(၂၀၁၈-၂၀၁၉)တက္ကသိုလ်ဝင်တန်းမေးခွန်းပုံစံသစ်အရ ဘာသာရပ်စွမ်းရည်မြှင့်သင်တန်းကို အလုံမြို့နယ် အမှတ်(၄) အခြေခံပညာအထက်တန်းကျောင်းနဲ့ ကြည့်မြင်တိုင်မြို့နယ် အမှတ်(၃) အခြေခံပညာအထက်တန်းကျောင်းတို့မှာ သြဂုတ်လ(၆)ရက်မှ (၁၄)ရက်အထိ(၉)ရက်ကြာ သင်ကြားပေးနေတယ်လို့ သိရပါတယ်။ ဒီသင်တန်းမှာတော့ (၂၀၁၈-၂၀၁၉)တက္ကသိုလ်ဝင်တန်းရဲ့ ပြောင်းလဲလာမယ့်မေးခွန်းပုံစံသစ်ကို မေးခွန်းထုတ်တဲ့ တက္ကသိုလ်က ပါမောက္ခ ဆရာ၊ ဆရာမတွေက လက်ရှိတက္ကသိုလ်ဝင်တန်း သင်ကြားနေတဲ့ ဆရာ၊ ဆရာမတွေကို သက်ဆိုင်ရာဘာသာရပ် အလိုက်သင်ကြားပေးနေတာဖြစ်တယ်လို့ သိရပါတယ်။

တက္ကသိုလ်ဝင်တန်းရဲ့ ပြောင်းလဲလာမယ့်မေးခွန်းပုံစံသစ်မှာတော့ အလွတ်ကျက်စနစ်မှ စဉ်းစားတွေးခေါ်မှု အပိုင်းတွေပါဝင်လာမယ်လို့ အရှေ့ပိုင်းခရိုင်ပညာရေးမှူးက ပြောပါတယ်။တက္ကသိုလ်ဝင်တန်းကိုသင်ကြားပေးနေတဲ့ဆရာဆရာမတွေကတော့ အလွတ်ကျက်စနစ်မှ အခုလိုစဉ်းစားတွေးခေါ်မှုတွေ ထည့်သွင်း တာကောင်းပေမယ့် နယ်ဘက်တွေက အခြေခံပညာရေးကို အားနည်းတဲ့ကလေးတွေအတွက်တော့ အခက်အခဲရှိတယ်လို့ ပြောပါတယ်။(၂၀၁၈-၂၀၁၉)တက္ကသိုလ်ဝင်တန်းမေးခွန်းပုံစံသစ်အရ ဘာသာရပ်စွမ်းရည်မြှင့်သင်တန်းကို အလုံမြို့နယ်ရှိ အမှတ်(၄) အခြေခံပညာအထက်တန်းကျောင်းမှာ အရှေ့ပိုင်းခရိုင်နဲ့တောင်ပိုင်းခရိုင်က လက်ရှိတက္ကသိုလ်ဝင်တန်းသင်ကြားနေတဲ့ဆရာ၊ ဆရာမတွေကို သက်ဆိုင်ရာဘာသာရပ်အလိုက်သင်ကြားပေးနေတာဖြစ်ပါတယ်။

ကြည့်မြင်တိုင်မြို့နယ် အမှတ်(၃) အခြေခံပညာအထက်တန်းကျောင်းမှာတော့ မြောက်ပိုင်းခရိုင်နဲ့ အနောက်ပိုင်းခရိုင်က ဆရာ၊ဆရာမတွေကို သင်ကြားပေးနေတယ်လို့သိရပါတယ်။တက္ကသိုလ်ဝင်တန်းရဲ့ ပြောင်းလဲလာမယ့်မေးခွန်းပုံစံသစ်ကို စာမေးပွဲဖြေဆိုမယ့် ကျောင်းသားကျောင်းသူတွေအနေနဲ့ ရင်းနှီးမှုရှိအောင် အစမ်းဖြေမယ့်စာမေးပွဲတွေမှာ မေးခွန်းပုံစံသစ်အတိုင်းမေးသွားမှာ ဖြစ်တယ်လို့သိရပါတယ်။

 

 

 

Related News