ပြည်သူတွေစားသုံးတဲ့  အသားဈေးတွေဟာ သားသတ်လိုင်စင်တွေကြောင့် ဈေးပိုမိုမြင့်တက်မှုတွေရှိနေလို့  ဈေးလျော့ကျအောင် လုပ်ဆောင်ဖို့ စက်တင်ဘာ(၁၃)ရက်က ရန်ကုန်တိုင်းဒေသကြီးလွှတ်တော်မှာ မေးမြန်းဆွေးနွေးခဲ့ပါတယ်။

စားသုံးသူတွေက ဈေးတွေမှာ ဝယ်ယူရတဲ့ အသားဈေးတွေဟာ မွေးမြူသူတွေရောင်းချတဲ့ ဈေးထက်(၂)ဆနီးပါးပေးပြီးဝယ်စားနေရလို့ မရမ်းကုန်းမြို့နယ်အမတ် ဦးရန်ရှင်းက တိုင်းဒေသကြီးလွှတ်တော်မှာ မေးမြန်းခဲ့တဲ့ မေးခွန်းမှာ တည့်သွင်းဆွေးနွေးခဲ့ပါတယ်။

ဒါဟာ သားသတ်လိုင်စင်တွေကြောင့် ဈေးပိုမိုမြင့်တက်နေတာဖြစ်ပြီး  မွေးမြူသူတွေကိုယ်တိုင် အသားထုတ်လုပ်ရောင်းချတာ၊ သားသတ်လိုင်စင်တွေ အရေအတွက်တိုးမြှင့်ချထားလိုက်ရင် တဆင့်ခံထုတ်လုပ်သူတွေ မရှိတော့ဘဲ အပြိုင်အဆိုင်ဖြစ်သွားမှာဖြစ်လို့ အသားဈေးတွေကျဆင်းလာနိုင် တယ်လို့ဆိုပါတယ်။ ဒါ့ကြောင့်  ရန်ကုန်တိုင်းဒေသကြီးအတွင်း နေရာဒေသအလိုက် သားသတ်လိုင်စင်အရေအတွက်နဲ့ တိုးမြှင့်ခွင့်ပြုပေး ဖို့တွေ ရှိမရှိကို မေးမြန်းခဲ့တာပါ။

လက်ရှိ သားသတ်လိုင်စင်တွေထပ်တိုးခွင့်ပြုပေးဖို့တွေရှိတယ်လို့ ရန်ကုန်မြို့တော်ဝန်ဦးမောင်မောင်စိုးက ပြောပါတယ်။  အသားစားသုံးမှုနှုန်း တွက်ချက်မှုအရ အခြေခံသတ်ကောင်ရေသတ်မှတ်ပြီးမှသာ လိ်ုင်စင်ချထားဆောင်ရွက်ဖို့စီမံထားတယ်လို့သိရပါတယ်။ လက်ရှိမှာလျှောက်လွှာတင်ထားမှုပေါ်မူတည်ပြီး လိုင်စင်ချထားပေးတဲ့မူဝါဒအတိုင်း ချထားပေးနေတယ်လို့သိရပါတယ်။ အသားထုတ်လုပ်ရာမှာ သန့်ရှင်းလတ်ဆတ်ပြီး ကျန်းမာရေးနှင့်ညီညွှတ်တဲ့အသားထုတ်လုပ်မှုလုပ်ငန်းစဉ်ကို မထိခိုက်ဖို့  မွေးမြူခြံနဲ့ ထုတ်လုပ်ရေးလုပ်ငန်းတွေ ပူးတွဲလုပ်တာကိုတော့ ဂရုစိုက်သင့်ပြီး ဒါဟာ ကောင်းကျိုးရှိသလို ဆိုးကျိုးလည်းရှိတယ် ဆိုပါတယ်။  မြို့တော်အတွင်း အသားထုတ်လုပ်မှုတွေကို သီးခြားနေရာပေးပြီးလုပ်ဆောင်ဖို့ရှိတယ်လို့ပြောကြားခဲ့ပါတယ်။ ရန်ကုန်မြို့တော်စည်ပင်နယ်နမိတ်အတွင်း လက်ရှိ အသားထုတ်လုပ်လိုင်စင်တွေ ချထားပေးမှုအနေနဲ့  ကျွဲ၊ နွားသားသတ်လိုင်စင်(၄၃)ခု၊ သိုး၊ဆိတ်(၁၁)ခု၊ ၀က်(၃၉)ခု ခွင့်ပြုပေးထားတယ်လို့လည်းသိရပါတယ်။

 

 

Related News