အောင်တိုဘာ(၆)ရက်က UMFCCI မှာပြုလုပ်တဲ့ ပုဂ္ဂလိကကဏ္ဍဖွံ့ဖြိုးတိုးတက်ရေးအတွက်  ဒုတိယသမ္မတနဲ့ မြန်မာ့စီးပွားရေးလုပ်ငန်းရှင်တွေ ပုံမှန်တွေဆုံပွဲမှာ ပြည်တွင်းကို  တရားမ၀င်ကုန်ပစ္စည်းတွေ ၀င်ရောက်မှုမရှိစေရေးအတွက် တားဆီးနှိမ်နင်းရေးတွေ ထိရောက်စွာလုပ်ဆောင်နိုင်အောင် ၀န်ကြီးတွေကိုယ်တိုင် အထူးအဖွဲ့ခေါင်းဆောင်တွေအဖြစ် တာဝန်ယူဆောင်ရွက်နေတယ်လို့ ဒုတိယသမ္မတဦးမြင့်ဆွေက ပြောပါတယ်။

ပြည်တွင်းက အသေးစားနှင့် အလတ်စားစီးပွားရေးလုပ်ငန်း(SME)တွေအနေနဲ့ ပြည်ပက တရားမ၀င်တင်သွင်းနေတဲ့ ကုန်ပစ္စည်းတွေကို မယှဉ်ပြိုင်နိုင်သေးသလို ဒီတရားမ၀င်ပစ္စည်းတွေကြောင့် (SME)လုပ်ငန်းတွေ ဖွံ့ဖြိုးတိုးတတ်ဖို့ အခက်အခဲဖြစ်စေတယ်လို့ ပြောပါတယ်။ ဒီတရားမ၀င် ကုန်ပစ္စည်းတွေနဲ့ ပတ်သက်လို့ ထိရောက်တဲ့  တားဆီးနှိမ်နင်းရေး လုပ်ငန်းတွေအတွက် အထူးအဖွဲ့တွေဖွဲ့စည်းဆောင်ရွက်နေပြီး   အဓိကလမ်းမကြီးတွေကနေ ကားတွေနဲ့တင်သွင်းတဲ့ လမ်းကြောင်းတွေကိုတော့ စစ်ဆေးရေးစခန်းတွေ ဖွင့်လှစ်လုပ်ဆောင်နေတယ်လို့ သိရပါတယ်။

နယ်စပ်တွေက ၀င်ရောက်နေတဲ့ ကုန်ပစ္စည်းတွေနဲ့ ပတ်သက်လို့ နိုင်ငံတော်သမ္မတကို တင်ပြပြီး  နယ်စပ်ဒေသတွေရှိတဲ့ တိုင်းဒေသကြီးနဲ့ ပြည်နယ်တွေမှာ ထိထိရောက်ရောက်နှိမ်နင်းနိုင်ဖို့ လုပ်ဆောင်နေသလို  တချို့ပြည်နယ်တွေမှာ ၀န်ကြီးတွေကိုယ်တိုင် အထူးအဖွဲ့ခေါင်းဆောင်တွေအဖြစ် တာဝန်ယူနှိမ်နင်းနေတယ်လို့ ပြောကြားပါတယ်။

တရားမဝင်ကုန်ပစ္စည်းတားဆီးနှိမ်နင်းရေးလုပ်ငန်းဟာ ဒုတိယသမ္မတနဲ့ မြန်မာ့စီးပွားရေးလုပ်ငန်းရှင်တွေ ပုံမှန်တွေ့ဆုံပွဲ တွေထဲကနေ ပူးပေါင်းဖြေရှင်းလုပ်ဆောင်ရမယ့် လုပ်ငန်းတစ်ခုအဖြစ် ထွက်ရှိလာခဲ့တာလည်း ဖြစ်ပြီး ဒီလုပ်ငန်းကတော့ အချိန်ယူလုပ်ဆောင်ရမယ့်လုပ်ငန်းတစ်ခုဖြစ်တာဖြစ်တယ်လို့ ဒုတိယသမ္မတက ပြောပါတယ်။ ဒုတိယသမ္မတနဲ့ မြန်မာ့ စီးပွားရေးလုပ်ငန်းရှင်တွေ ပုံမှန်တွေဆုံပွဲကို ၂၀၁၆ ဒီဇင်ဘာကတည်းက စတင်ပြုလုပ်လာ ခဲ့တာဖြစ်ပြီး အခုအကြိမ်ကတော့   အကြိမ်(၂၀)မြောက်တွေ့ဆုံပွဲလည်း ဖြစ်ပါတယ်။ အခုလို တွေ့ဆုံဆွေးနွေးမှုတွေကနေ လုပ်ငန်းရှင်တွေရဲ့ တင်ပြမှု အချက် (၂၈၃)ချက်ထိရှိခဲ့ပြီး  သက်ဆိုင်ရာဝန်ကြီးဌာနတွေ၊ လုပ်ငန်းကော်မတီ(၅)ခုနဲ့ ပုဂ္ဂလိကကဏ္ဍတို့ ပူးပေါင်းဖြေရှင်းဆောင်ရွက် နေတယ်လို့ သိရပါတယ်။

 

Related News