ရန်ကုန်တိုင်းဒေသကြီး တရားဥပဒေစိုးမိုးရေးဌာနနှင့် တရားမျှတမှုဆိုင်ရာလုပ်ငန်းများပေါင်းစပ်ညှိနှိုင်း ရေးအဖွဲ့ခွဲ့တို့ပူးပေါင်းပြုလုပ်တဲ့ တရားဥပဒေစိုးမိုးရေးအသိပညာဟောပြောပွဲကို စက်တင်ဘာလ (၉) ရက်က ကျောက်တံတားမြို့နယ် အခြေခံပညာအထက်တန်း ကျောင်းမှာပြုလုပ်ခဲ့တာဖြစ်ပါတယ်။ တရားဥပဒေစိုးမိုးရေးအသိပညာပေးဟောပြောပွဲကိုပြုလုပ်တာက ပြည်သူတွေရဲ့အခက်အခဲတွေ၊ ဌာနဆိုင်ရာအခက်အခဲတွေကို ဖြေရှင်းပေးနိုင်ရန်နဲ့ပေါင်းစပ်ပေးနိုင်ရန်အတွက် ရည်ရွယ်ပြုလုပ်တာဖြစ်ပါတယ်။ တရားဥပဒေလုပ်ငန်းများကိုအကောင် ထည်ဖော်ဆောင်ရွက်ရာမှာ လုပ်ငန်းများ အဆင်ပြေချောမွေ့စွာနဲ့ အောင်မြင်စွာဆောင်ရွက်နိုင်စေဖို့အတွက်  ဟောပြောပွဲတွေ၊ သင်တန်းတွေ ပေးသွားမှာဖြစ်တယ်လို့ တရားလွှတ်တော်ရှေ့နေ ဦးအောင်စိုးက ပြောပါတယ်။ 

ပေါင်းစပ်ညှိနှိုင်းရေးအဖွဲ့ခွဲ အနေနဲ့ လုပ်ငန်း တာဝန်တွေကို အကောင်ထည်ဖော်ဆောင်ရွက်ရာမှာ လက်ခံရရှိလာတဲ့ တိုင်ကြားစာတွေကို မှတ်ပုံတင်စာရင်း ရေးသွင်းထားခြင်း၊ တိုင်ကြားစာများကိုစီစစ်ပြီးတရားဥပဒေစိုးမိုးရေးနှင့် တရားမျှတရေးအတွက် ပူးပေါင်းဆောင်ရွက်ဖို့ လိုအပ်တဲ့ တိုင်ကြားစာတွေကို ရွေးထုတ်ခြင်း အစရှိတဲ့ လုပ်ငန်းဆောင်တာတွေကို နေပြည်တော်သို့ တင်ပြပြီး တိုင်ကြားသူထံပြန်လည် အသိပေးသွားဖို့လုပ်ဆောင်နေတယ်လို့ ပြောပါတယ်။ဒီဟောပြောပွဲကိုရန်ကုန်မြို့မှာ ပထမဆုံး အကြိမ်ပြုလုပ်တာဖြစ်ပြီး ပေါင်းစပ်ညှိနှိုင်းရေးအဖွဲ့ခွဲ့မှ အဖွဲ့ဝင်များ၊ ကျောက်တံတားမြို့နယ်အထွေထွေ အုပ်ချုပ်ရေးမှူးနဲ့တာဝန်ရှိသူတွေတက်ရောက်ခဲ့တယ်လို့သိရပါတယ်။

 

 

 

 

Related News