လူမှုဝန်ထမ်း၊ကယ်ဆယ်ရေးနှင့်ပြန်လည်နေရာချထားရေးဝန်ကြီးဌာန ပြန်လည်ထူထောင်ရေးဦးစီးဌာန လက်အောက် မှော်ဘီမြို့နယ်၊ အောက်ဝါးနက်ချောင်းကျေးရွာရှိ လူမှုစောင့်ရှောက်ရေး(အခြေအနေမဲ့ထိန်း သိမ်းစောင့်ရှောက်ရေး)ဂေဟာမှာ ၀န်ထမ်းအင်အားနဲ့ အစားအသောက်လိုအပ်နေတယ်လို့သိရပါတယ်။ 

လူမှုဝန်ထမ်း၊ကယ်ဆယ်ရေးနှင့်ပြန်လည်နေရာချထားရေးဝန်ကြီးဌာနပြန်လည်ထူထောင်ရေးဦးစီးဌာန လက်အောက်မှော်ဘီမြို့နယ်၊ အောက်ဝါးနက်ချောင်းကျေးရွာရှိ လူမှုစောင့်ရှောက်ရေး(အခြေအနေမဲ့ထိန်း သိမ်းစောင့်ရှောက်ရေး)ဂေဟာမှာ ရန်ကုန်မြို့တော်သန့်ရှင်း သာယာလှပဖို့အတွက် လမ်းပေါ်နေကလေးများ ပပျောက်ရေးစီမံချက်နဲ့ လမ်းပေါ်နေအခြေအနေမဲ့သူတွေကိုထိန်းသိမ်းစောင့်ရှောက်နေတာပါ။ လူမှုစောင့်ရှောက်ရေး (အခြေအနေမဲ့ထိန်းသိမ်းစောင့်ရှောက်ရေး)ဂေဟာမှာ လက်ရှိစောင့်ရှောက်ခံဦးရေအမျိုးသား(၇၈)ဦး၊ အမျိုးသမီး(၃၈)ဦး စုစုပေါင်း(၁၁၆)ဦးရှိပြီး ၀န်ထမ်းဦးရေ(၇)ဦးသာရှိတာကြောင့် ၀န်ထမ်းအင်အားလိုအပ်နေတယ်လို့ သိရပါတယ်။ စောင့်ရှောက်ခံသူများအတွက် တစ်ရက်စာစားစရိတ်အနေနဲ့  ငွေကျပ်(၁၂၀၀၀၀)ကုန်ကျတာကြောင့် အလှူရှင်တွေရဲ့ လှူဒါန်းမှုတွေလည်း လိုအပ်နေတယ်လို့ ပြောပါတယ်။

ပြန်လည်ထူထောင်ရေးဦးစီးဌာနအနေနဲ့လူမှုစောင့်ရှောက်ရေး(အခြေအနေမဲ့ထိန်းသိမ်းစောင့်ရှောက်ရေး) ဂေဟာရှိ စောင့်ရှောက်ခံသူတွေကို စိတ်ဓာတ်မြင့်မားစေဖို့ စိတ်ဓာတ်ပိုင်းဆိုင်ရာလေ့ကျင့်မှုတွေနဲ့ အသက်မွေးဝမ်းကျောင်းပညာသင်ကြားပေးသွားဖို့ရှိတယ်လို့သိရပါတယ်။လူမှုစောင့်ရှောက်ရေး(အခြေအနေမဲ့ထိန်းသိမ်းစောင့်ရှောက်ရေး)ဂေဟာရှိ စောင့်ရှောက်ခံသူတွေအနေနဲ့ ပြန်လည်ထူထောင်ရေးဦးစီးဌာနမှ သင်ကြားပေးမယ့်အသက်မွေးဝမ်းကျောင်းပညာတွေကိုသင်ကြားပြီး အသက်မွေးဝမ်းကျောင်းပြုသွားမယ့်သူတွေရှိသလို မိမိနေရပ်ကိုပြန်ချင်သူတွေလည်းရှိပါတယ်။

မှော်ဘီမြို့နယ်၊အောက်ဝါးနက်ချောင်းကျေးရွာရှိလူမှုစောင့်ရှောက်ရေး(အခြေအနေမဲ့ထိန်းသိမ်းစောင့်ရှောက်ရေး)ဂေဟာကို ရန်ကုန်တိုင်းဒေသကြီးအတွင်း အခြေအနေမဲ့များပြုစုစောင့်ရှောက်ဖို့အတွက် (၂၀၀၃)ခုနှစ်မှာစတင်ဖွင့်လှစ်ခဲ့ပြီး ၂၀၁၈ခုနှစ် မေလ(၃၀)ရက်မှာတော့ လူမှုဝန်ထမ်း၊ကယ်ဆယ်ရေးနှင့်ပြန်လည်နေရာချထားရေးဝန်ကြီးဌာန ပြန်လည်ထူထောင်ရေးဦးစီးဌာနထံ  လွှဲပြောင်းပေးခဲ့တယ်လို့သိရပါတယ်။ 

 

Related News