ပြစ်မှုကျူးလွန်သူတရားခံတွေရဲ့ လက်ပုံစံနှိပ်ယူနည်းမွမ်းမံသင်တန်းအမှတ်စဉ် (၅/၂၀၁၈)ကို ရန်ကုန်ဒေသကြီးရဲတပ်ဖွဲ့က ဒီနှစ်မှာ အမှတ်စဉ်(၅)ခုမြောက်အဖြစ် စက်တင်ဘာလ(၁၇)ရက်က တိုင်းဒေသကြီးရဲတပ်ဖွဲ့မှူးရုံးမှာ စတင်ဖွင့်လှစ်သင်ကြားပေးနေပါတယ်။ 

တရားခံတွေကို စနစ်တကျမှတ်တမ်းတင်ထားတာမရှိတာတွေ၊ မှတ်တမ်းတင်ထားပေမယ့် နည်းလမ်းမှန်ကန်အောင် မှတ်တမ်းရယူထားမှု မရှိတာတွေကြောင့်  အမှန်တကယ်ပြစ်ချက်ဟောင်းရှိတဲ့သူတွေကို ထိရောက်တဲ့ပြစ်ဒဏ်ရရှိရေး ဆောင်ရွက်ရာမှာ  အခက်အခဲတွေဖြစ်ပေါ်နေတာတွေ တွေ့ရှိနေရလို့ ခုလို မွမ်းမံသင်တန်းပေးတာဖြစ်တယ်လို့ သိရပါတယ်။

စီရင်ချက်ချမှတ်ပြီးတဲ့တရားခံတွေရဲ့ လက်ပုံစံတွေကို စနစ်တကျမှတ်တမ်းတင်ထားနိုင်ဖို့ လိုအပ်လို့ ဒီသင်တန်းကို ဖွင့်လှစ်ခဲ့တာဖြစ်ပြီး မှုခင်းရဲတပ်ဖွဲ့မှ ကျွမ်းကျင်ပညာရှင်တွေကိုယ်တိုင်လာရောက် လေ့ကျင့်သင်ကြားပေးနေတာဖြစ်ပါတယ်။ ဒီသင်တန်း တက်ရောက်အောင်မြင်ပြီးတဲ့ မှုခင်းမှတ်တမ်းတာဝန်ခံ သင်တန်းသားတွေကတဆင့် စခန်းကတပ်ဖွဲ့ဝင်တွေကို ဆင့်ပွားသင်ကြားပေး သွားမယ်လို့လည်းသိရပါတယ်။ ဒီသင်တန်းမှာ သင်တန်းသားအရာရှိ(၄၄)ဦးကို (၁)ပတ်တာ သင်ကြားပို့ချပေးမှာဖြစ်ပြီး ဒီနှစ်အတွင်း အခုသင်တန်းအပါအ၀င် အမှုစစ်အရာရှိ(၂၀၀)ကျော်ကို သင်ကြားပို့ချပေးထားနိုင်ပြီးဖြစ်တယ်လို့သိရပါတယ်။ 

 

 

Related News