အသေးစားနှင့် အလတ်စားလုပ်ငန်းရှင်များ လုပ်ငန်းလုပ်ကိုင်ရာမှာ သဘာဝပတ်ဝန်းကျင်ကို မထိခိုက်စေဘဲ ဆန်းသစ်တီထွင်သောနည်းလမ်းများဖြင့် ကုန်ထုတ်လုပ်မှုလုပ်ငန်း များလုပ်ကိုင်စေဖို့ရည်ရွယ်ပြီး စက်မှုဝန်ကြီးဌာန၊စက်မှုကြီးကြပ်ရေးနှင့် စစ်ဆေးရေးဦးစီးဌာနနဲ့ ကိုရီးယားနိုင်ငံ (ASEIC) တို့ပူးပေါင်းပြီး နားလည်မှုစာချွန်လွှာကို သြဂုတ်လ (၉)ရက်က ရန်ကုန်မြို့ရှိ Mercure (မာကျူရီ) ဟိုတယ်မှာ ရေးထိုးခဲ့ပါတယ်။

သဘာဝပတ်ဝန်းကျင်ကို မထိခိုက်ဘဲ ထုတ်လုပ်တဲ့ထုတ်ကုန်တွေဟာ ဓာတုပစ္စည်းလျော့ချအသုံးပြုပြီး ထုတ်လုပ်ရတာတွေကြောင့် ပုံမှန်ထုတ်ကုန်တွေထက် ကုန်ကျစရိတ်ပိုများတယ်လို့သိရပါတယ်။ ဒါကြောင့်မြန်မာနိုင်ငံအနေနဲ့ ထုတ်လုပ်နိုင်ဖို့ အခက်အခဲတွေရှိနေသေးတယ်လို့သိရပါတယ်။ ကိုရီးယားနိုင်ငံ ASEIC အနေနဲ့ ကိုရီးယားနိုင်ငံရဲ့ သဘာဝပတ်ဝန်းကျင်ကို မထိခိုက်စေဘဲ ထုတ်လုပ်တဲ့ Eco Level Product များရဲ့ ထုတ်လုပ်မှုအတွေ့အကြုံ နည်းပညာများကို မျှဝေပေးသွားမှာဖြစ်ပြီး မြန်မာနိုင်ငံအနေနဲ့ ဒီထုတ်ကုန်တွေကို ဘယ်လိုထုတ်လုပ်ရမယ်၊ပြည်ပကိုဘယ်လိုထိုးဖောက်ရမယ်ဆိုတာကိုပါ မျှဝေပေးသွားမယ်လို့သိရပါတယ်။

ကိုရီးယားနိုင်ငံအနေနဲ့လည်းမြန်မာနိုင်ငံမှာ ရင်းနှီးမြှုပ်နှံမှုတွေလုပ်ကိုင်လိုသလို ဖက်စပ်လုပ်ကိုင် လိုတာကြောင့် ထုတ်လုပ်မှုအဆင့်အတန်းတူညီဖို့အတွက် Eco Level Product ထုတ်ကုန်တွေကို ထုတ်လုပ်နိုင်ဖို့ အသေးစားအလတ်စားလုပ်ငန်းတွေကို မြှင့်တင်ပေးဖို့ လိုအပ်နေတာဖြစ်တယ်လို့ သိရပါတယ်။

 

 

 

Related News