ၏ မြန်မာနိုင်ငံသံရုံးမှထုတ်ပေးသည့် ပြည်ဝင်ဗီဇာ (သို့မဟုတ်) e-Visa ပါရှိသည့် အိန္ဒိယနိုင်ငံသားနှင့် အိန္ဒိယနိုင်ငံသားမဟုတ်သည့် အခြားနိုင်ငံခြားသား (တတိယနိုင်ငံသား)များဟာ မြန်မာနိုင်ငံသို့ လည်းကောင်း ၀င်/ထွက်သွားလာနိုင်ပြီဖြစ်ပါတယ်။ 

မြန်မာနိုင်ငံအတွင်းဝင်ရောက်လာသူများအနေနဲ့ မည်သည့်အပြည်ပြည်ဆိုင်ရာ ၀င်/ထွက်ပေါက်များမှမဆို ပြည်ပသို့ပြန်လည် ထွက်ခွာနိုင်ပြီး သံတမန်နိုင်ငံကူးလက်မှတ်နှင့် အထူးနိုင်ငံကူးလက်မှတ် ကိုင်ဆောင်ထားတဲ့ အိန္ဒိယနိုင်ငံသားများအား ပြည်ဝင်ဗီဇာကင်းလွတ်ခွင့်ပြုကြောင်း သိရှိရပါတယ်။

အဆိုပါအပြည်ပြည်ဆိုင်ရာ နယ်စပ်ဝင်/ထွက်ပေါက်များတည်ရှိရာ နယ်စပ်ဒေသမှာ နေထိုင်သူ မြန်မာနှင့် အိန္ဒိယနိုင်ငံသားများဟာ နယ်စပ်ဖြတ်သန်းခွင့်လက်မှတ် (Borderpass) ဖြင့် နယ်စပ်မျဉ်းမှ (၁၆) ကီလိုမီတာအကွာအဝေးအထိ ၀င်/ထွက်ခွင့်ပြပြီး တစ်ကြိမ်ဝင်/ထွက်ခွင့်အတွက် (၁၃) ညအိပ် (၁၄) ရက်ခွင့်ပြုပေးလျက်ရှိတယ်လို့ သတင်းရရှိပါတယ်။

 

 

Related News