လူကုန်ကူးခံရပြီး နေရပ်ပြန်ရောက်လာတဲ့သူတွေအတွက် ခိုင်မာတဲ့အလုပ်အကိုင်အခွင့်အလမ်းတွေ တည်ဆောက်ပေးဖို့ လိုအပ်နေတယ်လို့ ဒုတိယသမ္မတဦးဟင်နရီဗန်ထီးယူကပြောပါတယ်။ မြန်မာနိုင်ငံဟာ လူကုန်ကူးမှုတွေနဲ့ပတ်သက်လို့ စိန်ခေါ်မှုများနဲ့ရင်ဆိုင်ကြုံတွေ့နေရပြီး အဆိုပါ စိန်ခေါ်မှုတွေထဲမှာ ပြည်ပမှာခိုအောင်းနေတဲ့ လူကုန်ကူးသူတွေကို ဖမ်းဆီးဖို့ခက်ခဲတာတွေ၊ ပြည်ပနိုင်ငံကို ရောက်ရှိနေတဲ့လူကုန်ကူးခံရသူတွေကို အချိန်မီကယ်တင်နိုင်ဖို့ ခက်ခဲတာတွေအပါအ၀င် နေရပ်ပြန်ရောက်လာ တဲ့လူကုန်ကူးခံရသူတွေအတွက် ခိုင်မာတဲ့အလုပ်အကိုင်အခွင့်အလမ်းတွေတည်ဆောက်ပေးဖို့ လိုအပ်တာတွေပါဝင်တယ်လို့ဒုတိယသမ္မတဦးဟင်နရီဗန်ထီးယူက ပြောပါတယ်။ 

လူကုန်ကူးမှုတွေမှာ ရင်ဆိုင်ကြုံတွေ့နေရတာတွေနဲ့ပတ်သက်ပြီး စက်တင်ဘာလ ၁၃ရက်က နေပြည်တော်ရှိ သင်္ဂဟဟိုတယ်မှာပြုလုပ်တဲ့ ဆဌမအကြိမ်မြောက် မြန်မာနိုင်ငံလူကုန်ကူးမှု တိုက်ဖျက်ရေးနေ့အခမ်းအနားအဖွင့်မိန့်ခွန်းမှာထည့်သွင်းပြောကြားခဲ့တာပါ။ မြန်မာနိုင်ငံအနေနဲ့လူကုန်ကူးခံရမှုဖြစ်စဉ်တွေထဲမှာ အဓမ္မအလုပ်ခိုင်းစေခြင်း၊ အဓမ္မထိမ်းမြားလက်ထပ်ခြင်း၊ လိင်ပိုင်းဆိုင်ရာခေါင်းပုံဖြတ်ခြင်းနဲ့ အဓမ္မမွေးစားခြင်းတွေအပါအ၀င် ကြွေးမြီဖြင့်နှောင်ဖွဲ့ခိုင်းစေခြင်း စတဲ့ ပုံစံတွေနဲ့ဖြစ်ပွားနေတယ်လို့သိရပါတယ်။ အဆိုပါပုံစံတွေထဲမှာ ၂၀၁၇ခုနှစ်က ကောက်ခံရရှိတဲ့ ကိန်းဂဏန်းတွေအရ အဓမ္မထိမ်းမြားလက်ထပ်ခြင်းက အများဆုံးဖြစ်ပြီး လူကုန်ကူးခံရမှုတွေအာလုံးရဲ့(၆၀)ဒသမ(၁)ရာခိုင်နှုန်း အထိရှိတယ်လို့သိရပါတယ်။မြန်မာနိုင်ငံမှာပြီးခဲ့တဲ့ ၂၀၁၇ခုနှစ်အတွင်း လူကုန်ကူးခံရတဲ့ အမှုပေါင်း၂၀၀ကျော်ဖြစ်ပွားခဲ့ကာ ၂၀၁၈ ခုနှစ်အတွင်းယနေ့အထိ စုစုပေါင်း၁၅၆မှုဖြစ်ပွားခဲ့တယ်လို့ လူကုန်ကူးမှုတားဆီးနှိမ်နှင်းရေးရဲတပ်ဖွဲ့မှ သိရပါတယ်။

 

 

Related News