“ဟာရီကိန်းမုန်တိုင်း ဖလောရင့်စ်ကြောင့် ကာရိုလိုင်းနားပြည်နယ်တွင် လူသိန်းချီရွှေ့ပြောင်း”ဟာရီကိန်းမုန်တိုင်း“ဖလောရင့်စ်”၀င်ရောက်တော့မယ်လို့ အာဏာပိုင်တွေက သတိပေးနေတဲ့အတွက် အမေရိကန်အရှေ့ဘက်ပင်လယ်ကမ်းခြေက ဒေသခံသိန်းချီဟာ ဘေးလွတ်ရာရွှေ့ပြောင်းနေကြပါတယ်။ 

စက်တင်ဘာလ(၁၃)ရက်ဒီနေ့ညနေပိုင်းမှာ ဟာရီကိန်းမုန်တိုင်း“ဖလောရင့်စ်”၀င်ရောက်ဖို့နီးကပ်လာချိန်မှာ အမေရိကန်အ ရှေ့ ဘက်ကမ်းခြေမှာရှိတဲ့ဒေသခံတွေက ဘေးလွတ်ရာရွှေ့ပြောင်းနေကြပါတယ်။ ဖလောရင့်စ်ကို မုန်တိုင်းအဆင့် သတ်မှတ်ချက် (၃) အဖြစ် အဆင့်လျှော့ချသတ်မှတ်ထားပြီး လေတိုက်နှုန်းတစ်နာရီကို မိုင်(၁၂၀)လောက်နဲ့ ၀င်ရောက်ဖို့ ရှိနေတာကြောင့် အပျက်အ စီးများနိုင်တယ်လို့ အာဏာပိုင်တွေက သတိပေးနေပါတယ်။

“တောင်ကာရိုလိုင်းနား”၊ “မြောက်ကာရိုလိုင်းနား”နဲ့ “ဗာဂျီးနီးယား” ပြည်နယ်တို့က ဒေသခံ(၁.၇)သန်းကျော်ကို ဘေးလွတ်ရာရွှေ့ပြောင်းဖို့ အာဏာပိုင်တွေက ညွှန်ကြားထားပြီး ရွှေ့ပြောင်းတာတွေ မြန်စေဖို့ (၄)လမ်းသွားလမ်းတွေကို တစ်လမ်းသွားအဖြစ် အာဏာပိုင်တွေက ပြောင်းလဲသတ်မှတ်ထားပါတယ်။

ဖလောရင့်စ်က အနောက်မြောက်ဘက်ကို ဦးတည်နေတာကြောင့် စက်တင်ဘာလ(၁၂)ရက်မှာ “ဂျော်ဂျီယာ”ပြည်နယ်က အရေးပေါ်အခြေအနေ ကြေညာခဲ့ပြီး အစောပိုင်းမှာတော့ “တောင်ကာရိုလိုင်းနား”၊ “မြောက်ကာရိုလိုင်းနား”၊ “ဗာဂျီးနီးယား”၊ “မေရီလန်း” ပြည်နယ်တွေနဲ့ ၀ါရှင်တန်ဒီစီတို့မှာ အရေးပေါ်အခြေအနေကြေညာခဲ့ပါတယ်။ ဖလော့ရင့်စ်က ပြီးခဲ့တဲ့ဆယ်စုနှစ်သုံးခုအတွင်း ကာရိုလိုင်းနားပြည် နယ်တွေကို ၀င်ရောက်ခဲ့တဲ့ မုန်တိုင်းတွေထဲမှာ အင်အားအပြင်းဆုံးဖြစ်လာဖွယ်ရှိနေတယ်လို့လည်း သတိပေးနေပါတယ်။

 

 

 

Related News