ရေကြီးမှုကြောင့်ပျက်စီးမှုတွေရှိခဲ့တဲ့ရန်ကုန်မော်လမြိုင်လမ်းပိုင်းကိုပြန်လည်ပြင်ဆင်မှုတွေပြုလုပ်နေပြီးအမြန်ဆုးံဖွင့်လှစ်နိုင်ဖို့ပြင်ဆင်နေတယ်လို့မြန်မာ့မီးရထားကသိရပါတယ်။ ရေကြီးမှုကြောင့်ရန်ကုန်မော်လမြိုင်လမ်းပိုင်းရှိနှင်းပုလဲဘူတာနဲ့ဒုံဝန်းဘူတာအကြားရထားသံလမ်းရေကျော်တာတွေအပြင်အဲဒီဘူတာအနီးရှိတံတားအမှတ်(၇၄)လည်းပျက်စီးမှုတွေရှိခဲ့ပါတယ်။

အဲဒီလိုပျက်စီးမှုတွေရှိခဲ့တဲ့အတွက်ရန်ကုန်မော်လမြိုင်လမ်းပိုင်းမှာရန်ကုန်ကနေနှင်းပုလဲဘူတာအထိသာရထားပြေးဆွဲပေးခဲ့ပါတယ်။လက်ရှိမှာတော့ရန်ကုန်မော်လမြိုင်ခရီးစဉ်အစအဆုးံ့ရထားပြေးဆွဲမှုတွေပြုလုပ်နိုင်ဖို့လမ်းပိုင်းပြင်ဆင်မှုတွေပြုလုပ်နေပြီးအခုလလယ်နောက်ပိုင်းဖွင့်လှစ်နိုင်ဖို့ခန့်မှန်းထားတယ်လို့မြန်မာ့မီးရထားကတာဝန်ရှိသူတစ်ဦးကအခုလိုပြောပါတယ်။မြန်မာ့မီးရထားအနေနဲ့ရန်ကုန်ကနေမော်လမြိုင်အထိကိုနေ့စဉ်အစုန်အဆန်ရထား(၆)စင်းပြေးဆွဲပေးနေပြီးလက်ရှိရထားလမ်းပိုင်းပြင်ဆင်မှုတွေအနေနဲ့နှင်းပုလဲဘူတာနဲ့ဒုံဝန်းဘူတာအကြားတာပေါင်ရေတိုက်စားမှုပြင်ဆင်မှုမှာပြီးစီးနေပြီဖြစ်ပါတယ်။ဒီဘူတာတွေမှာလမ်းပိုင်းကြံ့ခိုင်မှုရှိအောင်ကျောက်တွေချပြီးပြင်ဆင်နေသလိုပျက်စီးသွားတဲ့တံတားအမှတ်(၇၄)ကိုတိုင်ထောင်တာတွေပြုလုပ်နေတယ်လို့သိရပါတယ်။

ဇူလိုင်လ(၂၇)ရက်နောက်ပိုင်းကစပြီးရန်ကုန်မော်လမြိုင်လမ်းပိုင်းရှိနှင်းပုလဲဘူတာအထိသာရထားပြေးဆွဲပေးခဲ့ပြီးမြန်မာ့မီးရထား၊မြို့ပြအင်ဂျင်နီယာဌာနကလုပ်သားအင်အားတွေနဲ့လမ်းပိုင့်းပြင်ဆင်မှုတွေဆောင်ရွက်နေတယ်လို့သိရပါတယ်။ရန်ကုန်မော်လမြိုင်လမ်းပိုင်းရထားကို တစ်ရက်လျှင် ခရီးသည်(၂၀၀၀)ခန့်စီးနင်းနေတယ်လို့မြန်မာ့မီးရထားက သတင်းထုတ်ပြန် ထားပါတယ်။

 

 

 

Related News