ဒီနှစ် စက်တင်ဘာ(၂၁)ရက်ထိ မြန်မာနိုင်ငံရဲ့ပြည်ပကုန်သွယ်မှုကဏ္ဍမှာ  ပို့ကုန်တင်ပို့မှု အမေရိကန်ဒေါ်လာ တစ်ဘီလီယံခွဲကျော် ပိုမိုတင်ပို့ထားနိုင်ပြီး  ကုန်သွယ်မှုလိုငွေကိုလည်း လျှော့ချလာနိုင်တယ်လို့ ဒုတိယသမ္မတ ဦးမြင့်ဆွေက ပြောပါတယ်။

၂၀၁၈ စက်တင်တင်ဘာ(၂၁)ရက်ထိ (၆)လ၀န်းကျင်အတွင်း မြန်မာနိုင်ငံရဲ့ ပြည်ပကုန်သွယ်ပမာဏဟာ အမေရိကန်ဒေါ်လာ (၁၇)ဘီလီယံကျော်ရှိခဲ့ပြီး ယခင်နှစ် အလားတူကာလနဲ့နှိုင်းယှဉ်လိုက်ရင်  (၂)ဘီလီယံကျော်ပိုမို ကုန်သွယ်မှုပြုလုပ်လာနိုင်တာဖြစ်တယ်လို့ ဒုတိယသမ္မတ ဦးမြင့်ဆွေက ပြောပါတယ်။ ပုဂ္ဂလိက ကဏ္ဍဖွံ့ဖြိုးတိုးတက်ရေးအတွက် အောင်တိုဘာ(၆)ရက်က UMFCCI မှာပြုလုပ်တဲ့ ဒုတိယသမ္မတနဲ့ မြန်မာ့စီးပွားရေးလုပ်ငန်းရှင်တွေ ပုံမှန်တွေဆုံပွဲမှာ ဒုတိယသမ္မတဦးမြင့်ဆွေက ပြောကြားခဲ့တာဖြစ်ပြီး ဒီကုန်သွယ်မှုထဲမှာ ပုဂ္ဂလိက ကဏ္ဍက (၁၅)ဘီလီယံနီးပါးနဲ့ ရာခိုင်နှုန်းအားဖြင့် (၈၅)ရာခိုင်နှုန်း ပါဝင်နေတာလည်းဖြစ်ပါတယ်။   ဒီကုန်သွယ်မှုပမာဏမှာ ကုန်သွယ်မှုလိုငွေကို  အမေရိကန်ဒေါ်လာသန်း(၉၀၀)ခန့်လျှော့ချဆောင်ရွက်နိုင်ခဲ့ပြီး ပို့ကုန်တင်ပို့မှုကိုတော့ အမေရိကန်ဒေါ်လာ တစ်ဘီလီယံခွဲကျော် ပိုမိုတင်ပို့ထားနိုင်တယ်လို့ ပြောကြားခဲ့ပါတယ်။ 

ပြည်တွင်းကို နိုင်ငံခြားရင်းနှီးမြှပ်နှံမှုတွေဝင်ရောက်အောင် လက်ရှိမှာ အစီအစဉ်တွေချမှတ်ရေးဆွဲပြီး လုပ်ဆောင်နေတယ်လို့လည်းပြောပါတယ်။ ဒါပြင်  ဂျပန်၊ကိုရီးယာ၊ မက်ကာအို၊ ဟောင်ကောင်နိုင်ငံကူးလက်မှတ် ကိုင်ဆောင်သူတွေကို ဗီဇာ ကင်းလွတ်ခွင့်ပြုတာနဲ့ တရုတ်နိုင်ငံသားတွေကိုလည်း ဆိုက်ရောက်ဗီဇာနဲ့ခွင့်အပြုပေးနေပြီး ခရီးသွားတွေအပါအ၀င် လာရောက်ရင်းနှီးမြှပ်နှံတွေ  လွယ်ကူလျင်မြန်စွာလာရောက်နိုင်ဖို့ ဖြေလျှော့ပေးနိုင်တာတွေကို ဖြေလျှော့ပေးထားတယ်လို့လည်း သိရပါတယ်။

အာရှဖွံ့ဖြိုးရေးဘဏ်ကနေ ထုတ်ပြန်ထားတဲ့ အာရှ(၁၀)နိုင်ငံရဲ့စီးပွားရေးဖွံ့ဖြိုးမှုကို ခန့်မှန်းချက်အရ မြန်မာနိုင်ငံရဲ့ ပြည်ပကုန်သွယ်ရေးငွေပေးငွေယူရှင်းတမ်းမှာ လိုငွေပြမှုအနေနဲ့  (၂၀၁၈)ခုနှစ်မှာ  GDPရဲ့ (၃)ရာခိုင်နှုန်း၊ (၂၀၁၉)ခုနှစ်မှာ GDP ရဲ့ (၄)ရာခိုင်နှုန်းရှိမယ်လို့ ခန့်မှန်းထားပါတယ်။  ပြီးခဲ့တဲ့(၂၀၁၇-၂၀၁၈)ဘဏ္ဍာရေးနှစ်မှာ မြန်မာနိုင်ငံရဲ့ ပြည်ပကုန်သွယ်မှုပမာဏဟာ အမေရိကန်ဒေါ်လာ (၃၃)ဘီလီယံကျော်ရှိခဲ့ပြီး ပုဂ္ဂလိကကဏ္ဍက  (၂၇)ဘီလီယံကျော်နဲ့ (၈၁)ရာခိုင်နှုန်းပါဝင်ခဲ့တယ်လို့သိရပါတယ်။

 

Related News